ଚମତ୍କାର ! ହାତୀପଲ ଠାରୁ ରକ୍ଷା କରିବା ପାଇଁ ୪ବର୍ଷୀୟ ଶିଶୁକୁ ଗୋଡ଼ ତଳେ ଲୁଳାଇ ରଖିଲା ଏକ ହାତୀ
କନକ ବ୍ୟୁରୋ : ୪ବର୍ଷୀୟ ଶିଶୁକୁ ସୁରକ୍ଷା ଦେଲା ହାତୀ । ଜଙ୍ଗଲ ରାସ୍ତାରେ ଯାଉଥିବା ସମୟରେ ଶିଶୁଟି ସ୍କୁଟରରୁ ଖସିପଡିଥିଲା । ଆଉ ତାକୁ ଘେରି ଯାଇଥିଲେ ହାତୀପଲ । ଏହି ସମୟରେ ପଲର ଅନ୍ୟ ହାତୀଙ୍କଠାରୁ ସୁରକ୍ଷିତ ରଖିବା ପାଇଁ ଗୋଟିଏ ହାତୀ ଶିଶୁଟିକୁ ନିଜ ଦୁଇ ଗୋଡ ମଝିରେ ସୁରକ୍ଷିତ ଭାବେ ଧରି ରଖିଥିଲା । ଏହି ଘଟଣାଟି ଦେଖିବାକୁ ମିଳିଛି ପଶ୍ଚିମବଙ୍ଗ ଜଲପାଇଗୁଡିରେ । ଗରୁମାରା ଜଙ୍ଗଲ ଦେଇ ଯାଇଥିବା ୩୧ନମ୍ବର ଜାତୀୟ ରାଜପଥରେ ୪ବର୍ଷୀୟ ଆହାନା ନିଜ ପରିବାର ସହ ଯାଉଥିବା ସମୟରେ ଏହି ଘଟଣା ଘଟିଛି । ଜଙ୍ଗଲରେ ଥିବା ଏକ ମନ୍ଦିରରେ ପୂଜାର୍ଚ୍ଚନା କରି ଲାଟାଗୁରିକୁ ଫେରୁଥିଲେ ଆହାନ ଓ ତାଙ୍କ ପରିବାର ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ଜଙ୍ଗଲ ମଝି ରାଜପଥ ଦେଇ ହାତୀ ପଲ ଯାଉଥିବା ଦେଖି ତାଙ୍କ ବାପା ସ୍କୁଟିକୁ ଅଟକାଇ ଦେଇଥିଲେ । ହାତୀପଲ ଯାଇ ସାରିବା ପରେ ପୁଣି ଥରେ ସେ ଯାତ୍ରା ଆରମ୍ଭ କରିଥିଲେ ଠିକ୍ ଏହି ସମୟରେ ଜଙ୍ଗଲ ଭିତରୁ ଆଉ କିଛି ହାତୀ ରାସ୍ତା ଉପରକୁ ଚାଲି ଆସିଥିଲେ । ଯାହା ଦେଖି ଆହାନାଙ୍କ ବାପା ହଠାତ୍ ବ୍ରେକ ମାରିଦେବା ପରେ ଆହାନା ଗାଡିରୁ ଖସିପଡିଥିଲେ । ଠିକ୍ ଏହି ସମୟରେ ହାତୀ ପଲର ଗୋଟିଏ ହାତୀ ନିଜ ଦୁଇ ଗୋଡ ମଝିରେ ଆହାନାଙ୍କୁ ସୁରକ୍ଷିତ ଭାବେ ଧରିରଖିଥିଲେ । ହାତୀପଲଟି ରାସ୍ତା ପାରି କରିସାରିବା ପରେ ହାତୀଟି ଆହାନାଙ୍କୁ ସୁରକ୍ଷିତ ଛାଡିଦେଇଥିଲା ।