ଦେଶର କିଛି ସହରରେ ଦିଲ୍ଲୀ ଠାରୁ ଶସ୍ତାରେ ମିଳୁଛି ପେଟ୍ରୋଲ, ଡିଜେଲ । କେଉଠି କେତେ ରହିଛି ଦର ପଢନ୍ତୁ …
କନକ ବ୍ୟୁରୋ: ରାଷ୍ଟ୍ରୀୟ ବଜାରରେ ତୈଳ ଦର ସ୍ଥିର ରହିଛି । ଦିଲ୍ଲୀଠାରୁ ନେଇ ଉତ୍ତର ପ୍ରଦେଶ, ମଧ୍ୟପ୍ରଦେଶ, ରାଜସ୍ଥାନରେ ବୁଧବାର ତୈଳଦରରେ କୌଣସି ପରିବର୍ତ୍ତନ ହୋଇନାହିଁ । ତେବେ ଏଭଳି ଅନେକ ସ୍ଥାନ ରହିଛି ଯେଉଁଠାରେ ଏହି ସବୁ ସ୍ଥାନଠାରୁ ଅଧିକ ଦାମରେ ତୈଳ ବିକ୍ରି ହେଉଛି ।
Kanak News is now on WhatsApp
Join and get latest news updates delivered to you via WhatsApp
ୟୁପିର ରାଜଧାନୀ ଲକ୍ଷ୍ନୌରେ ପେଟ୍ରୋଲ ୯୬.୫୭ ଟଙ୍କା ପ୍ରତି ଲିଟର ବିକ୍ରି ହେଉଥିବା ବେଳେ ଡିଜେଲ ଲିଟର ପ୍ରତି ୮୯.୭୬ ଟଙ୍କାରେ ବିକ୍ରି ହେଉଛି । ସେହିଭଳି ରାଜସ୍ଥାନ ଗଙ୍ଗାନଗରରେ ପେଟ୍ରୋଲ ୧୧୩.୬୫ ଟଙ୍କା ପ୍ରତି ଲିଟର ବିକ୍ରି ହେଉଥିବା ବେଳେ ଡିଜେଲ ୯୮.୩୯ ଟଙ୍କା ପ୍ରତି ଲିଟର ବିକ୍ରି ହେଉଛି । ମଧ୍ୟପ୍ରଦେଶ ଭୋପାଳରେ ପେଟ୍ରୋଲ ଲିଟର ପ୍ରତି ୧୦୮.୬୫ ଟଙ୍କା ବିକ୍ରି ହେଉଥିବା ବେଳେ ଡିଜେଲ ପ୍ରତି ଲିଟର ୯୩.୯୦ ପଇସାରେ ବିକ୍ରି ହେଉଛି । ଅନ୍ତରାଷ୍ଟ୍ରୀୟ ବଜାରରେ କ୍ରୁଡ ଅଏଲର ଦାମ ବଢିବା କମିବା ଭିତରେ ରାଷ୍ଟ୍ରୀୟ ବଜାରର ମେ ୨୧ ପରେ ବର୍ତ୍ତମାନ ସୁଦ୍ଧା ପେଟ୍ରୋଲ ଡିଜେଲର ଦର ସ୍ଥିର ରହିଛି । ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପ୍ରତି ୯୬.୭୨ ଟଙ୍କା ପ୍ରତି ଲିଟର ବିକ୍ରି ହେଉଥିବା ବେଳେ ଡିଜେଲ ଲିଟର ପ୍ରତି ୮୯.୬୨ ଟଙ୍କା ପ୍ରତି ଲିଟର ବିକ୍ରି ହେଉଛି ।
ଦେଶରେ ସବୁଠାରୁ ଶସ୍ତା ପେଟ୍ରୋଲ ବିକ୍ର ହେଉଛି ପୋର୍ଟବ୍ଲେୟାରରେ । ଏଠାରେ ପେଟ୍ରୋଲ ଲିଟର ୮୪.୧୦ ଟଙ୍କା ରହିଛି । ସେହିଭଳି ଡିଜେଲ ୭୯.୭୪ ଟଙ୍କାରେ ବିକ୍ରି ହେଉଛି । ବିହାର ପାଟନାରେ ପେଟ୍ରୋଲ ଲିଟର ପ୍ରତି ୧୦୭.୨୪ ଟଙ୍କା ଏବଂ ଡିଜେଲ ଲିଟର ପ୍ରତି ୯୪.୦୪ ଟଙ୍କାରେ ବିକ୍ରି ହେଉଛି ।