ଇଭି ବାଇକ ଚାଳକଙ୍କ ପାଇଁ ହେଲମେଟ୍ ବାଧ୍ୟତାମୂଳକ : ନିୟମ ଅଛି କହି ଦ୍ୱନ୍ଦ୍ୱ ଦୂର କଲେ ଦିଲ୍ଲୀ ହାଇକୋର୍ଟ

କନକ ବ୍ୟୁରୋ : ଇଲେକ୍ଟ୍ରି ଗାଡି ବା ଇଭି ବାଇକ ଚଲାଇବା ବେଳେ ହେଲମେଟ୍ ପିନ୍ଧିବା ବାଧ୍ୟତାମୂଳକ । ଦିଲ୍ଲୀ ହାଇକୋର୍ଟ ଏକ ଜନସ୍ୱାର୍ଥ ମାମଲାର ଶୁଣାଣି କରି ଏହା କହିଛନ୍ତି । ସେହିପରି ବୀମା କରିବା ମଧ୍ୟ ବାଧ୍ୟତାମୂଳକ ବୋଲି କୋର୍ଟ ରାୟରେ କହିଛନ୍ତି । ଯେଉଁମାନେ ଇଭି ଚଳାଇବା ବେଳେ ନିୟମ ଉଲ୍ଲଂଘନ କରିବେ ସେମାନଙ୍କ ବିରୋଧରେ ଆଇନ ଅନୁସାରେ ଜରିମାନା ଲଗାଇବା ଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଦୁଇ ଚକିଆ ଗାଡି ଚାଳକଙ୍କ ପାଇଁ ବୀମା ଓ ହେଲମେଟ ପିନ୍ଧିବା ବାଧ୍ୟତାମୂଳକ ।

କିନ୍ତୁ ଇଭି ଚଳାଉଥିବା ଚାଳକ ବୀମା କରୁନାହାନ୍ତି କି ଗାଡି ଚଳାଇବା ବେଳେ ହେଲମେଟ୍ ପିନ୍ଧୁନାହାନ୍ତି । ହାଇକୋର୍ଟ ଜନସ୍ୱାର୍ଥ ମାମଲାର ଶୁଣାଣି କରି କହିଛନ୍ତି, ସୁରକ୍ଷା ଦୃଷ୍ଟିରୁ ଇଭି ଗାଡି ଚାଳକ ହେଲମେଟ୍ ପିନ୍ଧିବା ଆବଶ୍ୟକ । ଇଲେକ୍ଟ୍ରିକ୍ ମୋଟରସାଇକଲ୍ ଓ ସ୍କୁଟର ଚାଳକଙ୍କ ପାଇଁ ହେଲମେଟ୍ ବାଧ୍ୟତାମୂଳକ କରିବାକୁ ହାଇକୋର୍ଟରେ ଆବେଦନ କରାଯାଇଥିଲା । ହେଲେ କୋର୍ଟରେ ଏଥିରେ ବିରକ୍ତ ଭାବ ପ୍ରକାଶ କରି କହିଥିଲେ, ପୂର୍ବରୁ ଏହି ନିୟମ ରହିଛି ଆବେଦନକାରୀ ନିଜ ଆଡ଼ୁ କୌଣସି ଗବେଷଣା ନକରି ମାମଲା ରୁଜୁ କରିଛନ୍ତି । ଏହା କୋର୍ଟର ସମୟ ଅପଚୟ ।