ଫିଫା ବିଶ୍ୱକପରେ ବ୍ରାଜିଲର ଦମଦାର ବିଜୟ । ମେକ୍ସିକୋକୁ ୨-୦ରେ ହରାଇ କ୍ୱାର୍ଟରରେ ବ୍ରାଜିଲ
ବିଶ୍ୱ କପ ଫୁଟବଲର ଏକ ନକଆଉଟ ମ୍ୟାଚରେ ଟାଇଟଲ ଆଶାୟୀ ବ୍ରାଜିଲ ମେକ୍ସିକୋକୁ ୨-୦ ଗୋଲରେ ପରାସ୍ତ କରି କ୍ୱାଟରଫାଇନାଲ ଖେଳିବା ନିଶ୍ଚିତ କରିଛି । କ୍ୱାଟର ଫାଇନାଲରେ ବ୍ରାଜିଲ ବେଲଜିୟମ-ଜାପାନ ମ୍ୟାଚର ବିଜେତାକୁ ଭେଟିବ । ଆଜି ହୋଇଥିବା ମ୍ୟାଚରେ ବ୍ରାଜିଲ ଚମତ୍କାର ଖେଳ ଦେଖାଇଥିଲା । ମ୍ୟାଚର ୫୧ ତମ ମିନିଟରେ ବ୍ରାଜିଲ ତରଫରୁ ନେମାର ପ୍ରଥମ ଗୋଲ ଦେଇ ନିଜ ଦଳକୁ ଆଗୁଆ କରିଥିଲେ । ମ୍ୟାଚର ୮୮ ତମ ମିନିଟରେ ରୋବୋର୍ଟ ଫାର୍ମିନୋ ୨ୟ ଗୋଲ ଦେଇ ବିଜୟ ନିଶ୍ଚିତ କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ମେକ୍ସିକୋ ଲଢୁଆ ପ୍ରଦର୍ଶନ କରିଥିଲେ ମଧ୍ୟ କୌଣସି ଗୋଲ ଦେବାକୁ ସକ୍ଷମ ହୋଇପାରିନଥିଲା ।ଏହି ବିଜୟ ସହ ବ୍ରାଜିଲ ଫିଫା ବିଶ୍ୱକପ ବିଜୟ ପାଇଁ ଆଉ ଗୋଟିଏ ପାଦ ଆଗକୁ ବଢ଼ାଇଛି । ତେବେ ମେକ୍ସିକୋ ଏହି ପରାଜୟ ସହ ଫିଫା ବିଶ୍ୱକପରେ ନିଜର ଅଭିଯାନ ଶେଷ କରିଛି ।