ଘନେଇଲା ରହସ୍ୟ : ମୁକେଶ ଅମ୍ବାନିଙ୍କ ଘର ନିକଟରୁ ମିଳିଥିବା ବିସ୍ଫୋରକ ଭର୍ତ୍ତି ଏସୟୁଭିର ମାଲିକ ମୃତ। ଆତ୍ମହତ୍ୟା କରିଥିବା ପୋଲିସର ସନ୍ଦେହ ।
କନକ ବ୍ୟୁରୋ : ଶିଳ୍ପପତି ମୁକେଶ ଅମ୍ବାନିଙ୍କ ଘର ଆଗରେ ଏକ ଏସୟୁଭିରେ ବିସ୍ଫୋରକ ରଖାଯିବା ଘଟଣା ଆହୁରି ରହସ୍ୟ ଘେରକୁ ଚାଲିଯାଇଛି । ଏହି ଏସୟୁଭି (ମହିନ୍ଦ୍ର ସ୍କରପିଓ)ର ମାଲିକ ମନସୁଖ ହିରେନଙ୍କ ମୃତଦେହ ଆଜି ଜବତ ହୋଇଛି । ପ୍ରାଥମିକ ତଦନ୍ତରୁ ସେ ଆତ୍ମହତ୍ୟା କରିଥିବା ସଂଦେହ କରାଯାଉଛି । ମୁମ୍ବାଇ ଉପକଣ୍ଠରେ ଥିବା କାଲଓ୍ବା ବ୍ରିଜ ଉପରୁ ଡେଇଁ ସେ ଆତ୍ମହତ୍ୟା କରିଥିବା ପୁଲିସ ସଂଦେହ କରୁଛି । ତେବେ ତଦନ୍ତର ଅନ୍ୟ ଦିଗଗୁଡ଼ିକ ଉପରେ ମଧ୍ୟ ଗୁରୁତ୍ବ ଦିଆଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଫେବ୍ରୁଆରି ୨୫ ତାରିଖରେ ମୁମ୍ବାଇସ୍ଥିତ ମୁକେଶ ଅମ୍ବାନିଙ୍କ ଘର ଆଣ୍ଟିଲିଆ ବାହାରେ ଏକ ମହିନ୍ଦ୍ରା ସ୍କରପିଓ ଛିଡ଼ା ହୋଇଥିବା ଦେଖାଯାଇଥିଲା । ପୁଲିସ ଆସି ଯାଞ୍ଚ କରିବା ପରେ ସେଥିରୁ ବିସ୍ଫୋରକ ଓ ଏକ ଧମକପୂର୍ଣ୍ଣ ପତ୍ର ରହିଥିଲା । ସେଥିରେ ଲେଖାଥିଲା ଇଏ ତ ଗୋଟିଏ ଟ୍ରେଲ୍ର୍। ‘ନୀତା ଭାଉଜ ଓ ମୁକେଶ ଭାଇ ପରିବାର’, ଇଏ ତ ଝଲକ ମାତ୍ର । ଆର ଥରକୁ ଏ ସାମଗ୍ରୀ ବିକଶିତ ହୋଇ ଆପଣଙ୍କ ପାଖକୁ ଆସିବ। ସେଥିପାଇଁ ପୂରା ବନ୍ଦୋବସ୍ତ ସରିଛି । ପରେ ପୁଲିସ ଏହି ଘଟଣାର ତଦନ୍ତ କରୁଥିବାବେଳେ ସ୍କର୍ପିଓଟି ହିରେନଙ୍କ ନାଁରେ ଥିବା ଜାଣିବାକୁ ପାଇଥିଲା ।