କନକ ବ୍ୟୁରୋ : ହିରୋ ଠକିଥିଲା ଟଙ୍କା । ଘର ବିକ୍ରି ନାଁରେ ଟଙ୍କା ଠକି ଗିରଫ ହେଲେ ୪୨୦ ଓଡିଆ ଅଭିନେତା । ଏହି ଅଭିନେତା ଜଣଙ୍କ ହେଲେ ଅଜିତାଭ ମଲ୍ଲିକ । ସେ ଭୁବନେଶ୍ୱର କୋଳଥିଆ ଅଂଚଳରେ ଡୁପ୍ଲେକ୍ସ ଘର ବିକିବା କହି ଟଙ୍କା ଠକିନେଇଥିବା ଅଭିଯୋଗ ହୋଇଛି । ରେଭେନ୍ସା ବିଶ୍ୱବିଦ୍ୟାଳୟର ଜଣେ ମହିଳା ଆସିଷ୍ଟାଣ୍ଟ ପ୍ରଫେସରଙ୍କୁ ଘର ବିକ୍ରି କରିବାକୁ କହିଥିଲେ । କୋଟିଏ ଟଙ୍କାରେ ଘର ବିକ୍ରି କରିବାକୁ କହିଥିଲେ ଅଜିତାଭ ।
Kanak News is now on WhatsApp
Join and get latest news updates delivered to you via WhatsApp
ଆସିଷ୍ଟାଣ୍ଟ ପ୍ରଫେସର ଏଥିରେ ରାଜି ହେବାରୁ ପ୍ରଥମେ ୨୫ ଲକ୍ଷ ଟଙ୍କାର ନଗଦ, ଏହାପରେ ବିଭିନ୍ନ ଆକାରରେ ମୋଟ୍ ୮୫ ଲକ୍ଷ ଟଙ୍କା ଆସିଷ୍ଟାଣ୍ଟ ପ୍ରଫେସରଙ୍କ ଠାରୁ ନେଇଥିଲେ ଅଜିତାଭ । କିନ୍ତୁ ଟଙ୍କା ନେବା ପରେ ଅଜିତାଭ ଘର ଦେଇନଥିଲେ କି ଆଉ ଧରାଛୁଆଁ ଦେଇନଥିଲେ । ୨୦୨୦ ମସିହାରୁ ଟଙ୍କା ନେଇଥିବା ବେଳେ ଏପର୍ଯ୍ୟନ୍ତ ଦେଖା ଦେଉନଥିଲେ ।
ଏ ନେଇ ଖଣ୍ଡଗିରି ଥାନାରେ ଅଭିଯୋଗ ହୋଇଥିଲା । ଆଜି ଖଣ୍ଡଲିରି ପୋଲିସ ପୁଲିସ ଅଭିଯୁକ୍ତ ଅଜିତାଭ ମଲ୍ଲିକଙ୍କୁ ଗିରଫ କରିଛି । ଅଜିତାଭ ଜଣେ ସହ କଳାକାର ଭାବେ ବିଭିନ୍ନ ଚଳଚ୍ଚିତ୍ରରେ ଅଭିନୟ କରିଛନ୍ତି । ଏଥିସହ ଓଡିଆ ଫିଲ୍ମ ଅରୁନ୍ଧତିର ପ୍ରଯୋଜକ । ଅରୁନ୍ଧତିରେ ସହ କଳାକାର ଭାବେ ଅଭିନୟ ବି କରିଛନ୍ତି ଅଜିତାଭ ।