ଇଡିରେ ହାଜର ହେଲେ ଫିଲ୍ମ ପ୍ରଯୋଜକ ଅକ୍ଷୟ ପରିଜା । ଗୁଡେଇ ତୁଡେଇ ପ୍ରଶ୍ନ କଲେ ଇଡି ଅଧିକାରୀ । କାଲି ହାଜର ହୋଇପାରନ୍ତି ଶ୍ରଦ୍ଧାଞ୍ଜଳି
କନକ ବ୍ୟୁରୋ: ଶେଷରେ ଇଡିରେ ହାଜର ହୋଇଛନ୍ତି ପ୍ରଯୋଜକ ଅକ୍ଷୟ ପରିଜା । ଅର୍ଚ୍ଚନା ହନିଟ୍ରାପ୍ ଓ ବ୍ଲାକମେଲିଂ ମାମଲାରେ ବ୍ୟକ୍ତିଗତ ଭାବେ ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହୋଇ ଜେରାର ସମ୍ମୁଖୀନ ହୋଇଛନ୍ତି । ଶ୍ରଦ୍ଧାଞ୍ଜଳିଙ୍କ ସହ ତାଙ୍କର କଣ ଥିଲା ସମ୍ପର୍କ? କିପରି ତାଙ୍କୁ ବ୍ଲାକମେଲ କରାଯାଉଥିଲା? ଅର୍ଚ୍ଚନାଙ୍କ ଭୂମିକା ଏଥିରେ କଣ? ବ୍ଲାକମେଲ ପରେ ଅର୍ଚ୍ଚନାଙ୍କୁ କେତେ ଟଙ୍କା ଦେଇଛନ୍ତି? ଏଭଳି ଅନେକ ପ୍ରଶ୍ନର ଜବାବ ରଖିଛନ୍ତି ପ୍ରଯୋଜକ ଅକ୍ଷୟ ପରିଜା । ସେପଟେ ଆସନ୍ତାକାଲି ଶ୍ରଦ୍ଧାଞ୍ଜଳିଙ୍କୁ ହାଜର ହେବା ପାଇଁ ନୋଟିସ୍ କରିଛି ଇଡି । ତେବେ ଶ୍ରଦ୍ଧାଞ୍ଜଳି ହେଉଛନ୍ତି ସେହି ଯୁବତୀ ଯାହାଙ୍କ ଅଭିଯୋଗ ଆଧାରରେ ଅର୍ଚ୍ଚନାଙ୍କୁ ବାନ୍ଧିଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
- ଇଡିରେ ହାଜରେ ହେଲେ ଅକ୍ଷୟ ପରିଜା
- ବୁଧବାର ହାଜର ହୋଇପାରନ୍ତି ଶ୍ରଦ୍ଧାଞ୍ଜଳି
ଛକାପଞ୍ଝା ପରେ ଶେଷରେ ଇଡିରେ ହାଜର ହୋଇଛନ୍ତି ଫିଲ୍ମ ପ୍ରଯୋଜକ ଅକ୍ଷୟ ପରିଜା । ହନିଟ୍ରାପ୍, ବ୍ଲାକମେଲିଂ ଓ ମନିଲଣ୍ଡରିଂ ମାମଲାରେ ସେ ବ୍ୟକ୍ତିଗତ ଭାବେ ପ୍ରବର୍ତନ ନିର୍ଦ୍ଦେଶାଳୟରେ ହାଜର ହୋଇଛନ୍ତି । ପୂର୍ବଥର ହାଜର ହୋଇନଥିଲେ । କିନ୍ତୁ ଇଡିର କଡା ତାଗିଦ ପରେ ମଙ୍ଗଳବାର ହାଜର ହୋଇଛନ୍ତି ଅକ୍ଷୟ ପରିଜା । ତେବେ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ଇଡି ଅଧିକାରୀମାନେ ଅକ୍ଷୟ ପରିଜାଙ୍କୁ ଗୁଡେଇ ତୁଡେଇ ପ୍ରଶ୍ନ କରିଛନ୍ତି ।
- ଶ୍ରଦ୍ଧାଞ୍ଜଳିଙ୍କ ସହ ତାଙ୍କର କି ପ୍ରକାର ସମ୍ପର୍କ ଥିଲା?
- ଶ୍ରଦ୍ଧାଞ୍ଜଳିଙ୍କୁ କେବେଠାରୁ ଓ କେମିତି ଜାଣିଥିଲେ?
- ତାଙ୍କ ଅନ୍ତରଙ୍ଗ ମୁହୁର୍ତ୍ତର ଭିଡିଓ କିଏ ସୁଟିଂ କରିଥିଲା?
