ଗ୍ୟାଙ୍ଗଷ୍ଟର ହାଇଦରର ମୃତ୍ୟୁ ପରେ ଅନ୍ତେଷ୍ଟିରେ ଯୋଗ ଦେଇନଥିଲେ ପୁଅ : ଏବେ ସୁଦ୍ଧି କାମରେ ଯୋଗ ଦେବା ପାଇଁ ଜେଲରୁ ଆସିବ ବଡ଼ ପୁଅ ମୁନ୍ନା
କନକ ବ୍ୟୁରୋ : ଜେଲରୁ ପାରୋଲରେ ଆସିବ ହାଇଦରର ପୁଅ । ସବୁଠାରୁ ବଡ଼ ଗ୍ୟାଙ୍ଗଷ୍ଟର ହାଇଦରର ବଡ଼ ପୁଅ ମୁନ୍ନା ଏବେ ଏକାଧିକ ଅପରାଧ ମାମଲାରେ ଚୌଦ୍ୱାର ଜେଲରେ ବନ୍ଦୀ ଅଛି । କିଛିଦିନ ତଳେ ପୋଲିସ ଏନକାଉଂଟରରେ ପ୍ରାଣ ହରାଇଥିଲା ହାଇଦର । କେନ୍ଦ୍ରାପଡ଼ାର ରଣପପଡ଼ା ଗାଁରେ ହାଇଦରକୁ କବର ଦିଆଯାଇଥିବା ବେଳେ ଅନ୍ତେଷ୍ଟିରେ ସାମିଲ ହୋଇନଥିଲେ କୌଣସି ପୁଅ ।
Kanak News is now on WhatsApp
Join and get latest news updates delivered to you via WhatsApp
ବଡ଼ ପୁଅ ମୁନ୍ନା ଚୌଦ୍ୱାର ଜେଲରେ ଥିବା ବେଳେ, ହାଇଦର କଟକ ଏସସିବିରୁ ଫେରାର ହେବା ପରଠାରୁ ରାଜ୍ୟ ବାହାରକୁ ଚାଲି ଯାଇଛି ସାନ ପୁଅ ଆଜାରୁଦ୍ଦିନ, ମଝିଆ ପୁଅ ଚୁନେଇ ଗଣମାଧ୍ୟମକୁ ପ୍ରତିକ୍ରିୟା ଦେଇଥିବା ବେଳେ କବରସ୍ଥାନକୁ ଯାଇନଥିଲା । ଏବେ କିନ୍ତୁ ବାପାର ଶୁଦ୍ଧିକାମରେ ସାମିଲ ହେବା ପାଇଁ ପାରୋଲ ଆବେଦନ କରିଛି ବଡ଼ ପୁଅ ମୁନ୍ନା । ୪୦ ଦିନିଆ ସୁଧି କାମ ବା ଚାଲଶାରେ ଯୋଗ ଦେବା ପାଇଁ କେନ୍ଦ୍ରାପଡ଼ା ଜିଲ୍ଲା ଜଜ କୋର୍ଟରେ ଆବେଦନ କରିଛି ମୁନ୍ନା ।