ଲକଡାଉନ କଟକଣାରୁ ବାଦ ପଡିଲା ମତ୍ସ୍ୟଚାଷ ଓ ଚାଷୀ: ମାଛ ଧରିବାକୁ ଯାଇପାରିବେ ମତ୍ସ୍ୟଜୀବୀ, ବଜାରରେ କରିପାରିବେ ବିକ୍ରି; ସମସ୍ତ ମତ୍ସ୍ୟଜାତୀୟ ସମାଗ୍ରୀ ବିକ୍ରି ଉପରୁ ଉଠିଲା କଟକଣା
କେନ୍ଦ୍ର ଗୃହମନ୍ତ୍ରାଳୟ ପକ୍ଷରୁ ଦିଆଗଲା ସୂଚନା
କନକ ବ୍ୟୁରୋ: ଦେଶରେ କରୋନା ପାଇଁ ଜାରି ହୋଇଥିବା ତାଲାବନ୍ଦରେ ସବୁଠି ଝୁଲୁଛି ତାଲା । ଅତ୍ୟାବଶ୍ୟକୀୟ ସାମଗ୍ରୀ ଦୋକାନକୁ ବାଦ୍ ଦେଲେ ଆଉ ସବୁଥିରେ ତାଲା ଝୁଲୁଛି । ଏହା ମଧ୍ୟରେ କେନ୍ଦ୍ର ସରକାର କରିଛନ୍ତି ବଡ ଘୋଷଣା । ତାଲାବନ୍ଦରୁ ବାଦ୍ ପଡିଛି ମତ୍ସ୍ୟଚାଷ । ମତ୍ସ୍ୟଚାଷ ସହିତ ଜଡିତ ସମସ୍ତ ବ୍ୟବସ୍ଥା ଉପରେ କାମ କରିବ ନାହିଁ ତାଲାବନ୍ଦ କଟକଣା । ମତ୍ସ୍ୟଚାଷ, ମତ୍ସ୍ୟବିହନ, ମତ୍ସ୍ୟ ଖାଦ୍ୟ, ମାଛ ବିକ୍ରି ପାଇଁ ପ୍ୟାକିଂ, ସିଲିଂ ସବୁ ପ୍ରକ୍ରିୟା ଉପରୁ କଟକଣା ହଟାଇବାକୁ କେନ୍ଦ୍ର ଗୃହମନ୍ତ୍ରାଳୟ ନିର୍ଦ୍ଦେଶ ନାମା ଜାରି କରିଛନ୍ତି । ଏହା ଫଳରେ ଏବେ ମତ୍ସ୍ୟଚାଷୀ ମତ୍ସଚାଷ କରିବା ସହ ମାଛ ଧରିବାକୁ ଯାଇପାରିବେ । ସେହିପରି ଯେଉଁମାନେ ଆକ୍ୱାରିୟମ ମାଛ ବ୍ୟବସାୟ କରୁଛନ୍ତି ସେମାନଙ୍କୁ ମଧ୍ୟ ଏଥିରୁ ବାଦ୍ ଦେବାକୁ ନିର୍ଦ୍ଦେଶ ନାମାରେ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ଦେଶରେ ତାଲାବନ୍ଦ ଅବଧି ବୃଦ୍ଧି ନେଇ ଆଜି ଭିଡିଓ କନଫରେନ୍ସିଂରେ ମୁଖ୍ୟମନ୍ତ୍ରୀ ମାନଙ୍କ ସହ ଆଲୋଚନା କରିଛନ୍ତି ମୋଦି । କରୋନା ମୁକାବିଲା ପାଇଁ ତାଲାବନ୍ଦ ପ୍ରସଙ୍ଗରେ ମୁଖ୍ୟମନ୍ତ୍ରୀ ମାନଙ୍କ ମତାମତ ନେଇଛନ୍ତି । ଆସନ୍ତା ୧୪ରେ ସାରା ଦେଶରେ ଲକଡାଉନ ସରୁଥିବା ବେଳେ ଅବଧି ବଢାଇବାକୁ ନେଇ ସମୀକ୍ଷା କରାଯାଉଛି । ତେବେ କେନ୍ଦ୍ରର ନିଷ୍ପତି ପୂର୍ବରୁ ଓଡିଶା ସରକାର ତାଲାବନ୍ଦର ଅବଧୀ ଏପ୍ରିଲ ୩୦ ଯାଏଁ ବଢାଇ ଦେଇଛନ୍ତି । ସେହିପରି ତାଲାବନ୍ଦ ଅବଦି ବଢାଇବା ନେଇ ରାଜ୍ୟ କ୍ୟାବିନେଟର ସୁପାରିସ କେନ୍ଦ୍ର ସରକାରଙ୍କ ନିକଟକୁ ପଠାଯାଇଛି ।