କନକ ବ୍ୟୁରୋ: ବିଜେପି ନେତା ତେଜିନ୍ଦର ପାଲ ସିଂ ବଗାଙ୍କ ଗିରଫ ଘଟଣାକୁ ନେଇ କମ୍ପୁଛି ପଂଜାବ,ହରିଆଣା ଦିଲ୍ଲୀ । ଶୁକ୍ରବାର ସକାଳୁ ବିଜେପି ନେତାଙ୍କ ଦିଲ୍ଲୀସ୍ଥିତ ଘରେ ପଶି ପଂଜାବ ପୁଲିସ ବଳପୂର୍ବକ ତାଙ୍କୁ ଉଠାଇ ଆଣୁଥିବା ସମୟରେ କୁରୁକ୍ଷେତ୍ରରେ ହରିଆଣା ପୁଲିସ ସହ ମୁହାଁମୁହିଁ ହୋଇଛି । ବଗାଙ୍କୁ ସଡକପଥରେ ମୋହାଲି ନେଇ ଯାଉଥିବାବେଳେ ହରିଆଣା ପୁଲିସ ପଂଜାବ ପୁଲିସ ହାତରୁ ବଗାଙ୍କୁ ଆଣି ଦିଲ୍ଲୀ ପୁଲିସକୁ ହସ୍ତାନ୍ତର କରିଛି । ତେଜିନ୍ଦରଙ୍କୁ କୋର୍ଟରେ ହାଜର ନକରି ପଂଜାବ ନିଆଯାଉଥିବାରୁ ଦିଲ୍ଲୀ ପୁଲିସ ଅପହରଣ ମାମଲା ରୁଜୁ କରିଥିଲା ଓ ତାଙ୍କୁ ଫେରାଇ ଆଣିବାକୁ ହରିଆଣା ପୁଲିସକୁ ନିର୍ଦ୍ଦେଶ ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବିଜେପି ନେତା ତଜିନ୍ଦର ପାଲ ସିଂ ବଗାଙ୍କୁ ପଂଜାବ ପୁଲିସ ଗିରଫ କରିବା ପରେ ରାଜନୀତି ଜୋର ଧରିଛି । ବିଜେପି ଏହି ଗିରଫଦାରୀକୁ ରାଜନୀତି ଧର୍ମ ସହ ଯୋଡି ପଂଜାବର କ୍ଷମତାସୀନ ଆମ ଆଦମୀ ପାର୍ଟିକୁ ଦାୟୀ କରିିଛି । ଘଟଣାକୁ ନେଇ ଆମ ଆଦମୀ ପାର୍ଟିକୁ ଦାୟୀ କରିଛନ୍ତି ବଗାଙ୍କ ପରିବାର । ସେପଟେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନ ଓ ଆପ କାର୍ଯ୍ୟାଳୟ ସମ୍ମୁଖରେ ଜୋରଦାର ବିରୋଧ ପ୍ରଦର୍ଶନ କରିଛି ବିଜେପି ।
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ନାଁରେ ବିବାଦୀୟ ବୟାନ, ଧାର୍ମିକ ଭାବନାକୁ ଆଘାତ ଦେବା ଭଳି ବୟାନ, ଧାର୍ମିକ ହିଂସା ଉସକାଇବା ପାଇଁ ବୟାନ ଓ ସୋସିଆଲ ମିଡିଆରେ ମିଛ କଥା ପ୍ରଚାର ଅଭିଯୋଗରେ ପଂଜାବ ସାଇବର ସେଲ ତଜିନ୍ଦରଙ୍କ ନାଁରେ ମାମଲା ରୁଜୁ କରିଥିଲା ମୋହାଲି ପୁଲିସ । ପୂର୍ବରୁ ନୋଟିସ ଦିଆଯିବା ସତ୍ୱେ ଥାନାରେ ହାଜର ହୋଇନଥିଲେ ବିଜେପି ନେତା ଓ ଆଜି ସକାଳୁ ପଂଜାବ ପୁଲିସ ଦିଲ୍ଲୀରେ ପହଁଚି ଗିରଫ କରିଥିଲା