ଜନତାଙ୍କ ହୃଦୟ ଜିଣିବାକୁ ନେତାଙ୍କ ନୂଆ ତରିକା, ଭୋଟରଙ୍କୁ ମୁଣ୍ଡିଆ ମାରି ଚର୍ଚ୍ଚାରେ ପୂର୍ବତନ ବିଧାୟକ ରବି ନନ୍ଦ ।
କନକ ବ୍ୟୁରୋ: ଜନତାଙ୍କ ନିକଟତର ହେବା ପାଇଁ ନେତାଙ୍କ ନୂଆ ଷ୍ଟାଇଲ । ଏକ ଭିନ୍ନ ମୁଦ୍ରାରେ ନଜର ଆସିଛନ୍ତି ପୂର୍ବତନ ବିଧାୟକ ତଥା ମନ୍ତ୍ରୀ, ରବି ନାରାୟଣ ନନ୍ଦ । ଜୟପୁର ନିର୍ବାଚନମଣ୍ଡଳୀର ବୋରିଗୁମ୍ମା ଅଂଚଳରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଜନତାଙ୍କୁ ମୁଣ୍ଡିଆ ମାରଛିନ୍ତି ରବି ନନ୍ଦ । ଥରେ କି ଦୁଇ ଥର ନୁହେଁ, ପ୍ରାୟ ଦେଢ଼ ଶହ ଥର ମୁଣ୍ଡିଆ ମାରିବା ଘଟଣା ଏବେ କୋରାପୁଟ୍ ଜିଲ୍ଲାରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ନେତାଙ୍କ ପାଦ ତଳେ ଜନତା ପଡୁଥିବା ଆପଣ ଦେଖିବେ, ହେଲେ ଏଠି ଜନତାଙ୍କ ପାଦ ତଳେ ପଡ଼ି ମୁଣ୍ଡିଆ ମରୁଛନ୍ତି ନେତା । କେବଳ ମୁଣ୍ଡିଆ ମାରୁ ନାହିଁନ୍ତି ଜନତାଙ୍କ ମନ ଜିଣିବା ପାଇଁ ଗୀତାବହି ଏବଂ ଗୋଟିଏ ଲେଖାଏଁ ଗୋଲାପ ଫୁଲ ମଧ୍ୟ ଦେଇଛନ୍ତି । ପୂର୍ବତନ ବିଧାୟକ ରବି ନନ୍ଦଙ୍କୁ ଏଭଳି ସାଷ୍ଟାଙ୍ଗ ମୁଦ୍ରାରେ ଦେଖିବାକୁ ମିଳିଛି ।
ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ଜୟପୁର ନିର୍ବାଚନ ମଣ୍ଡଳୀର ବୋରିଗୁମ୍ମା ଅଂଚଳରେ । କୁହାଯାଏ ଜୟପୁର ବିଧାନସଭା ଆସନରେ ବୋରିଗୁମ୍ମା ଅଂଚଳ ଭୋଟ୍ ସବୁବେଳେ ନିର୍ଣ୍ଣାୟକ ଭୁମିକା ନେଇଥାଏ । ତେଣୁ ଏହି ଅଂଚଳର ଭୋଟରଙ୍କ ହୃଦୟ ଜିଣିବାକୁ ଚେଷ୍ଟା କରିଛନ୍ତି ରବି ନନ୍ଦ ।