ବିଧାୟକଙ୍କ କଲୋନୀ ପାଇଁ ଗଛକଟା ମାମଲା । ଆଜି ହାଇକୋର୍ଟରେ ହେବ ମାମଲାର ଶୁଣାଣି
କନକ ବ୍ୟୁରୋ : ବିଧାୟକ କଲୋନୀ ଗଛକଟାକୁ ବିରୋଧ କରି ହାଇକୋର୍ଟରେ ରୁଜୁ ହୋଇଥିବା ମାମଲାର ଆଜି ହେବ ଶୁଣାଣି । ହାଇକୋର୍ଟଙ୍କ ପୂର୍ବ ନିର୍ଦ୍ଦେଶକ୍ରମେ ସାଧାରଣ ପ୍ରଶାସନ ବିଭାଗ ଏନେଇ ଜବାବ ରଖିବେ । ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ୍ ଏସ. ମୁରଲିଧର ଏବଂ ବିଚାରପତି ଜଷ୍ଟିସ୍ ରାଧାକୃଷ୍ଣ ପଟ୍ଟନାୟକଙ୍କୁ ନେଇ ଗଠିତ ଖଣ୍ଡପୀଠରେ ଏହି ମାମଲାର ଶୁଣାଣି ହେବ ।
Kanak News is now on WhatsApp
Join and get latest news updates delivered to you via WhatsApp
ତେଣୁ ସୂଚନା ଅନୁସାରେ ସତ୍ୟପାଠ ଜରିଆରେ ରାଜ୍ୟ ସରକାର ଯେଉଁ ଜବାବ ରଖୁଛନ୍ତି ସେଥିରେ ଆବେଦନକାରୀଙ୍କ ଅଭିଯୋଗକୁ ସ୍ପଷ୍ଟ ଭାବେ ଖଣ୍ଡନ କରାଯିବା ସହ ସୌଧ ନିର୍ମାଣ ସପକ୍ଷରେ ଯୁକ୍ତି ଉପସ୍ଥାପନ କରାଯାଇଛି । ରାଜ୍ୟ ସରକାରଙ୍କ ପକ୍ଷରୁ ଜବାବରେ କୁହାଯାଇଛି ପ୍ରସ୍ତାବିତ ସୌଧ ନିର୍ମାଣ ସ୍ଥାନରୁ ମୋଟ ୮୭୦ଟି ଗଛ ହଟାଯିବ । ଏହା ମଧ୍ୟରୁୁ କିଛି ଗଛ କଟାଯିବ, ବାକି ଗଛ ସ୍ଥାନାନ୍ତର କରାଯିବ । ଯେତିକି ଗଛ କଟାଯିବ ତାର ୧୦ ଗୁଣ ଗଛ ସହରର ବିଭିନ୍ନ ସ୍ଥାନରେ ଲଗାଯିବ ।
ଏଥିପାଇଁ ଆଞ୍ଚଳିକ ମୁଖ୍ୟ ବନ ସଂରକ୍ଷକଙ୍କ ଅଧ୍ୟକ୍ଷତାରେ ଗତ ୨ ତାରିଖରେ ଏକ ବୈଠକ ବସିଥିଲା । ନିର୍ଦ୍ଧାରିତ ସ୍ଥାନରେ ବିଧାୟକଙ୍କ ପାଇଁ ସୌଧ ନିର୍ମାଣ ହେବ । ସୌଧ ନିର୍ମାଣରେ କୌଣସି ପ୍ରକାର ପ୍ରତିବନ୍ଧକ ରହିବ ନାହିଁ । ରାଜଧାନୀ ଭୁବନେଶ୍ୱରର ୪ ନମ୍ବର ୟୁନିଟରେ ବିଧାୟକ ସୌଧ ଶହ ଶହ ଗଛ କଟାଯିବର ଘଟଣାରେ ରାଜ୍ୟ ସରକାର ନିଜ ମନୋଭାବ ସ୍ପଷ୍ଟ କରିଛନ୍ତି ।