କନକ ବ୍ୟୁରୋ: ଆମେରିକାର ମହାକାଶ ଗବେଷଣା ସଂସ୍ଥା ନାସା ଏକ ଭିଡିଓ ସେୟାର କରିଛି । ଯେଉଁଥିରେ ଚନ୍ଦ୍ରପୃଷ୍ଠରେ ୫୩ ବର୍ଷ ତଳେ ପାଦ ରଖିଥିବା ବୈଜ୍ଞାନିକ ନିଲ ଆର୍ମଷ୍ଟଙ୍ଗ୍ ଏବଂ ତାଙ୍କର ଚନ୍ଦ୍ରଯାନ ଆପୋଲୋ-୧୧ ଚନ୍ଦ୍ରପୃଷ୍ଠରେ ଅବତରଣ କରିଥିବାର ଚିହ୍ନ ଦେଖିବାକୁ ମିଳିଛି । ଏହି ଭିଡିଓଟିକୁ ମହାକାଶରୁ ଚନ୍ଦ୍ରପୃଷ୍ଠରେ ଅବତରଣ କରିଥିବା ଆପୋଲ-୧୧କୁ ଜୁମ କରି ଦେଖାଯାଇଛି । ବୁଧବାର ଆମେରିକା ଚନ୍ଦ୍ରଯାନ ଆପୋଲ-୧୧ ଚନ୍ଦ୍ରପୃଷ୍ଠରେ ଅବତରଣ କରିବାର ୫୩ ବର୍ଷ ପୂର୍ତି ଅବସରରେ ନାସା ତାର ଟୁଇଟର ଆକାଉଣ୍ଟରେ ଏହି ଭିଡିଓଟି ସେୟାର କରିଛି । ଏହିଦିନ ପ୍ରଥମ ଥର ପାଇଁ ମଣିଷ ଅନ୍ୟ ଏକ ବିଶ୍ୱରେ ପାଦରେ ରଖିଥିଲା ।
Kanak News is now on WhatsApp
Join and get latest news updates delivered to you via WhatsApp
ଚନ୍ଦ୍ରପୃଷ୍ଠକୁ ଯାଇ ପୁଣି ଫେରିଆସିବା ପାଇଁ ନାସା ‘ଆପୋଲୋ’ ମିଶନରେ ଏପର୍ଯ୍ୟନ୍ତ ୧୧ଟି ମହାକାଶଯାନ ଚନ୍ଦ୍ରକୁ ପଠାଇଥିଲେ ମଧ୍ୟ ଏଥିରେ ପୁରା ସଫଳ ହୋଇପାରିନାହିଁ । ଗୋଟିଏ ଗୋଟିଏ ମିଶନ ପାଇଁ ପ୍ରଚୁର ପରିମାଣର ଅର୍ଥ ଖର୍ଚ୍ଚ ହେଉଥିଲେ ବି ଆମେରିକା ଏହା ପଛରେ ଗବେଷଣା ଜାରିରଖିଛି ।
୧୯୬୧ ମସିହାରୁ ନାସା ଚନ୍ଦ୍ରକୁ ଯାଇ ଜୀବିତ ଫେରିବା ପାଇଁ ଗବେଷଣା ଚଳାଇଥିବା ବେଳେ ମୋଟ ୧୧ଟି ମହାକାଶଯାନ ଚନ୍ଦ୍ରକୁ ପଠାଇଛି । ସେଥିରୁ ୬ମିଶନ ଆଂଶିକ ସଫଳ ହୋଇଥିଲେ ମଧ୍ୟ ନିଜ ଲକ୍ଷ ପୂରଣ କରିପାରିନାହିଁ । ଏପରି ସ୍ଥଳେ ପୁଣି ଏକ ମହାକାଶଯାନ ଚନ୍ଦ୍ରକୁ ପଠାଇବାକୁ ଯୋଜନା କରିଛି ଆମେରିକା । ୨୦୨୨ ସୁଦ୍ଧା ଚନ୍ଦ୍ରକୁ ଯାଇ ସେଠାରେ ଓହ୍ଲାଇବା ସହ ସେଠାରୁ ଚନ୍ଦ୍ରପୃଷ୍ଠରୁ ମାଟି ଆଣି ପରୀକ୍ଷା କରିବାକୁ ଯୋଜନା କରିଛି ନାସା । ଜଣେ ମହିଳାଙ୍କୁ ଏହି ଯାନରେ ପଠାଇବାକୁ ନାସା ଯୋଜନା କରିଥିବା ଆମେରିକା ଗଣମାଧ୍ୟମରୁ ସୂଚନା ମିଳିଛି । ଯଦିଓ କେବେ ଏହି ଯାନ ଚନ୍ଦ୍ରକୁ ଛଡାଯିବ ତାହା ନିର୍ଦ୍ଧାରଣ କରାଯାଇନାହିଁ, ତଥାପି ଚଳିତ ବର୍ଷ ଶେଷ ସୁଦ୍ଧା ଏହି ଯାନକୁ ପଠାଇବାକୁ ଲକ୍ଷ ରଖିଛି ନାସା । ଯଦି ଏହା ସଫଳ ହୁଏ, ତେବେ ଚନ୍ଦ୍ରରେ ଘର କରିବାକୁ ଆଉ ବେଶୀ ଦିନ ଲାଗିବ ନାହିଁ କୁହାଯାଉଛି ।