କନକ ବ୍ୟୁରୋ: ପାଣି ଢାଳିବାକୁ ଆସି ନିଖୋଜ ହୋଇଗଲେ ବାପା । ବହୁ ଖୋଜାଖୋଜି ପରେ ଜୀବିତ ଅବସ୍ଥାରେ ବାପା ମିଳିଲେ ନାହିଁ, ପୁଅଙ୍କୁ ବାପାଙ୍କ ଅସ୍ଥି ମିଳିଲା । ଏବେ ଅସ୍ଥି ଧରି ବାପାଙ୍କ ମୃତ୍ୟୁ ରହସ୍ୟ ଖୋଜିଛୁ ପୁଅ । ରାଜଧାନୀ ରାଜରାସ୍ତାରୁ ଏମିତି ଏକ ଖବର ସାମ୍ନାକୁ ଆସିଛି । ବାପା କେମିତି ମଲେ ତାହା ଜଣାପଡିନଥିବା ବେଳେ ନ୍ୟାୟ ପାଇଁ ଭୁବନେଶ୍ୱରରେ ବୁଲୁଛି ପୁଅ । ବୋଲବମ୍ରେ ପାଣି ଢାଳିବା ପରେ ପୁରୀ ଆସିିଥିବା ବାପା କେମିତି ଅସ୍ଥି ହୋଇଗଲେ ତାହା ଜାଣି ପାରୁନାହାନ୍ତି ପୁଅ । ଏମିତି କେମିତି ହେଲା ବୋଲି ସମସ୍ତଙ୍କୁ ବାରମ୍ବାର ପଚାରୁଛନ୍ତି । ଏସବୁ ଘଟଣା ଭିତରେ ପୁରୀ ପୁଲିସର କାର୍ଯ୍ୟକୁ ନେଇ ସନ୍ଦେହ ପ୍ରକାଶ କରିଛନ୍ତି ମୃତ ମୋହନ ଜେନାଙ୍କ ପୁଅ ଅପୂର୍ବ ଜେନା । କେନ୍ଦୁଝର ଜିଲ୍ଲା ଅକରୁଆ ଅଂଚଳର ମୋହନ, ଗାଁର କିଛି ଲୋକଙ୍କ ସହ ମିଶି ଗତ ୨୯ ତାରିଖରେ ବୋଲବମ୍ ପାଣି ଭାର ନେଇ ଗଂଜାମ ଜିଲ୍ଲାର ପଂଚମହାଦେବଙ୍କ ଠାରେ ଲାଗି କରିଥିଲେ । ଏହାପରେ ସମସ୍ତେ ପୁରୀ ଯାଇଥିଲେ । ତେବେ ପୁରୀରେ ସମସ୍ତେ ବୁଲୁଥିବା ବେଳେ ମୋହନଙ୍କ ବ୍ୟାଗ ଚୋରୀ ହୋଇଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମୋହନ ବ୍ୟାଗ ଖୋଜିବାକୁ ଯାଇଥିବା ବେଳେ ଅନ୍ୟ ସମସ୍ତ ତାଙ୍କୁ ଛାଡି ପୁରୀରୁ ବସ ଯୋଗେ ଘରକୁ ଫେରିଯାଇଥିଲେ । ହେଲେ ମୋହନ ଫେରିନଥିଲେ । ବାପା ନଫେରିବାରୁ ତାଙ୍କର ଦୁଇ ପୁଅ ଖୋଜି ଖୋଜି ପୁରୀରେ ପହଂଚିଥିଲେ । ପୁରୀ ପୁଲିସକୁ ସମସ୍ତ ଘଟଣା ଜଣାଇବା ପରେ ପୁଲିସ ଏକ ନିଖୋଜ ମାମଲା ରୁଜୁ କରିଥିଲା । ହେଲେ ହଠାତ୍ ଦିନେ ସିଂହଦ୍ୱାର ପୁଲିସ ପୁଅମାନଙ୍କୁ ଡାକି ମୋହନଙ୍କ ମୃତଦେହ ଦେଖାଇଥିଲା । ସେତେବେଳେ ମୋହନଙ୍କ ପୋଷ୍ଟମର୍ଟନ ସରିଥିଲା । ବାପାଙ୍କ ମୃତ୍ୟୁ କେମିତି ହେଲା ବୋଲି ପୁଅମାନେ ପଚାରିଥିଲେ । ପୁଲିସ ତାର ଉତର ନଦେଇ ସ୍ୱର୍ଗଦ୍ୱାରରେ ମୋହନଙ୍କ ଶବ ସକ୍ରାର କରି ପୁଅଙ୍କ ହାତରେ ଅସ୍ଥି ଧରାଇ ଦେଇଥିବା ମୃତକଙ୍କ ପୁଅ ଅଭିଯୋଗ କରିଛନ୍ତି । ତେବେ ବାପାଙ୍କ ମୃତ୍ୟୁ କେମିତି ହେଲା ତାହା ଏଯାଏଁ ଜଣାପଡିନାହିଁ । ଏଭଳି ସ୍ଥିତିରେ ବାପାଙ୍କ ମୃତ୍ୟୁର ନ୍ୟାୟ ମାଗୁଛନ୍ତି ମୃତକଙ୍କ ପୁଅ ।