କନକ ବ୍ୟୁରୋ : ପୁଅର ବୟାନରେ ବାପାକୁ ଜେଲ । ମାତୃ ହତ୍ୟାକାରୀ ବାପାଙ୍କ ବିରୋଧରେ ସାକ୍ଷୀ ଦେଲା ପୁଅ । ଜେଜେ ମାଆର ହତ୍ୟାକାଣ୍ଡରେ ପୁଅର ସାକ୍ଷୀକୁ ଆଧାର କରି ହତ୍ୟାକାରୀ ବାପାଙ୍କୁ ଜେଲ ଦଣ୍ଡାଦେଶ ଶୁଣାଇଛନ୍ତି କୋର୍ଟ । ଜେଜେ ମା’ଙ୍କ ହତ୍ୟାକାଣ୍ଡରେ ନାତି ସାକ୍ଷୀ । ସାକ୍ଷ୍ୟ ଗ୍ରହଣ ସମୟରେ ହତ୍ୟାକାଣ୍ଡରେ ନିଜ ବାପାଙ୍କ ସଂପୃକ୍ତି ସଂପର୍କରେ ଖୋଲାଖୋଲି ପ୍ରକାଶ କରିଥିଲେ ପୁଅ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ନବରଙ୍ଗପୁର ଅତିରକ୍ତ ଜିଲ୍ଲା ଦୌରାଜଜ୍ ରାୟ ଶୁଣାଇବା ସହିତ ଅଭିଯୁକ୍ତ ନବୀନ ଅମାନତ୍ୟକୁ ୧୦ ବର୍ଷ ସଶ୍ରମ କାରାଦଣ୍ଡ ଶୁଣାଇଛନ୍ତି । ଏହାସହ ୫ହଜାର ଟଙ୍କାର ଜରିମାନା କରିଛନ୍ତି । ନବରଙ୍ଗପୁର ସହର ଦାରୁବନ୍ଧ ସାହି ପୋଖରୀ ହିଡ଼ ବସ୍ତିରେ ରହୁଥିବା ୬୪ ବର୍ଷିୟ ଜେମା ଅମାନତ୍ୟଙ୍କ ଭତା ଟଙ୍କା ହଡ଼ପ ପାଇଁ ଯୋଜନା କରିଥିଲା ପୁଅ । ଏଥିପାଇଁ ନିଜ ମା’ଙ୍କୁ ହତ୍ୟା କରିବାକୁ ବି ପଛେଇ ନଥିଲା । ୨୦୨୨ ମାର୍ଚ୍ଚ ୧୯ତାରିଖରେ ଅତିନିର୍ମମ ଭାବେ ମାଆଙ୍କୁ ହତ୍ୟା କରିଥିଲେ ନବୀନ ଅମାନତ୍ୟ । ସେତେବେଳେ ତାଙ୍କୁ ଗିରଫ କରିଥିଲା ପୁଲିସ । ହତ୍ୟା ମାମଲା ରୁଜୁ କରି ନବରଙ୍ଗପୁର ପୁଲିସ ।
ନବରଙ୍ଗପୁର ଅତିରିକ୍ତ ଜିଲ୍ଲା ଦୌରାଜଜଙ୍କ କୋର୍ଟରେ ବିଚାରାଧୀନ ରହିଥିଲା ଏହି ମାମଲା । ପର୍ଯ୍ୟାୟକ୍ରମେ ଶୁଣାଣି ହୋଇଥିବା ଏହି ମାମଲାରେ ମୋଟ ୨୦ଜଣଙ୍କ ସାକ୍ଷୀ ନିଆଯାଇଛି । ସେଥିରେ ଜଣେ ମୃତ ମହିଳାଙ୍କ ନାତୀ ତଥା ଅଭିଯୁକ୍ତଙ୍କ ନାବାଳକ ପୁଅର ସାକ୍ଷ୍ୟ ନିଆଯାଇଛି । ହତ୍ୟା ଭଳି ସଙ୍ଗୀନ ମାମଲାରେ ବାପା ବିରୋଧରେ ପୁଅ ସାକ୍ଷୀ ହୋଇ କୋର୍ଟରେ ଠିଆ ହୋଇଥିଲା । ମୃତ ମହିଳାଙ୍କ ନାତି ତଥା ଅଭିଯୁକ୍ତର ପୁଅଙ୍କ ବୟାନ ଆଧାରରେ ହତ୍ୟାକାରୀକୁ ଜେଲଦଣ୍ଡ ହୋଇଥିବା ସୂଚନା ଦେଇଛନ୍ତି ଅତିରିକ୍ତ ସରକାରୀ ଓକିଲ ସନ୍ତୋଷ କୁମାର ମିଶ୍ର ।