କନକ ବ୍ୟୁରୋ: ଆଜି ଇଡିରେ ହାଜର ହେବେ ପ୍ରଯୋଜକ ଅକ୍ଷୟ ପରିଜା । ଗତ ଶନିବାର ହାଜର ହେବା ପାଇଁ ଇଡି ନୋଟିସ୍ ପଠାଇଥିଲା । ହେଲେ ସ୍ୱାସ୍ଥ୍ୟଗତ ସମସ୍ୟା ଦେଖାଇ ହାଜର ହୋଇନଥିଲେ ଅକ୍ଷୟ । ନିଜ ଓକିଲଙ୍କ ମାଧ୍ୟମରେ ଅଧିକ ସମୟ ମାଗିଥିବା ବେଳେ ଇଡି ମାତ୍ର ୨ ଦିନର ମହଲତ ