କନକ ବ୍ୟୁରୋ : ଆନ୍ଧ୍ରପ୍ରଦେଶର ଗୁଣ୍ଟୁରରେ ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ରାଲିରେ ଦଳ ଚକଟା । ତେଲଗୁ ଦେଶମ ପାର୍ଟିର ମୁଖ୍ୟ ଚନ୍ଦ୍ରବାବୁ ନାଇଡୁଙ୍କ ରାଜନୈତିକ ସମାବେଶରେ ଦଳା ଚକଟା ହୋଇ ୩ ଜଣଙ୍କ ମୃତ୍ୟୁ ଓ ବହୁ ଟିଡିପି କର୍ମୀ ଆହତ ହୋଇଛନ୍ତି । ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯାଇଛି । ଆଜି ଗୁଣ୍ଟରରେ ଚନ୍ଦ୍ରବାବୁ ନାଇଡୁ ଏକ ଜନସଭାକୁ ସମ୍ବୋଧିତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସଭା ଶେଷ କରି ଟିଡିପି ମୁଖ୍ୟ ଯିବା ପରେ ସେଠାରେ ସ୍ୱତନ୍ତ୍ର ରାସନ କିଟ୍ ସଂକ୍ରାନ୍ତି କଣୁକା ବଂଟନ କାର୍ଯ୍ୟକ୍ରମ ଆରମ୍ଭ ହୋଇଥିଲା । ହେଲେ ଶହ ଶହ ଲୋକ ବଂଟନ ସ୍ଥଳକୁ ବଳପୂର୍ବକୁ ଧସେଇ ପଶିବାକୁ ଉଦ୍ୟମ କରିବାରୁ ଦଳାଚକଟା ପରିସ୍ଥିତି ସୃଷ୍ଟି ହୋଇଥିଲା । ଏଥିରେ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ ବହୁ ଟିଡିପି କର୍ମୀ ଆହତ ହୋଇଛନ୍ତି । ଏହା ପୂର୍ବରୁ ଚନ୍ଦ୍ରବାବୁ ନାଇଡୁଙ୍କ ନେଲୋର ରାଲିରେ ଦଳଚକଟା ହୋଇ ୮ ଜଣ ପ୍ରାଣ ହରାଇଥିଲେ । ସୁରକ୍ଷାରେ ତ୍ରୁଟି ଯୋଗୁଁ ବାରମ୍ବାର ଚନ୍ଦ୍ରବାବୁ ନାଇଡୁଙ୍କ ରାଜନୈତିକ କାର୍ଯ୍ୟକ୍ରମରେ ଏଭଳି ଅଘଟଣ ଦେଖିବାକୁ ମିଳୁଛି ।