କରୋନା ମହାମାରୀ ବେଳେ ବି ଦେଶରେ ବଢିଛି ବିଦେଶୀ ମୁଦ୍ରାଭଣ୍ଡାର । ଚଳିତ ବର୍ଷ ବଢିଛି ୧୧୯ ବିଲିୟନ ଡଲାର । ବୈଦେଶିକ ଋଣ ପରିମାଣକୁ ଟପିଲା ଏହି ବିଦେଶୀ ମୁଦ୍ରାଭଣ୍ଡାର
କନକ ବ୍ୟୁରୋ : ଯେତେବେଳେ କରୋନା ମହାମାରୀ ସାରା ବିଶ୍ୱକୁ କବଳିତ କରିଛି, ଏହାର ପ୍ରଭାବରେ ଭାରତରେ ଅର୍ଥନୈତିକ ସ୍ଥିତି ମନ୍ଦାବସ୍ଥା ଦେଇ ଗତି କରୁଛି ତାହାରି ଭିତରେ ଏକ ଭଲ ଖବର ଆସିଛି । ଗତବର୍ଷ ତୁଳନାରେ ଭାରତରେ ବିଦେଶୀ ମୁଦ୍ରାଭଣ୍ଡାର ୧୧୯ ବିଲିୟନ ଡଲାର ବୃଦ୍ଧି ପାଇଁ ୫୯୦ ବିଲିୟନ ଆମେରିକାନ ଡଲାରରେ ପହଂଚିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଭାରତର ମୋଟ ବୈଦେଶିକ ଋଣ ପରିମାଣ ୫୫୪ ବିଲିୟନ ଆମେରିକାନ ଡଲାର ଥିବା ବେଳେ ଏହାକୁ ଅତିକ୍ରମ କରିଛି ଦେଶର ବିଦେଶୀ ମୁଦ୍ରାଭଣ୍ଡାର । ଏନେଇ ଶନିବାର ଦିନ ସୂଚନା ଦେଇଛନ୍ତି କେନ୍ଦ୍ର ଅର୍ଥରାଷ୍ଟ୍ରମନ୍ତ୍ରୀ ଅନୁରାଗ ଠାକୁର୍ । ସେ କହିଛନ୍ତି କି ଭାରତ ବର୍ତ୍ତମାନ ନେଟ୍ କ୍ରେଡିଟର ଭାବେ ଉଭା ହୋଇଛି । ଏହାର ଅର୍ଥ ହେଉଛି ଦେଶର ମୋଟ ବୈଦେଶିକ ଋଣ ପରିମାଣ ଠାରୁ ବିଦେଶୀ ମୁଦ୍ରାଭଣ୍ଡାର ଉର୍ଚ୍ଚା ହେବା । ଯାହାକି ଭାରତର ଉତ୍ତମ ଆର୍ଥିକ ସ୍ଥିତି ଓ ବ୍ୟବସ୍ଥାକୁ ସୂଚାଉଛି ବୋଲି ସେ କହିଛନ୍ତି । ସେହିଭଳି ଯେତେବେଳେ ଗୋଟିଏ ଦେଶର ମୋଟ ବୈଦେଶିକ ଋଣ ପରିମାଣ ଠାରୁ ସେହି ଦେଶର ବିଦେଶୀ ମୁଦ୍ରାଭଣ୍ଡାରର ପରିମାଣ କମ ହୋଇଥାଏ ସେହି ଦେଶକୁ ନେଟ୍ ଡେବିଟର୍ ଭାବେ ଗଣନା କରାଯାଇଥାଏ । ଶ୍ରୀ ଠାକୁର୍ କହିଥିଲେ କି ଭାରତ ଏଭଳି ସଫଳତା ପାଇବା ପଛରେ ଦେଶରେ ସ୍ୱଚ୍ଛ ଶାସନ ଓ ନିୟମାବଳୀର କଡାକଡି ପାଳନ ହେଉଛି ମୁଖ୍ୟ କାରଣ । ଏହାସହ ସେ କହିଥିଲେ କି ବିଗତ ୪ ମାସ ମଧ୍ୟରେ ଯେଭଳି ଭାବେ ଜିଏସଟି ଆଦାୟ ବୃଦ୍ଧି ପାଇଛି ତାହାକୁ ନଜର କଲେ ଅନୁମାନ କରାଯାଉଛି କି ଦୃତଗତିରେ ଦେଶର ଅର୍ଥନୀତି ର ସୁଧାର ଆସୁଛି ।