କନକ ବ୍ୟୁରୋ: ଓଡିଶାର ଅନେକ ଅଫିସରଙ୍କ ଘରେ ଭିଜିଲାନ୍ସ ରେଡ୍ର ଅନେକ ଚିତ୍ର ଆପଣ ଦେଖିଛନ୍ତି । ସର୍ବାଧିକ ୨ କୋଟି ପର୍ଯ୍ୟନ୍ତ ନଗଦ ଟଙ୍କାର ରେଡ୍ ଆପଣ ଦେଖିଛନ୍ତି । କିନ୍ତୁ ଆୟ ବହିର୍ଭୂତ ଟଙ୍କା ରଖିବାର ରେକର୍ଡ କରୁଛନ୍ତି । ୨ କୋଟି କି ୩ କୋଟି ନୁହେଁ ନଗଦ ୧୯ କୋଟି ଟଙ୍କା ମିଳିଛି ଜଣେ ବାବୁଙ୍କ ଘରୁ । ପେଟି ପେଟି ୫୦୦ ଶହ, ୨୦୦ ଓ ଶହେ ଟଙ୍କିଆ ନୋଟ୍ । ଟଙ୍କା ଗଣିବାକୁ ଆସିଛି ଦୁଇଟି ମେସିନ । ତାକୁ ଗଣିବାରେ ଲାଗିଛନ୍ତ ଅନେକ କର୍ମଚାରୀ । ନଗଦ ୧୯ କୋଟି ଟଙ୍କା ଜବତ ।
Kanak News is now on WhatsApp
Join and get latest news updates delivered to you via WhatsApp
ପ୍ରବର୍ତନ ନିର୍ଦ୍ଦେଶାଳୟ ବା ଇଡି ଜଣେ ଆଇଏଏସ ଅଫିସରଙ୍କ ଦୁଇ ସହଯୋଗୀଙ୍କ ଘରେ ରେଡ୍ କରି ପୁଳା ପୁଳା ଟଙ୍କା ସହିତ ବିଭିନ୍ନ ଦସ୍ତାବିଜ ଜବତ କରିଛି । ଏହି ଆଇଏଏସ ଅଫିସର ଜଣଙ୍କ ଝାଡଖଣ୍ଡର । ତାଙ୍କ ନାମ ପୂଜା ସିଙ୍ଘଲ । ମୋଟ୍ ୧୯ କୋଟିରୁ ଆଇଏଏସ ପୂଜାଙ୍କ ଚାଟାର୍ଡ ଆକାଉଂଟାଟ ସୁମନ କୁମାରଙ୍କ ଘରୁ ନଗଦ ୧୭ କୋଟି ଟଂକା ଜବତ କରିଥିବା ବେଳେ ବାକି ୧. ୮ କୋଟି ଟଙ୍କା ଆଉ ଏକ ସ୍ଥାନରୁ ରେଡ୍ ହୋଇଛି । ନଗର ଟଂକାର ପରିମାଣ ଏତେ ଅଧିକ ଥିଲା ଯେ ଇଡି ମେସିନ ବ୍ୟବହାର କରି ଟଙ୍କା ଗଣିଥିଲ।। ମନରେଗା ଦୁର୍ନୀତି ଅଭିଯୋଗରେ ଇଡି ଏହି ରେଡ୍ କରିଥିଲା ବୋଲି ସୂଚନା ରହିଛି ।
ନିକଟରେ ଇଡି ଜଣେ ସେକ୍ସନ ଅଫିସର ରାମ ବିନୋଦ ପ୍ରସାଦ ସିହ୍ନା ନାମକ ବ୍ୟକ୍ତିଙ୍କୁ ଗିରଫ କରିଥିଲା । ଏହା ପୂର୍ବରୁ ଏହି ସେକ୍ସନ ଅଫିସରଙ୍କ ବିରୋଧରେ ଝାଡଖଣ୍ଡ ଭିଜିଲାନ୍ସ ଦୂର୍ନୀତି ଅଭିଯୋଗରେ ୧୬ଟି ଏଫଆଇର ରୁଜୁ କରିଥିଲ।। ସେକ୍ସନ ଅଫିସରଙ୍କୁ ଜେରା କରିବା ବେଳେ ଆଇଏଏସ ପୂଜା ସିଙ୍ଗଲଙ୍କ ନାମ ସାମ୍ନାକୁ ଆସିଥିଲା । ଏହି ଦୂର୍ନୀତି ଅଭିଯୁକ୍ତ ଆଇଏଏସ ଅଫିସରଙ୍କ ଝାଡଖଣ୍ଡ, ବିହାର, ରାଜସ୍ଥାନ, ପଶ୍ଚିମବଙ୍ଗ ଏବଂ ମୁମ୍ବାଇରେ ଥିବା ଫାର୍ମ ହାଉସରେ ଇଡି ରେଡ୍ କରିଥିବା ସୂଚନା ରହିଛି । ଏହି ଆଇଏଏସ ଅଫିସର ଏବେ ଝାଡଖଣ୍ଡ ସରକାରର ଖଣି ବିଭାଗର ସଚିବ ପଦରେ ରହିଛନ୍ତି । ନିକଟରେ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ନିର୍ବାଚନ କମିସନ ମାଇନିଂ ସମ୍ପର୍କିତ ଲାଇସେନ୍ସ ନେବା ଘଟଣାରେ ନୋଟିସ କରିଛନ୍ତି । ଏତେ ଟଙ୍କା ରୋଜଗାର ପାଇଁ ଏ ବ୍ୟକ୍ତିଙ୍କୁ କେତେ ସମୟ ଲାଗିଲା । କେଉଁ ଦୁର୍ନିତିରେ ସାମିଲ ଥିଲେ ଏହି ଅଫିସର । ଏହି ବ୍ୟକ୍ତିଙ୍କ ଫଛରେ ଆଉ କିଏ ରହିଛି ତାହା ତଦନ୍ତ ପରେ ଜଣାପଡିବ ।