କନକ ବ୍ୟୁରୋ : ଥରେ ଭାବନ୍ତୁ ତ ଆପଣ ଗୋଟିଏ ଦାମୀ ରେଷ୍ଟୁରାଣ୍ଟରେ ପହଂଚିଲେ । ସେଠାରେ ମିଳୁଥିବା ସମସ୍ତ ପ୍ରକାର ସ୍ୱାସ୍ଥ୍ୟକର ଖାଦ୍ୟ ଖାଇଲେ । ହେଲେ ଯେତେବେଳେ ଆପଣ ବିଲ୍ ପୈଠ କରିବାକୁ ଯାଉଛନ୍ତି ତ ଆପଣଙ୍କୁ କୁହାଯିବ ଆପଣଙ୍କ ଇଚ୍ଛା ଯେତିକି ହେଉଛି ସେତିକି ବିଲ ପୈଠ କରନ୍ତୁ । ଏହାକୁ ଆପଣ ବିଶ୍ୱାସ କରିପାରିବେ ତ ! ହଁ ଆଜ୍ଞା ଏଭଳି ହୋଟେଲ ବା ରେଷ୍ଟୁରାଣ୍ଟ ଅନ୍ୟ କେଉଁଠି ନୁହେଁ ବରଂ ଆମ ଦେଶରେ ରହିଛି । ଆସନ୍ତୁ ଜାଣିବା ଏହି ହୋଟେଲ ବାବଦରେ ।
Kanak News is now on WhatsApp
Join and get latest news updates delivered to you via WhatsApp
In Gratitude House cafe, Mumbai you get good healthy food to eat. Most important, you can pay what you want! What a wonderful concept. pic.twitter.com/dOwPPb0JZ6
— Harsh Goenka (@hvgoenka) July 2, 2022
ସିଏଟ ଟାୟାର ନିର୍ମାଣକାରୀ କମ୍ପାନୀ ଆପିଜି ଗ୍ରୁପର ପ୍ରମୁଖ ହର୍ଷ ଗୋଏନକା ତାଙ୍କ ଟ୍ୱିଟର ହ୍ୟାଣ୍ଡଲରେ ଏଭଳି ଏକ ହୋଟେଲ ବାବଦରେ ଟ୍ୱିଟ କରିଛନ୍ତି । ଗୋଏନକା ତାଙ୍କ ଟ୍ୱିଟର ହ୍ୟାଣ୍ଡଲରେ ଯେଉଁ ହୋଟେଲର ଫଟୋ ଦେଇଛନ୍ତି ତାହା ମୁମ୍ବାଇର ପଶ୍ଚିମ ବାନ୍ଦ୍ରାରେ ଅବସ୍ଥିତ । ଏହି ହୋଟେଲର ନାମ ଗ୍ରାଟିଟ୍ୟୁଡ ହାଉସ ଅଫ କାଫେ । ଏହି ରେଷ୍ଟୁରାଣ୍ଟର ସ୍ୱତନ୍ତ୍ରତା ହେଉଛି କି, ଏଠାରେ ଗ୍ରାହକମାନଙ୍କୁ ଅର୍ଗାନିକ ଫୁଡ ପ୍ରଦାନ କରାଯାଇଥାଏ । ଏହାସହ ଏହି ରେଷ୍ଟୁରାଣ୍ଟ ୨୪ ଘଂଟା ଖୋଲା ରହିଥାଏ । ହେଲେ ଆପଣ ଯାହା ବି ଖାଆନ୍ତୁ ଓ ଯେତେ ପରିମାଣର ଖାଇଲେ ବି ଆପଣଙ୍କୁ ସଠିକ୍ ବିଲ ଦେବାକୁ ବାଧ୍ୟ କରାଯାଏ ନାହିଁ । ଆପଣ ଖାଇସାରିବା ପରେ ଆପଣଙ୍କ ଇଚ୍ଛା ଯେତିକି ହେବ ଆପଣ ସେତିକି ଅର୍ଥ ଦେଇ ଆସିପାରିବେ ।