ଭାରତ-ଇଂଲଣ୍ଡ ଦ୍ୱିତୀୟ ଟେଷ୍ଟ: ଅଶ୍ୱିନୀଙ୍କ ଯାଦୁଗରୀ ବୋଲିଂ ଆଗରେ ଆଣ୍ଠେଇଲା ବ୍ରିଟିଶ ଦଳ । ପ୍ରଥମ ଇଂନିସରେ ୧୩୪ ରନରେ ଅଲଆଉଟ୍ ।
କନକ ବ୍ୟୁରୋ: ଆର ଅଶ୍ୱିନୀଙ୍କ ସ୍ପିନ ବୋଲିଂ ଆଗରେ ଆଣ୍ଠେଇଛି ଇଂଲଣ୍ଡ ଦଳ । ଯାହା ଫଳରେ ଦ୍ୱିତୀୟ ଟେଷ୍ଟର ପ୍ରଥମ ଇଂନିସରେ ଇଂଲଣ୍ଡ ମାତ୍ର୍ ୧୩୪ ରନ କରି ଅଲଆଉଟ୍ ହୋଇଯାଇଛି । ଦଳ ୪ ଜଣ ବ୍ୟାଟ୍ସମ୍ୟାନଙ୍କୁ ଛାଡିଦେଲେ ଅନ୍ୟ କୌଣସି ଖେଳାଳି ଦୁଇ ଅଙ୍କ ବି ଛୁଇଁପାରିନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ରବିବାର ଭାରତୀୟ ଦଳ ନିଜ ବ୍ୟାଟିଂ ଜାରି ରଖିବା ସହିତ ପ୍ରଥମ ଇଂନିସରେ ୩୨୯ ରନ କରି ଅଲଆଉଟ୍ ହୋଇଥିଲା । ଦଳ ପ କ୍ଷରୁ ରୋହିତ ଶର୍ମା ଦମଦାର ୧୬୧ ରନର ଇଂନିସ ଖେଳିଥିଲେ । ଶେଷ ଆଡକୁ ରିଷବ ପନ୍ତ ମଧ୍ୟ ଚତ୍ମକାର ବ୍ୟାଟିଂ କରିଥିଲେ । ଇଂଲଣ୍ଡ ପକ୍ଷରୁ ଷ୍ଟୋନ ଓ ମୋଇନ୍ ଅଲ୍ଲୀ ଯଥାକ୍ରମେ ୪ଟି ଓ ୩ଟି ୱିକେଟ୍ ନେଇଥିଲେ ।
ଏହାପରେ ଇଂଲଣ୍ଡ ନିଜର ପ୍ରଥମ ଇଂନିସ ଆରମ୍ଭ କରିଥିଲା । ହେଲେ ଦଳ ମାତ୍ର ୫୨ ରନରେ ନିଜର ୫ ୱିକେଟ୍ ହରାଇଥିଲା । ଏହାପରେ ଶେଷଆଡକୁ ବିନ ଫୋକ୍ସ ୪୨ ରନର ଇଂନିସ ଖେଳିବାରୁ ଦଳର ସ୍କୋର ଶହେ ଟପିଥିଲା । ହେଲେ ବି ଅଶ୍ୱିନୀଙ୍କ କମାଲ ବୋଲିଂ ଆଗରେ ଇଂଲଣ୍ଡ ମାତ୍ର ୧୩୪ ରନ କରି ଅଲଆଉଟ୍ ହୋଇଯାଇଛି ।