ପୂର୍ବତନ ବିଧାୟକ ପ୍ରଭାତ ତ୍ରିପାଠୀଙ୍କ ବିସ୍ଫୋରଣ: କହିଲେ ଗୁରୁତ୍ୱ ହରାଉଛି ସାଂସ୍କୃତିକ ଐତିହ୍ୟ ବାଲିଯାତ୍ରା, ହସ୍ତକ୍ଷେପ କରନ୍ତୁ ସରକାର
କନକ ବ୍ୟୁରୋ: ବାଲିଯାତ୍ରା ପାଳନରେ ତ୍ରୁଟି । ବାଲିଯାତ୍ରାକୁ ସଠିକ୍ ଭାବେ ପରିଚାଳିତ କରାଯାଇ ନଥିବା ଅଭିଯୋଗ ଆଣିଛନ୍ତି ପୂର୍ବତନ ବିଜେଡି ବିଧାୟକ ପ୍ରଭାତ ତ୍ରିପାଠୀ । ଐତିହ, ପରମ୍ପରାର ପ୍ରତୀକ ବାଲିଯାତ୍ରାକୁ ପାଳନ କରିବାରେ ପ୍ରଶାସନିକ କ୍ଷେତ୍ରରେ ଅନେକ ତ୍ରୁଟି ହୋଇଥିବା ଅଭିଯୋଗ କରିଛନ୍ତି ପୂର୍ବତନ ବାଙ୍କୀ ବିଧାୟକ । କହିଛନ୍ତି ଏହି ପ୍ରସଙ୍ଗରେ ରାଜ୍ୟ ସରକାର ହସ୍ତକ୍ଷେପ କରିବା ଆବଶ୍ୟକ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଆଗାମୀ ବର୍ଷଠାରୁ ବାଲି ଯାତ୍ରା ରାଜ୍ୟସରକାରଙ୍କ ଦ୍ୱାରା ପ୍ରତକ୍ଷ ଭାବେ ପରିଚାଳିତ ହେଉ ବୋଲି ପରାମର୍ଶ ଦେଇଛନ୍ତି ପ୍ରଭାତ ତ୍ରିପାଠୀ । ଧିରେ ଧିରେ ବାଲିଯାତ୍ରା ତାର ମୂଳ ଅସ୍ତିତ୍ୱ ହରାଇବାକୁ ବସିଲାଣି । ବାଲିଯାତ୍ରା ଉତ୍ସବ ପାଳନର ପ୍ରକୃତ କାରଣ କଣ ଏହା ମଧ୍ୟ ଆଜିର ଯୁବପିଢୀ ଭୁଲି ସାରିଲେଣି । ପ୍ରଶାସନ କେବଳ ଆଲୋକ ସଜ୍ଜା ଦିଗରେ ଧ୍ୟାନ ଦେଉଛନ୍ତି । କିଭଳି ମହା ଆଡମ୍ବରରେ ପାଳନ କରାଯିବ ସେ ଦିଗରେ ଧ୍ୟାନ ଦେଉଛନ୍ତି । ହେଲେ ବାଲିଯାତ୍ରାର ପ୍ରକୃତ ଐତିହ ପ୍ରତି କେହି ଗୁରୁତ୍ୱ ଦେଉନଥିବା ପ୍ରଭାତ ତ୍ରିପାଠୀ ଅଭିଯୋଗ କରିଛନ୍ତି ।