କେମିତି ତିଆରି ହେଉଛି ନକଲି ମଦ ଡେମୋ ଦେଖାଇଲା ଅଭିଯୁକ୍ତ : ବେଆଇନ ମଦ ୟୁନିଟ ଉପରେ ଅବକାରୀ ଗୁଇନ୍ଦା ବିଭାଗର ଚଢାଉ; ୨ଶହ ଲିଟର ମଦ ଜବତ, ୫ ଅଭିଯୁକ୍ତ ଗିରଫ
କନକ ବ୍ୟୁରୋ : କେମିତି ତିଆରି ହୁଏ ନକଲି ମଦ । ନକଲି ମଦକୁ କେମତି ନାମୀଦାମୀ ବ୍ରାଣ୍ଡର ବଟଲରେ ପ୍ୟାକ କରି ସିଲ କରାଯାଏ । ଅବକାରୀ ଅଧିକାରୀଙ୍କ ଆଗରେ ତାହାର ଡେମୋ କରି ଦେଖାଇଛି ଗିରଫ ଅଭିଯୁକ୍ତ । ପ୍ରଥମେ ବଟଲରେ ଏକ ବଡ ଜାରରେ ରଖାଯାଇଥିବା ମଦକୁ ପ୍ୟାକ କରିବା ପରେ ଏକ ହୁଗୁଳା ଠିପିକୁ ବୋତଲ ମୁହଁରେ ରଖି କେମତି ମେସିନ ଜରିଆରେ ସିଲ କରାଯାଏ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ଠିପି ଉପରେ ଷ୍ଟିକର ମାରି କେମତି ପୁରା ଅସଲି ମଦର ରୁପ ଦିଆଯାଏ, ଅଭିଯୁକ୍ତ ଅବକାରୀ ଅଧିକାରୀଙ୍କ ଆଗରେ କରି ଦେଖାଇଛି । ବ୍ରହ୍ମପୁର ହରଡାଖଣ୍ଡି ତୃପ୍ତିନଗରରରେ ଏକ ବେଆଇନ ମଦ ୟୁନିଟ ଉପରେ ଅବକାରୀ ଗୁଇନ୍ଦା ବିଭାଗ ଚଢାଉ କରିଥିଲା । ନକଲି ମଦ ୟୁନିଟରୁ ୨ଶହ ଲିଟର ମଦ ଜବତ କରାଯାଇଛି । ଏହି ନକଲି ମଦକୁ ବିଭିନ୍ନ ବ୍ରାଣ୍ଡର ବୋତଲରେ ପ୍ୟାକ ଓ ଲେବଲିଂ କରି ବିକ୍ରି କରାଯାଉଥିବା ଅଭିଯୋଗ ହୋଇଛି । ଏହି କାରବାରରେ ସଂପୃକ୍ତ ଥିବା ୫ ଜଣଙ୍କୁ ଅବକାରୀ ବିଭାଗ ଗିରଫ କରିଛି ।