କନକ ବ୍ୟୁରୋ: ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାରେ ରହୁଥିବା ବଲିଉଡ ଅଭିନେତ୍ରୀ କଙ୍ଗନା ରଣାୱତ୍ ଏବେ ନିଜ ଅଭିନୀତ ଫିଲ୍ମ ‘ଥଲାଇବି’କୁ ନେଇ ଚର୍ଚ୍ଚାରେ । ଏହି ଚଳଚ୍ଚିତ୍ରରେ ସେ ତାମିଲନାଡୁ ଭୂତପୂର୍ବ ମୁଖ୍ୟମନ୍ତ୍ରୀ ଜୟଲଳିତାଙ୍କ ଚରିତ୍ରକୁ ନିଖୁଣ ଭାବେ ଉତାରିଛନ୍ତି କଙ୍ଗଣା । ଏହାର ପ୍ରମୋସନ ପାଇଁ ଦିଲ୍ଲୀ ଯାଇଥିଲେ କଙ୍ଗଣା । ଥଲାଇବି ମୁଭି ଉପରେ କହୁ କହୁ କହିଥିଲେ ରାଜନୀତିରେ ପ୍ରବେଶ କଥା ।
‘ଥଲାଇବି’ରେ ଜୟଲଳିତାଙ୍କ ପରି ତାଙ୍କୁ ମଧ୍ୟ ସୁଯୋଗ ମିଳିଲେ ସେ ମଧ୍ୟ ରାଜନୀତି କରିବେ ବୋଲି କହିପକାଇଥିଲେ କଙ୍ଗଣା । ବୋଧହୁଏ ଏହା ତାଙ୍କ ମନ କଥା ବୋଲି ତାଙ୍କ ଫ୍ୟାନ ମାନଙ୍କ ମଧ୍ୟରେ ଚର୍ଚ୍ଚା ହେଉଛି । ଏହି ମଂଚରେ ଫିଲ୍ମର ପ୍ରଯୋଜନ ବିଷ୍ଣୁବର୍ଦ୍ଧନ ଇନ୍ଦୁରୀ ମଧ୍ୟ ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ରାଜନୀତି ହେଉ କି ସାମାଜିକ ପ୍ରସଙ୍ଗ, ଏସବୁ ନେଇ ନିଡର ଭାବେ ନିଜ ମତାମତ ଦେଇ ସବୁବେଳେ ର୍ଚ୍ଚାରେ ରହିଅସୁଛନ୍ତି କଙ୍ଗଣା ରଣାୱତ୍ । ତାଙ୍କର ଏପରି ନିର୍ଭିକ ଗୁଣକୁ ଅନେକ ସମର୍ଥନ କରୁଥିବାବେଳେ ଅନେକ ଏହାକୁ ବିରୋଧ କରୁଥିବାର ଅନେକ ନଜିର ରହିଛି । ଫିଲ୍ମ ରିଲିଜ୍ ପୂର୍ବରୁ ଏକ ସମ୍ବାଦିକ ସମ୍ମିଳନୀରେ ଯୋ ଦେଇଥିଲେ କଙ୍ଗଣା । କୌଣସି ମତେ ଏହି ଫିଲ୍ମ ତାଙ୍କର ରାଜନୀତିରେ ପ୍ରବେଶକୁ ସଙ୍କେତ ଦେଉଛି କି ବୋଲି ପ୍ରଶ୍ନ କରିଥିଲେ ସାମ୍ବାଦିକ । ଆଉ ଏହାର ଉ୍ତ୍ତର ଦେବାକୁ ଯାଇ କଙ୍ଗଣା କହିଥିଲେ – ମଲ୍ଟିପ୍ଲେକ୍ସ ଗୁଡିକୁ ନେଇ ପ୍ରଯୋଜକ ସମସ୍ୟାରେ ପଡୁଥିବାରୁ ଏହି ମୁଭି ଅଧିକାଂଶ ମଲ୍ଟିପ୍ଲେକ୍ସରେ ହିନ୍ଦିରେ ରିଲିଜ ହେବ ନାହିଁ । ମୁଁ ଜଣେ ଜାତୀୟବାଦୀ ଓ ଦେଶର ସଚେତନ ନାଗରିକ । ତେଣୁ ଦେଶର ହିତ ପାଇଁ ମତ ପ୍ରକାଶ କରିଥାଏ । ମୁଁ ଅଭିନେତ୍ରୀ ଭାବେ ଖୁସି ଅଛି । କିନ୍ତୁ ଭବିଷ୍ୟତରେ ଯଦି ଲୋକେ ମୋତେ ପସନ୍ଦ କରନ୍ତି ଓ ସମର୍ଥନ କରନ୍ତି ତେବେ ରାଜନୀତି ରଣାଙ୍ଗନରେ ମଧ୍ୟ ଓହ୍ଲାଇବି ବୋଲି କହିଛନ୍ତି କଙ୍ଗଣା । ତେବେ କଙ୍ଗଣାକଙ୍କ ଏକଥା ସତ ହେଲେ ସେ କେଉଁ ଦଳରେ ଯୋଗ ଦେବେ ତାକୁ ଅପେକ୍ଷା ।