ୟୁଏଇରୁ ଗୁପ୍ତା ବ୍ରଦର୍ସ ଗିରଫ। ଦକ୍ଷିଣ ଆଫ୍ରିକାରେ ଟଙ୍କା ହଡପ କରି ହୋଇଥିଲେ ଫେରାର।
କନକ ବ୍ୟୁରୋ : ଦକ୍ଷିଣ ଆଫ୍ରିକାରୁ ଫେରାର ଗୁପ୍ତା ବ୍ରଦର୍ସ ସୋମବାର ୟୁଏଇରୁ ଗିରଫ ହୋଇଛନ୍ତି । ରାଜେଶ ଗୁପ୍ତା ଏବଂ ଅତୁଲ ଗୁପ୍ତାଙ୍କ ବିରୋଧରେ ଆଫ୍ରିକାର ପୂର୍ବତନ ରାଷ୍ଟ୍ରପତିଙ୍କ ଶାସନ ସମୟରେ କୋଟିକୋଟି ଟଙ୍କା ହଡପର ଅଭିଯୋଗ ରହିଛି । ଇଣ୍ଟରପୋଲ ଜରିଆରଏହି ଦୁଇ ଭାଇଙ୍କୁ ଗିରଫ କରାଯାଇଛି । ଏନେଇ ଦକ୍ଷିଣ ଆଫ୍ରିକା ପକ୍ଷରୁ ସୂଚନା ଦିଆଯାଇଛି । ୟୁଏଇର ପ୍ରବର୍ତ୍ତନ ଅଧିକାରୀ ଗୁପ୍ତା ଭାଇଙ୍କୁ ଗିରଫ କରିଥିଲେ । ତେବେ ସେମାନଙ୍କର ତୃତୀୟ ଭାଇ ଅଜୟ ଗୁପ୍ତା ଗିରଫ ହୋଇଛନ୍ତି ନା ନାହିଁ ସେନେଇ ସୂଚନା ମିଳିପାରିନାହିଁ ।
Kanak News is now on WhatsApp
Join and get latest news updates delivered to you via WhatsApp
କଣ ରହିଛି ଗୁପ୍ତା ଭାଇଙ୍କ ବିରୋଧରେ ଅଭିଯୋଗ?
ଗୁପ୍ତା ଭାଇଙ୍କର ଦକ୍ଷିଣ ଆଫ୍ରିକାର ପୂର୍ବତନ ରାଷ୍ଟ୍ରପତି ଜାକବ ଜୁମାଙ୍କ ସହିତ ଭଲ ସମ୍ପର୍କ ଥିଲା । ଏହାର ଫାଇଦା ଉଠାଇ ସେମାନେ କୋଟିକୋଟି ଟଙ୍କାର ଆର୍ଥିକ ଫାଇଦା ଉଠାଇଛନ୍ତି । ସେହିଭଳି ବରିଷ୍ଠ ଅଧିକାରୀଙ୍କ ନିଯୁକ୍ତିରେ ବି ଏମାନଙ୍କ ଭୂମିକା ରହୁଥିଲା ।
ସୂଚନା ଅନୁସାରେ ୨୦୧୮ ମସିହାରେ ଗୁପ୍ତା ପରିବାର ନିଜ ଇଚ୍ଛାରେ ଦକ୍ଷିଣ ଆଫ୍ରିକା ଛାଡି ଦୁବାଇ ଚାଲିଯାଇଥିଲେ । ସେମାନେ କୋଟି କୋଟି ଟଙ୍କା ହଡପ କରିବା ପରେ ସପରିବାର ଦୁବାଇ ପଳାୟନ କରିଥିଲେ । କେବଳ ଏତିକି ନୁହେଁ ଠକେଇର ଅନୁଧ୍ୟାନ କରୁଥିବା ଆଫ୍ରିକାର ସିଇଓ ୱେନେ ଡୁବେନହେଜ କହିଛନ୍ତି ଆଫ୍ରିକା ଛାଡିବା ପୂର୍ବରୁ ଗୁପ୍ତା ଭାଇ ୧୫ ବିଲିୟନ ଆଫ୍ରିକୀୟ ଟଙ୍କା ନେଇଛନ୍ତି ।
ପୂର୍ବରୁ ଇଣ୍ଟରପୋଲ ଗୁପ୍ତାବ୍ରଦର୍ସ ବିରୋଧରେ ରେଡ୍ ନୋଟିସ ଜାରି କରିସାରିଥିଲା । ସେମାନଙ୍କ ଆମେରିକା ଏବଂ ୟୁକେ ଆସିବା ଉପରେ ମଧ୍ୟ ପ୍ରତିବନ୍ଧକ ଲାଗିସାରିଥିଲା । ୨୦୧୮ ମସିହାରେ ଦକ୍ଷିଣ ଆଫ୍ରିକାରୁ ଗୁପ୍ତା ଭ୍ରାତା ପଳାୟନ କରିଥିଲେ । ସେତେବେଳେ ଦେଶରେ ଜାକବ ଜୁମାଙ୍କ ବିରୋଧରେ ଜୋରଦାର ପ୍ରଦର୍ଶନ ହେଉଥିଲା । ଲୋକେ ଦାବି କରୁଥିଲେ ଜାକବ ଜୁମାକୁ ହଟାଇ ସିରିଲ ରାମଫୋସାଙ୍କୁ ନୂଆ ରାଷ୍ଟ୍ରପତି କରଯାଉ । ବର୍ତ୍ତମାନ ଶୀଘ୍ର ଉଭୟ ଭାଇଙ୍କୁ ଦକ୍ଷିଣ ଆଫ୍ରିକା ନେବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ପୂର୍ବରୁ ଏହା ସମ୍ଭବ ହୋଇପାରୁନଥିବା ବେଳେ ୨୦୨୧ ଜୁନରେ ୟୁଏଇ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପ୍ରତ୍ୟାର୍ପଣ ସନ୍ଧି ସ୍ୱାକ୍ଷର ହେବା ପରେ ଏହା ସମ୍ଭବ ହୋଇପାରିଛି ।