କନକ ବ୍ୟୁରୋ : ସିଏସଇ (ସେଣ୍ଟର ଫର ସାଇନ୍ସ ଆଣ୍ଡ ଏନଭାରଭମେଣ୍ଟ) ର ରିପୋର୍ଟ ମୁତାବକ ଦେଶର ସ୍ଥିତି ପୂର୍ବବର୍ଷ ତୁଳନାରେ ଖରାପ ହେବାରେ ଲାଗିଛି । ଦେଶର ପର୍ଯ୍ୟାବରଣ ସ୍ଥିତିକୁ ନେଇ ସିଏସଇ ଏକ ରିପୋର୍ଟ ପ୍ରକାଶ କରିଛି । ଏହି ରିପୋର୍ଟରେ ଅନେକ ମାପଦଣ୍ଡକୁ ସାମିଲ କରାଯାଇଛି । ଏହି କ୍ରମରେ ଗତବର୍ଷ ତୁଳନାରେ ଗରିବୀ ସଂଖ୍ୟା ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ମୁ୍ତାବକ ଭାରତର ଗାଁ ମାନଙ୍କରେ ରହୁଥିବା ଲୋକଙ୍କ ମଧ୍ୟରୁ ୩୩ ପ୍ରତିଶତ ଲୋକ ଗରିବ ସୀମାରେଖା ତଳେ ରହିଛନ୍ତି । ଏହି ରିପୋର୍ଟରେ ଗରିବ ମାପଦଣ୍ଡକୁ ଟଙ୍କା ଆଧାରରେ ହିସାବ କରାଯାଇ ନାହିଁ ମାତ୍ର ସେମାନଙ୍କର ଖାଦ୍ୟପେୟ,କେତେ ପରିମାଣର ପିଲା ସ୍କୁଲ ଯାଉଛନ୍ତି, ବିଜୁଳି ସଂଯୋଗ ରହିଛି କି ନାହିଁ, ଶିଶୁ ଓ ମାଙ୍କ ସ୍ୱାସ୍ଥ୍ୟାବସ୍ଥା, ପିଇବା ପାଣିର ସୁବିଧା, ବ୍ୟାଙ୍କରେ ଖାତା ଅଛି କି ନାହିଁ ଏହି ଆଧାରରେ ଗରିବଙ୍କ ସଂଖ୍ୟା ସ୍ଥିର କରାଯାଇଛି । ଏହାକୁ ବହୁମୁଖୀ ଦାରିଦ୍ର୍ୟ ବୋଲି କୁହାଯାଇଛି । ଏହି ଅଧାରରେ ଦେଶରେ ଏବେ ବି ୨୫ ପ୍ରତିଶତ ପରିବାର ଗରିବ ।
ଏହି କ୍ରମରେ ରାଜ୍ୟମାନଙ୍କ କଥା ଯଦି କୁହାଯିବ ତେବେ ସବୁଠାରୁ ଅଧିକ ଗରିବ ପରିବାର ବିହାରରେ ଅଛନ୍ତି । ବିହାରରେ ୫୨ ପ୍ରତିଶତ ଲୋକ ବହୁମୂଖୀ ଦାରିଦ୍ର୍ୟତା ଭିତରେ ରହିଛନ୍ତି । ବିହାର ତଳକୁ ରହିଛି ଝାଡଖଣ୍ଡ, ଏଠାରେ ୪୨ ପ୍ରତିଶତ ଲୋକ ବହୁମୂଖୀ ଦାରିଦ୍ର୍ୟତା ଭିତରେ ରହିଛନ୍ତି । ସେହିକ୍ରମରେ ମଧ୍ୟପ୍ରଦେଶରେ ୩୬ ପ୍ରତିଶତ ଓ ସବୁଠାରୁ କମ ଗରିବ ଲୋକ ରାଜଧାନୀ ଦିଲ୍ଲୀରେ ରହିଛନ୍ତି । ଦିଲ୍ଲୀରେ ମାତ୍ର ୫ ପ୍ରତିଶତ ଲୋକ ଗରିବ ବୋଲି ରିପୋର୍ଟରେ ପ୍ରକାଶ ପାଇଛି ।