ବିରୋଧୀ କହିଲେ ଓଡ଼ିଶାରେ ଅଫିସର ରାଜ ଚାଲିଛି । ବିଜେଡି କହିଲା ନବୀନଙ୍କ କଥାରେ ଓଡ଼ିଶାରେ ଶାସନ ଚାଲିଛି ।
କନକ ବ୍ୟୁରୋ : ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କୁ ମନ୍ତ୍ରୀ ରିତା ସାହୁ ଭେଟିବା ପ୍ରସଙ୍ଗକୁ ନେଇ ରାଜ୍ୟ ସରକାରଙ୍କୁ ଉଭୟ ବିଜେପି ଓ କଂଗ୍ରେସ ଘେରିବା ସହ ରାଜ୍ୟରେ ଅଫିସର ରାଜ ଚାଲିଥିବା କହିଛନ୍ତି । ଆଉ ବିରୋଧୀଙ୍କ ଏଭଳି ଅଭିଯୋଗର ପ୍ରତିଜବାବ ରଖିଛନ୍ତି ମନ୍ତ୍ରୀ ନିରଞ୍ଜନ ପୂଜାରୀ । ନିରଞ୍ଜନ କହିଛନ୍ତି, ଓଡ଼ିଶାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶାସନ ଚାଲିଛି । ମୁଖ୍ୟମନ୍ତ୍ରୀ ହିଁ ଆମର ସର୍ବୋଚ୍ଚ ନେତା । କିନ୍ତୁ ବିରୋଧୀ ଗୃହରେ ମନ୍ତ୍ରୀମାନଙ୍କ ସମ୍ମାନ ହାନି କଲା ଭଳି କଥା କହୁଛନ୍ତି । ତେଣୁ ଗୃହରେ ଏହାକୁ ମୁଁ କାଉଣ୍ଟର କରିଥିଲି । ମୋ ଫଟୋ ଦେଖାଇ ବିଭିନ୍ନ ଅଭିଯୋଗ କରୁଛନ୍ତି । କିନ୍ତୁ ମୁଁ ମୁଖ୍ୟମନ୍ତ୍ରୀଙ୍କୁ ନମସ୍କାର କରୁଥିଲି, ମଞ୍ଚ ଉପରେ ଆଉ କାହାକୁ ନୁହେଁ । ବିରୋଧୀ ବାରମ୍ବାର ମନ୍ତ୍ରୀ ମାନଙ୍କ ସମ୍ମାନ କ୍ଷୂର୍ଣ୍ଣ କଲା ଭଳି କଥା କହୁଛନ୍ତି । ତେଣୁ ତାଙ୍କୁ ଏଥିରୁ ନିବୃତ୍ତ ରହିବାକୁ ଅନୁରୋଧ କରିଛି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ବିଜେଡି ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କଥାରେ ହିଁ ଓଡ଼ିଶାରେ ଶାସନ ଚାଲିଛି । ଅନ୍ୟ ସବୁ ଚର୍ଚ୍ଚା ମିଡ଼ିଆ ଓ ବିରୋଧୀ କରୁଛନ୍ତି । ବିକାଶ ମୂଳକ କାମ ପାଇଁ କୌଣସି ଅଫିସରଙ୍କ ପାଖରେ ବସି ଆଲୋଚନା କରିବାରେ ଅସୁବିଧା ନାହିଁ ତ । ସେହିଭଳି ନବ ଦାସଙ୍କ ହତ୍ୟାକାଣ୍ଡର ତଦନ୍ତ କ୍ରାଇମବ୍ରାଞ୍ଚ କରୁଛି । ଯେଉଁମାନେ ଦୋଷୀ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ।