ଦିଲ୍ଲୀ ସରକାର ବନାମ କେନ୍ଦ୍ର ସରକାର। ଏକ୍ସସାଇଜ ପଲିସିକୁ ନେଇ ପଲିଟିକ୍ସ, ବିଜେପି ଓ ଆପ୍ ମୁହାଁମୁହିଁ।
କନକ ବ୍ୟୁରୋ: ଯେବେଠୁ ଦିଲ୍ଲୀ ସରକାରଙ୍କ ନୂଆ ଅବକାରୀ ନୀତି ବିରୋଧରେ ସିବିଆଇ ତଦନ୍ତ ପାଇଁ ନିର୍ଦ୍ଦେଶ ଦେଇଛି କେନ୍ଦ୍ର, ସେବେଠୁ ଆରମ୍ଭ ହୋଇଛି କେନ୍ଦ୍ର ବନାମ କେଜ୍ରିୱାଲ ସରକାର । ସିିବିଆଇ ତଦନ୍ତକୁ ଆମ ଆଦମୀ ପାର୍ଟି ରାଜନୈତିକ ଷଡଯନ୍ତ୍ରର ନାଁ ଦେଇ କେନ୍ଦ୍ର ଉପରେ ବର୍ଷିଛି । ଏପରିକି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି କି ଆପର ଲୋକପ୍ରିୟତାକୁ ବିଜେପି ହଜମ କରିପାରୁନି । ତେଣୁ ଭଳିକି ଭଳି ଷଡଯନ୍ତ୍ର କହି ଦଳର ନେତାଙ୍କୁ ଗିରଫ କରୁଛି ।
Kanak News is now on WhatsApp
Join and get latest news updates delivered to you via WhatsApp
କେଜ୍ରିୱାଲ ଏକଥା ମଧ୍ୟ କହିଛନ୍ତି ସତେନ୍ଦ୍ର ଜୈନଙ୍କ ପରେ ଉପମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କୁ ଗିରଫ ପାଇଁ ଚାଲ ଚଳାଇଛି ବିଜେପି । ତେଣୁ ମିଛ ମାମଲାର ଅଭିଯୋଗ ଆଣିଛି । ସେପଟେ ଆଜି ସିସୋଦିଆ ଓ କେଜ୍ରିୱାଲଙ୍କ ସରକାରୀ ବାସଭବନ ନିକଟରେ ଜୋରଦାର ପ୍ରଦର୍ଶନ କରିଛି ବିଜେପି । ଅବକାରୀ ନୀତିକୁ ବିରୋଧ କରି ଶହ ଶହ ବିଜେପିକର୍ମୀ ପ୍ରଦର୍ଶନ କରିଛନ୍ତି ।
ଆମ୍ ଆଦମୀ ପାର୍ଟି ଏହାକୁ ଏକ ଷଡଯନ୍ତ୍ରର ନାଁ ଦେଉଥିବାବେଳେ ବିଜେପି ଅଭିଯୋଗ କରିଛି କି ମଦ ମାଫିଆଙ୍କୁ ଲାଭ ଦେବାକୁ କ୍ୟାବିନେଟରେ ବିନା ଅନୁମତିରେ ଏହି ଅବକାରୀ ନୀତିକୁ ଅଣାଯାଇଛି । ଦିଲ୍ଲୀ ରାଜକୋଷରୁ ୧ହଜାର କୋଟି ଟଙ୍କା ମନ ମାଫିଆ ଲୁଟି ନେଇଛନ୍ତି ।
ଦିଲ୍ଲୀ ଉପରାଜ୍ୟପାଳଙ୍କ ଅଭିଯୋଗ
• ଆଇନ ଭଙ୍ଗ ସହିତ ଲାଇସେନ୍ସ ପାଇଥିବା ବ୍ୟକ୍ତିଙ୍କୁ ଅହେତୁକ ଅନୁକମ୍ପା ପ୍ରଦାନ କରାଯାଇଛି ।
• ମନିଷ ସିସୋଦିଆ ଆଇନର ଖୋଲାଖୋଲି ଉଲ୍ଲଂଘନ କରିଛନ୍ତି ।
• ଦିଲ୍ଲୀ ରାଜକୋଷର ବଡ କ୍ଷୟକ୍ଷତି ହୋଇଛି ।
• ବଡ ନେତାଙ୍କୁ ମିଳିଛି କୋଟି କୋଟି ଟଙ୍କାର ଫାଇଦା
ଏହାକୁ ବିରୋଧ କରି ତଦନ୍ତ ପାଇଁ ଉପରାଜ୍ୟପାଳଙ୍କ ନିକଟରେ ଉଭୟ ବିଜେପି ଓ କଂଗ୍ରେସ ଦାବି କରିଥିଲେ । ଦିଲ୍ଲୀ ସରକାରଙ୍କ ଅବକାରୀ ନୀତିରେ ମଧ୍ୟ କିଛି ଦୁର୍ନୀତି ହୋଇଥିବା ସହେନ୍ଦ କରି ଉପରାଜ୍ୟପାଳ ବିନୟ କୁମାର ସକସେନା ପ୍ରାଥମିକ ଯାଞ୍ଚ ପରେ ସିିବିଆଇ ଯାଞ୍ଚ ପାଇଁ କେନ୍ଦ୍ରକୁ ସୁପାରିଶ କରିଥିଲେ । ୨୦୨୧ ନଭେମ୍ବରରୁ ଦିଲ୍ଲୀରେ ନୂଆ ଅବକାରୀ ନୀତି ଲାଗୁ ହୋଇଛି । ନୂଆ ନୀତିରେ ୩୨ଜୋନରେ ଓ ୮୪୯ଟି ମଦ ବିକ୍ରି ଲାଇସେନ୍ସ ଦିଆଯାଇଛି