ବଜାରରେ ବିକ୍ରି ହେଉଛି ନକଲି ଲେବର କାର୍ଡ, ଶ୍ରମିକଙ୍କୁ ଠକି ମାଲାମାଲ ହେଉଛନ୍ତି ଦଲାଲ୍ । ଆଳି ଓ ରାଜକନିକା ବ୍ଲକରୁ ଆସିଲା ସାଂଘାତିକ ଅଭିଯୋଗ ।
କନକ ବ୍ୟୁରୋ : ହଜାରେ ଟଙ୍କା ଦେଲେ ମିଳୁଛି ଲେବର କାର୍ଡ, ତାହା ପୁଣି ନକଲି କାର୍ଡ । ଏଭଳି ଘଟଣା ସାମ୍ନାକୁ ଆସିଛି ଆଳି ଓ ରାଜକନିକା ବ୍ଲକରେ । ଆଉ ଏହି ଘଟଣାରେ ଲେବର କାର୍ଡ ଦଲାଲ ହେଉଛନ୍ତି ମାଲାମାଲ୍ । ଏହି ଦୁଇ ବ୍ଲକରେ ମାତିଛନ୍ତି ଲେବର କାର୍ଡ ଦଲାଲ ।
Kanak News is now on WhatsApp
Join and get latest news updates delivered to you via WhatsApp
ଆଳି ବ୍ଲକର ବଡଆଙ୍କୋ ଗାଁର ଅନେକ ଲୋକ ଆଳି ବଜାରରେ ଥିବା ଏକ ଇଣ୍ଟରନେଟ ଦୋକାନରେ ଲେବର କାର୍ଡ ଲାଗି ୯ଶହ ଟଙ୍କା ଲେଖାଏଁ ଦେଇ କାର୍ଡ କରିଥିଲେ । ହେଲେ ପରେ ଏହା ନକଲି ବୋଲି ଜଣାପଡିଥିଲା । ସବୁଠାରୁ ବଡ କଥା ହେଲା, ଦଲାଲ ମାନେ ଘର ଘର ବୁଲି ଟଙ୍କା ନେଇ କାର୍ଡ ଦେଉଥିବା ଦେଖିବାକୁ ମିଳିଛି ରାଜକନିକା ବ୍ଲକରେ । ଦଲାଲ ମାନେ ଘର ଘର ବୁଲି ହଜାର ହଜାର ଟଙ୍କା ନେଉଥିବାର ଏସକ୍ଲୁସିଭ ଭିଜୁଆଲ ଲାଗିଛି କନକ ନ୍ୟୁଜ ହାତରେ ।
ଜଣେ ମହିଳା ଦଲାଲ ଓ ଜଣେ ପୁରୁଷ ଦଲାଲ ଘର ନିକଟରେ ପହଁଞ୍ଚି ଟଙ୍କା ନେଇ ଅଯୋଗ୍ୟ ହିତାଧୀକାରିଙ୍କୁ କାର୍ଡ ପ୍ରଦାନ କରୁଛନ୍ତି । ଏ ସର୍ମ୍ପକରେ ଜିଲ୍ଲାପାଳ କହିଛନ୍ତି ଯେ ତଦନ୍ତ କରାଯାଇ ଅଯୋଗ୍ୟ ହିତାଧୀକାରିଙ୍କ ନା କାଟାଯିବା ସହିତ ଦଲାଲମାନଙ୍କ ଉପରେ ଅଭିଯୋଗ ହେଲେ କାର୍ଯ୍ୟାନୁଷ୍ଠାନ ନିଆଯିବ ।