କନକ ବ୍ୟୁରୋ: ଫେବୃଆରୀ ୯ ତାରିଖରେ ଅଷ୍ଟ୍ରେଲିଆ ବିପକ୍ଷରେ ହେବାକୁ ଥିବା ଟେଷ୍ଟ ସିରିଜ ପାଇଁ ଭାରତ ପ୍ରସ୍ତୁତ ହେଉଛି । ଆଉ ସେପଟେ ଟିମ ଇଣ୍ଡିଆର ସ୍ପିନ ଆଟାକ ପାଇଁ ଅଷ୍ଟ୍ରେଲିଆ ଭୟରେ ରହିଛି । ହେଲେ ଭାରତ ପାଇଁ ଓପନିଂ ହେଉଛି ପ୍ରମୁଖ ଚିନ୍ତା । ଏବେ ଯାଏଁ ଟେଷ୍ଟ ସିରିଜରେ ରୋହିତଙ୍କ ସହ କେଏଲ ରାହୁଲ ଓପନିଂ କରି ଆସୁଥିଲେ । ହେଲେ ଶୁଭମନ ଗିଲ ଲଗାତାର ଭଲ ପ୍ରଦର୍ଶନ କରୁଥିବାରୁ ଏବେ ରାହୁଲଙ୍କ ଓପନିଂଙ୍କୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଛି ।
ନାଗପୁରରେ ଟିମ ଇଣ୍ଡିଆକୁ ପ୍ରଥମ ଟେଷ୍ଟ ମ୍ୟାଚ ଖେଳିବାର ଅଛି । ଟିମ ଇଣ୍ଡିଆ ଆଗରେ ଏହି ଚ୍ୟାଲେଞ୍ଜ ରହିଛି ଯେ ଆରମ୍ଭ ଅଷ୍ଟ୍ରେଲିଆ ଟିମ ଉପରେ ଚାପ ଜାରି ରଖିବା । ଆଉ ଅଷ୍ଟ୍ରେଲିଆକୁ ଜମାରୁ ସୁଯୋଗ ନଦେବା । ତେବେ ଏହାରି ଭିତରେ ନାଗପୁରରେ କେଉଁ ଓପନିଂ ଯୋଡିକୁ ଦେଖିବାକୁ ମିଳିବ ତାକୁ ନେଇ ଚର୍ଚ୍ଚା । ଯଦି ବର୍ତ୍ତମାନର ଫର୍ମ ଆଉ ଭବିଷ୍ୟତକୁ ଆଖି ଆଗରେ ରଖାଯାଏ ତେବେ ରୋହିତ ଶର୍ମାଙ୍କ ସହ ଗିଲ ଓପନିଂ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ତରାଷ୍ଟ୍ରିୟ କ୍ରିକେଟରେ କେଏଲ ରାହୁଲଙ୍କ ଗତ ୧୦ ମ୍ୟାଚକୁ ଦେଖିଲେ ତାଙ୍କ ବ୍ୟାଟରୁ ୨୮.୯୦ ଆଭରେଜରେ ୩୧୮ ରନ ବାହାରିଛି । ଯେଉଁଥିରେ ୩ ଅର୍ଦ୍ଧଶତକ ରହିଛି । ହେଲେ ସେପଟେ ଗିଲ ରନର ବର୍ଷା କରୁଛନ୍ତି ସେ ଚଳିତ ବର୍ଷ ୧୨ ମ୍ୟାଚରୁ ୭୬.୯୦ ଆଭରେଜରେ ୭୬୯ ରନ କରିଛନ୍ତି । ଯେଉଁଥିରେ ୧ ଦ୍ୱିଶତକ, ୪ ଶତକ ଓ ଗୋଟିଏ ଅର୍ଦ୍ଧ ଶତକ ସାମିଲ ଅଛି ।