ଚୀନ-ତାଇୱାନ ବିବାଦକୁ ନେଇ ଉତ୍ତେଜନା, ବିଶ୍ୱରେ ଶାନ୍ତି ପ୍ରତିଷ୍ଠା ପାଇଁ ଅଣ୍ଟା ଭିଡିଛି ମେକ୍ସିକୋ।
କନକ ବ୍ୟୁରୋ: ଋଷ-ୟୁକ୍ରେନ୍ ଯୁଦ୍ଧ ଜାରି ରହିଥିବା ବେଳେ ଚୀନ-ତାଇୱାନ ବିବାଦକୁ ନେଇ ଉତ୍ତେଜନା ଲାଗିରହିଛି । ତୃତୀୟ ବିଶ୍ୱଯୁଦ୍ଧ ଆଡକୁ ମୁହାଁଉଥିବା ବିଶ୍ୱରେ ଶାନ୍ତି ପ୍ରତିଷ୍ଠା କରିବାକୁ ଅଣ୍ଟା ଭିଡିଛି ମେକ୍ସିକୋ । ମେକ୍ସିକୋ ରାଷ୍ଟ୍ରପତି ଆଡ୍ରେସ୍ ମାନୱେଲ ଲୋପେଜ୍ ଓବ୍ରାଡର ଯୁଦ୍ଧବିରତି ପାଇଁ ଏକ କମିଶନ ଗଠନ କରିବାକୁ ଚାହୁଁଛନ୍ତି । ତିନି ଜଣିଆ ଏହି କମିଶନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ରଖିଛନ୍ତି ମେକ୍ସିକୋ ରାଷ୍ଟ୍ରପତି । ଏନେଇ ଏକ ଲିଖିତ ପ୍ରସ୍ତାବ ଜାତିସଂଘକୁ ଦେବେ ବୋଲିୁ କହିଛନ୍ତି ମେକ୍ସିକୋ ରାଷ୍ଟ୍ରପତି ।
Kanak News is now on WhatsApp
Join and get latest news updates delivered to you via WhatsApp
ତିନି ଜଣିଆ କମିଟିରେ ପ୍ରଧାନମନ୍ତ୍ରୀ ମୋଦୀଙ୍କ ସହ ପୋପ୍ ଫ୍ରାନ୍ସିସ୍ ଏବଂ ଜାତିସଂଘର ସେକ୍ରେଟେରୀ ଜେନେରାଲ ଆଣ୍ଟୋନିଓ ଗ୍ୟୁଟ୍ରେସ୍ ରଖିବା ନେଇ ସୂଚନା ମିଳିଛି । ଗଣମାଧ୍ୟମକୁ ଏହି ଖବର ପ୍ରସାରଣ କରିବାକୁ ସେ ନିବେଦନ କରିଛନ୍ତି । ୫ ବର୍ଷ ପାଇଁ ସାରା ବିଶ୍ୱରେ ଯୁଦ୍ଧ ନକରିବା ନେଇ ଚୁକ୍ତି କରିବାକୁ ଲକ୍ଷ ରଖିଛନ୍ତି ଆଡ୍ରେସ୍ ମାନୱେଲ ଲୋପେଜ୍ ଓବ୍ରାଡର । ତେବେ ସେ ଯୁଦ୍ଧ ବନ୍ଦ କରିବାକୁ ଆମେରିକା, ଋଷ ଏବଂ ଚୀନକୁ ଅନୁରୋଧ କରିବା ଏହି ପ୍ରସ୍ତାବକୁ ଗ୍ରହଣ କରିବାକୁ ନିବେଦନ କରିଛନ୍ତି ।