ଫାଇନାନ୍ସ କିସ୍ତି ଦେଇପାରିଲେନି ବୋଲି… ଦିବ୍ୟାଙ୍ଗ ଚାଷୀଙ୍କ ଗର୍ଭବତୀ ଝିଅକୁ ଟ୍ରାକ୍ଟର ଚଢାଇ ହତ୍ୟା କଲେ ଫାଇନାନ୍ସ ଏଜେଣ୍ଟ ।
କନକ ବ୍ୟୁରୋ: ଫାଇନାନ୍ସ କମ୍ପାନୀଠାରୁ ଋଣ ନେବା ଦିବ୍ୟାଙ୍ଗ ଚାଷୀଙ୍କ ଉପରେ ମହଙ୍ଗା ପଡିଲା । ୠଣ ନେଇ ସୁଝିପାରିଲେନି ବୋଲି ଚାଷୀଙ୍କ ଗର୍ଭବତୀ ଝିଅକୁୁ ଟ୍ରାକ୍ଟର ଚଢାଇ ହତ୍ୟା କଲେ କମ୍ପାନୀ ଏଜେଣ୍ଟ । ଏଭଳି ଦୟନୀୟ ଘଟଣା ଘଟିଛି ଝାଡଖଣ୍ଡ ହଜାରିବାଗ ଜିଲ୍ଲା ଇଚାକ୍ ଅଞ୍ଚଳରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ହଜାରିବାଗ୍ ଇଚାକର ଦିବ୍ୟାଙ୍ଗ ଚାଷୀ ମିଥିଲେଶ ଠାକୁର ମହିନ୍ଦ୍ରା ଫାଇନାନ୍ସ କମ୍ପାନୀଠାରୁ ଋଣ ନେଇ ଟ୍ରାକ୍ଟର କିଣିଥିଲେ । ଭାବିଥିଲେ ଟ୍ରାକ୍ଟରକୁ ନିଜ ଜମିରେ ବ୍ୟବହାର କରିବା ସହ ଭଡାରେ ଦେଇ କିଛି ଅର୍ଥ ରୋଜଗାର କରିବେ । ପରିବାରର ଆର୍ଥିକ ଅବସ୍ଥା ସୁଧୁରି ଯିବ । ହେଲେ ସେମିତି କିଛି ହେଲା ନାହିଁ । ଲାଭ ବଦଳରେ କ୍ଷତି ହୋଇଥିଲା । ଫଳରେ ଋଣ କିସ୍ତି ପଇସା ଦେଇପାରିନଥିଲେ ମିଥିଲେଶ । ଫଳରେ ଟ୍ରାକ୍ଟର ଜବତ କରିବାକୁ ଆସିଲେ ଫାଇନାନ୍ସ କମ୍ପାନୀର ଏଜେଣ୍ଟ । ଏହି ସମୟରେ ଟ୍ରାକ୍ଟର ରୋକିବାକୁ ଚେଷ୍ଟା କରିଥିଲେ ଚାଷୀଙ୍କ ଗର୍ଭବତୀ ଝିଅ ମୋନିକା ଠାକୁର । ହେଲେ ତାଙ୍କୁ ଟ୍ରାକ୍ଟର ଚଢାଇଦେଇଥିଲେ ଏଜେଣ୍ଟ ଜଣକ । ଗୁରୁତର ଅବସ୍ଥାରେ ହସ୍ପିଟାଲ ନିଆଯାଇଥିଲେ ବି ସେଠାରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁ ବେଳକୁ ମୋନିକା ୩ ମାସର ଗର୍ଭବତୀ ଥିଲେ ।
ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା । ହଜାରିବାଗ୍ ଏସପି ଘଟଣାସ୍ଥଳରେ ପହଞ୍ଚି ମାମଲାର ଯାଞ୍ଚ କରି ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି ।