ଲକଡାଉନ୍ ଓ ସଟଡାଉନ୍ ପାଇଁ ଅନେକ ଥର ଆର୍ଥିକ ସ୍ଥରରେ ଦୁର୍ବଳ ହୋଇଛି ଦେଶ : ଅର୍ଥନୈତିକ ବିଶେଷଜ୍ଞଙ୍କ ମତ, ଆର୍ଥିକ ସ୍ଥିତିକୁ ସୁଦୃଢ଼ ପାଇଁ ଲୋକଙ୍କ ପକେଟକୁ ଦିଆଯାଉ ଟଙ୍କା
ଅର୍ଥମନ୍ତ୍ରୀ କହିଲେ, ଛପାଯିବ ନାହିଁ ଅଧିକ ଟଙ୍କା
କନକ ବ୍ୟୁରୋ : କରୋନା ସମୟରେ ଦେଶର ଆର୍ଥିକ ଅବସ୍ଥା ରସାତଳଗାମୀ ହୋଇଛି । ଲକଡାଉନ ଓ ସଟଡାଉନ ଯୋଗୁଁ ଅନେକ ଲୋକ ରୋଜଗାର ହରାଇଛନ୍ତି,ଅନେକ ଲୋକ ଗରିବ ହୋଇଛନ୍ତି । ଏହି ସମୟରେ ଅନେକ ବିଶେଷଜ୍ଞ ପୂର୍ବରୁ ମତ ଦେଇଛନ୍ତି ଯେ ଦେଶରେ ଲୋକଙ୍କ ପକେଟକୁ ପଇସାଯିବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ଲୋକେ ଟଙ୍କା ଖର୍ଚ୍ଚ କଲେ ଯାଇ ଦେଶର ଆର୍ଥିକ ଅବସ୍ଥା ସୁଧୁରି ପାରିବ ବୋଲି ମଧ୍ୟ ମତାମତ ଦିଆଯାଇଥିଲା । ଅର୍ଥନୀତିରେ ନୋବେଲ ଜିତିଥିବା ଅଭିଜିତ ବାନାର୍ଜୀ ମଧ୍ୟ ମତ ଦେଇଥିଲେ ଯେ ଦେଶରେ ଲୋକଙ୍କ ପଖକୁ ନଗଦ ଟଙ୍କା ସରକାରଙ୍କ ତରଫରୁ ଦେବା ଦରକାର । କେନ୍ଦ୍ର ସରକାର ଯଥାଶୀଘ୍ର ଆରବିଆଇ ସହଯୋଗରେ ଟଙ୍କା ଛପାଇବାର ଆବଶ୍ୟକତା ରହିଛି ବୋଲି ମଧ୍ୟ ଅନେକ ବିଶେଷଜ୍ଞ ମତ ଦେଇଥିଲେ । ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ ମଧ୍ୟରେ କେନ୍ଦ୍ର ସରକାର ଟଙ୍କା ଛପାଇବା ଦରକାର ବୋଲି ମତ ଦେଇଥିଲେ । ତେବେ କେନ୍ଦ୍ରସରକାରଙ୍କ ତରଫରୁ କୌଣସି ସ୍ପଷ୍ଟିକରଣ ଦିଆଯାଇନଥିଲା ।
ଦେଶରେ ସଂସଦର ମୌସୁମୀ ଅଧିବେଶନ ଚାଲିଥିବାବେଳେ ଏହାର ଉତ୍ତର ରଖିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ସେ କହିଛନ୍ତି, ଦେଶରେ ଏହି ସମୟରେ ଟଙ୍କା ଛପାଇବାର କୌଣସି ଆବଶ୍ୟକତା ନାହିଁ । କରୋନା ଯୋଗୁଁ ଦେଶର ଆର୍ଥିକ ସ୍ଥିତି ବିଗିଡିଥିଲା । କିନ୍ତୁ ଧିରେ ଧିରେ ଦେଶ ଖୋଲୁଛି ଓ ଆର୍ଥିକ ସ୍ଥିତି ସୁଧୁରୁଛି । କେନ୍ଦ୍ର ସରକାରଙ୍କ ଆତ୍ମନିର୍ଭର ଭାରତ ଯୋଜନା ଦେଶର ଅର୍ଥନୀତିକୁ ଟ୍ରାକକୁ ଆଣୁଛି । ଏହି ସମୟରେ ଦେଶରେ ନଗଦ ଟଙ୍କାର ଆବଶ୍ୟକତା ନାହିଁ । ତେବେ କେନ୍ଦ୍ର ସରକାରଙ୍କ ତରଫରୁ ୨୦୨୧ ମାର୍ଚ୍ଚରେ ଜଣାଯାଇଥିଲା ଯେ ଦେଶରେ ଗତ ଦୁଇ ବର୍ଷ ଧରି ୨୦୦୦ ଟଙ୍କା ନୋଟ ମଧ ଛପାଯାଇନାହିଁ ।