ମମିତାଙ୍କ ଶବ ପୋଡ଼ିବା ପାଇଁ ଗୋବିନ୍ଦ ସାହୁ କିଣିଥିଲା ପୁରୁଣା ଟାୟାର। ଟାୟାର ଦୋକାନୀ ବିବେକ ଅଗ୍ରୱାଲଙ୍କ ରେକର୍ଡ ହେଲା ବୟାନ ।
କନକ ବ୍ୟୁରୋ: ମମିତା ମେହେରଙ୍କୁ ହତ୍ୟା କରିବା ପରେ ମୃତଦେହକୁ କେମିତି ନଷ୍ଟ କରାହେବ ସେଥିପାଇଁ ପ୍ଲାନ କରିଥିଲା ଗୋବିନ୍ଦ । ଟାୟାରରେ ସେ ମୃତଦେହକୁ ପୋଡିବା ପାଇଁ ଯୋଜନା କରି ନିକଟସ୍ଥ ଏକ ଦୋକାନୀକୁ ପୁରୁଣା ଟାୟାର ମାଗିଥିଲା । ସେହି ବ୍ୟକ୍ତି ଜଣକ ପୋଲିସକୁ ବୟାନ ଦେଇ କହିଛନ୍ତି ଗୋବିନ୍ଦ ସାହୁ ତାଙ୍କୁ ପୁରୁଣା ଟାୟାର ମାଗିଥିଲା ଓ ସେହି ଟାୟାର ନେବା ପାଇଁ ଆସିଥିଲା ରାଧେ ।
Kanak News is now on WhatsApp
Join and get latest news updates delivered to you via WhatsApp
ଜଣେ ନୀରିହ ଝିଅକୁ ଅତି ନୃଶଂସତାର ସହ ହତ୍ୟା କରିଥିବା ଅପରାଧୀ ଗୋବିନ୍ଦ ସାହୁ ଭଲ ଭାବେ ପ୍ଲାନ କରିଥିଲା ଯେ ମମିତାଙ୍କ ମୃତ ଦେହକୁ ସେ କେମିତି ପୋଡିବ । ବୋଧହୁଏ ତା ମନରେ ବି ଚାଲିଥିଲା ଏମିତି ପୋଡିବ ଯେମିତି କେହି ଟେର ପାଇବେନି । ଆଉ ସେ ଜାଣିଥିଲା ନିଶ୍ଚୟ ଯେ ଟାୟାର ବହୁତ ସମୟ ଯାଏ ଜଳେ ଏବଂ ଟାୟାରର ଗନ୍ଧ ମୃତ ଦେହର ଗନ୍ଧକୁ ବାରିବାରେ ବାଧା ଦେଇପାରେ ।
ତେଣୁ ଟାୟାର କିଣିବା ପାଇଁ ଗୋବିନ୍ଦ ଦୋକାନୀ ବିବେକ ଅଗ୍ରୱାଲଙ୍କୁ ଫୋନ୍ କରିଥିଲା । ଗୋବିନ୍ଦର ନିର୍ଦ୍ଦେଶକ୍ରମେ ଡ୍ରାଇଭର ରାଧେଶ୍ୟାମ ଚଣ୍ଡି ଦୋକାନକୁ ଯାଇ ଟାୟାର କିଣିଥିଲା । ପୁଲିସକୁ ଟାୟାର ଦୋକାନୀ ବିବେକ ଅଗ୍ରୱାଲ ଏହି ବୟାନ ଦେଇଛନ୍ତି । ଅନ୍ୟପଟେ ମମିତା ମେହେରଙ୍କୁ ନ୍ୟାୟ ଦାବିରେ ଜଗତସିଂହପୁର ବିଜେପି ଥାନା ଘେରାଉ କରିଛି । ଶତାଧିକ ବିଜେପି କର୍ମୀ ଜଗତସିଂହପୁର ଥାନା ଘେରାଉ କରି ମମିତାଙ୍କୁ ଶୀଘ୍ର ନ୍ୟାୟ ଦେବାକୁ ଦାବି କରିଛନ୍ତି । ନ୍ୟାୟ ନମିଳିବା ଯାଏ ଆନ୍ଦୋଳନ ଜାରି ରହିବ ବୋଲି ଜିଲ୍ଲା ବିଜେପି କହିଛି । ସୂଚନାଯୋଗ୍ୟ ଯେ, ମମିତା ମେହେର ହତ୍ୟା ମାମଲାରେ ଏଯାବତ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଗିରଫ ହୋଇଛିି । କିନ୍ତୁ ଏହି ହତ୍ୟା ମାମଲା ସହ ଯୋଡି ହୋଇରହିଥିବା ଅନେକ ପ୍ରଶ୍ନ ଏବେ ବି ରହସ୍ୟ ଘେରରେ ରହିଛି ।