- ଭିଡିଓ ସୁଟିଂ ପରେ ତାଙ୍କୁ ଶ୍ରଦ୍ଧାଞ୍ଜଳି ବ୍ଲାକମେଲିଂ କରିଥିଲେ କି?
- ଅଶ୍ଳୀଳ ଭିଡିଓ ଭାଇରାଲ ଭୟ ଦେଖାଇ କିଏ ଟଙ୍କା ମାଗିଥିଲେ?
- କେତେ ଟଙ୍କା ମାଗିଥିଲେ?
- ଅର୍ଚ୍ଚନାଙ୍କୁ କେମିତି ଜାଣିଥିଲେ, କେବେ ଭେଟିଥିଲେ କି?
- ଶ୍ରଦ୍ଧାଞ୍ଜଳିଙ୍କୁ କିଛି ଟଙ୍କା ଦେଇଥିଲେ କି?
ଅର୍ଚ୍ଚନାଙ୍କ ନାଗଫାଶର ଗୁମର ଖୋଜୁଥିବା ଇଡି ଅଧିକାରୀମାନେ ଅକ୍ଷୟ ପରିଜାଙ୍କୁ ଏମିତି ଏକାଧିକ ପ୍ରଶ୍ନ ପଚାରିଥିବା ଜଣାପଡିଛି ।
ଅକ୍ଷୟ ପରିଜା ହାଜର ହେବା ପରେ ଏବେ ନଜର ଶ୍ରଦ୍ଧାଞ୍ଜଳି ବେହେରାଙ୍କ ଉପରେ । ଅକ୍ଷୟ ହାଜର ହେଲେ ଶ୍ରଦ୍ଧାଞ୍ଜଳି କେବେ ହେବେ ହାଜର? ସୂଚନା ଅନୁସାରେ ଶ୍ରଦ୍ଧାଞ୍ଜଳିଙ୍କୁ ଇଡି ସମନ କରିଛି । ବୁଧବାର ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ଶ୍ରଦ୍ଧାଞ୍ଜଳି ହେଉଛନ୍ତି ସେହି ଯୁବତୀ ଯାହାଙ୍କ ଅଭିଯୋଗ ଆଧାରରେ ଅର୍ଚ୍ଚନାଙ୍କୁ ବାନ୍ଧିଥିଲା ପୋଲିସ । ସେ ଖଣ୍ଡଗିରି ଥାନାରେ ଦେଇଥିବା ଏତଲା ଆଧାରରେ ପୋଲିସ ଅର୍ଚ୍ଚନା, ଜଗବନ୍ଧୁ, ଖଗେଶ୍ୱର ଓ ଅନ୍ୟମାନଙ୍କ ବିରୋଧରେ ବିଭିନ୍ନ ଦଫା ସହିତ ଆଇଟି ଆକ୍ଟରେ ମାମଲା ରୁଜୁ କରିଥିଲା । ହେଲେ, ଏଫଆଇଆର ଦେବା ପରେ ସେ ଆଉ ସାମନାକୁ ଆସି ନାହାଁନ୍ତି । ଏବେ ଗିରଫଦାରୀକୁ ଏଡ଼ାଇବାକୁ ଆଗୁଆ ହାଇକୋର୍ଟର ଦ୍ୱାରସ୍ତ ମଧ୍ୟ ହୋଇଛନ୍ତି । ଯାହା ଅନେକ ସନ୍ଦେହ ସୃଷ୍ଟି କରିଛି ।
ଅର୍ଚ୍ଚନାଙ୍କ ନାଗଫାଶରେ ବହୁ ବ୍ୟବସାୟୀ, ନେତା, ଅଫିସର ପଡିଥିବା ଚର୍ଚ୍ଚା ଭିତରେ ସମନ ପାଇ ଇଡିରେ ହାଜର ହୋଇଛନ୍ତି ବ୍ୟବସାୟୀ ଅମିୟ ଦାସ । ତାଙ୍କ ଆକାଉଣ୍ଟରୁ ଅର୍ଚ୍ଚନାଙ୍କ ପାଖକୁ ୭ଲକ୍ଷ ଟଙ୍କା ଯାଇଥିବା ସୂଚନା ପାଇଥିଲା ଇଡି । ଆଉ ଯାହାକୁ ଇଡି ଆଗରେ ସ୍ୱୀକାର କରିଛନ୍ତି ନିଜେ ଅମିୟ । ତେବେ ଆହୁରି ବହୁ ବଡ ବଡିଆ ଇଡି ସ୍କାନରରେ ଥିବାବେଳେ ତେରଛା ବାଣ ମାରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଅର୍ଚ୍ଚନା ମାମଲାରେ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନର ଉତ୍ତରରେ ଧର୍ମେନ୍ଦ୍ର କହିଛନ୍ତି, ଦେଖ ଆଗକୁ କଣ ହେଉଛି ।