ଟ୍ୱିଟର ବ୍ଲୁ ଟିକକୁ ନେଇ ମସ୍କଙ୍କ ନୂଆ ଯୋଜନା, ପ୍ରତ୍ୟେକ ଦେଶର ଲୋକଙ୍କ ରୋଜଗାରକୁ ନେଇ ସ୍ଥିର ହେବ ବ୍ଲୁ ଟିକ୍ ଦେୟ
କନକ ବ୍ୟୁରୋ : ଏଲନ ମସ୍କ ଟ୍ୱିଟରର ମାଲିକ ହେବା ପରେ କମ୍ପାନୀ ତାର ବିଭିନ୍ନ ପରିବର୍ତ୍ତନ କରିବାରେ ଲାଗିଛି । ଏହାରି ମଧ୍ୟରେ କମ୍ପାନୀ ତାର ଗ୍ରାହକମାନଙ୍କୁ ବ୍ଲୁ ଟିକ୍ ସବକ୍ରିପସନ ବାବଦରେ ମାସିକ ଚାର୍ଜ ଆଦାୟ କରିବାକୁ ନେଇ ଅଧିକ ଚର୍ଚ୍ଚା ହେଉଛି । ଏପଟେ ମସ୍କ ସ୍ପଷ୍ଟ କରିଛନ୍ତି କି, ଟ୍ୱିଟର ପ୍ଲାଟଫର୍ମକୁ ମାଗଣାରେ ଚଳାଇବାକୁ ଦିଆଯିବ ନାହିଁ । ଏଥିପାଇଁ ସେ ଟ୍ୱିଟରରେ ବ୍ଲୁ ଟିକ୍ ସବସ୍କ୍ରାଇବରମାନଙ୍କ ଠାରୁ ମାସିକ ୮ ଡଲାର ଅର୍ଥାତ ପାଖାପାଖି ୬୬୦ ଟଙ୍କା ଆଦାୟ କରିବାକୁ ଘୋଷଣା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ମସ୍କ ସ୍ପଷ୍ଟ କରିଦେଇଛନ୍ତି ଯେ ପ୍ରତ୍ୟେକ ଦେଶରେ ବ୍ଲୁ ଟିକ୍ ଉପଭୋକ୍ତାଙ୍କ ପାଇଁ ମାସିକ ଦେୟ ଅଲଗା ଅଲଗା ହେବ । କେଉଁ ଦେଶର ଲୋକେ କେତେ ଚାର୍ଜ ଦେବେ ତାହା ସେହିଦେଶର ଲୋକଙ୍କ ଖର୍ଚ୍ଚ କରିବାର କ୍ଷମତା ଉପରେ ନିର୍ଭର କରାଯିବ ।
ସୂଚନା ଥାଉକି ଏଲନ ମସ୍କ ଟ୍ୱିଟରକୁ କିଣିବା ପୂର୍ବରୁ ଏହି ପ୍ଳାଟଫର୍ମ ଗ୍ରାହକଙ୍କ ପାଇଁ ସମ୍ପୂର୍ଣ୍ଣ ମାଗଣା ଥିଲା । ଏହାପରେ ବ୍ଲୁ ଟିକ୍ ସବକ୍ରିପସନ ପାଇଁ ଚାର୍ଜ ଆଦାୟ କରିବାକୁ ଅଫର କରାଗଲା । ପ୍ରଥମେ ଏହାର ଚାର୍ଜ ୨୦ ଡଲାର ରହିବ ବୋଲି କୁହାଯାଇଥିଲା । ହେଲେ କିଛିଦିନ ପରେ ଏହାକୁ ବଦଳାଇ ୮ ଡଲାର ବୋଲି କୁହାଗଲା । ଏବେ ଏଲନ ମସ୍କ ଘୋଷଣା କରିଛନ୍ତି ଯେ ବ୍ଲୁ ଟିକ୍ ସବସ୍କ୍ରିପସନ ପାଇଁ ଅଲଗା ଅଲଗା ଦେଶରେ ଅଲଗା ଅଲଗା ଚାର୍ଜ ଲାଗୁ କରାଯିବ ।