ସୋର ରେଳ ଷ୍ଟେସନରେ ବଗି ଛାଡି ପଳାଇଲା ଇଞ୍ଜିନ : ଧାମରାରୁ କୋଇଲା ନେଇ ଯାଉଥିଲା ମାଲବାହୀ ଟ୍ରେନ

କନକ ବ୍ୟୁରୋ : ବାହାନଗା ରେଳ ଦୁର୍ଘଟଣା ପରେ ପିଛା ଛାଡ଼ୁନି ରେଳ ଅଘଟଣ । ଷ୍ଟେସନରେ ୧୦ଟି ୱଗନକୁ ଛାଡ଼ି ପଳାଇଲା ରେଳ ଇଞ୍ଜିନ । ସୋର ରେଳ ଷ୍ଟେସନ ଏଭଳି ଅଘଟଣ ଦେଖିବାକୁ ମିଳିଛି । ପ୍ରାୟ ୨୫ ମିନିଟ୍ ପରେ ଇଞ୍ଜିନ୍  ବଗି ସହିତ ଯୋଡ଼ି ହୋଇଥିଲା ।

ଆଦାନୀ କମ୍ପାନୀର କୋଇଲା ବୋଝେଇ ମାଲଗାଡ଼ି ଟାଟା ଅଭିମୁଖେ ଯାଉଥିବା ସମୟରେ ସୋର ଷ୍ଟେସନ ନିକଟରେ ୧ନମ୍ବର ଲୁପ୍ ଲାଇନରେ ଯାଉଥିବା ବେଳେ ୧୦ଟି ବଗି ଛାଡ଼ି ପଳାଇଥିଲା । ଖବର ପାଇ କିଛି ସମୟ ପରେ ପୁଣି ଟ୍ରେନଟି ପଛକୁ ଫେରି ବଗି ସଂଯୋଗ କରି ପୁଣି ଟାଟା ଅଭିମୁଖେ ଯାଇଥିବା ସୂଚନା ମିଳିଛି ।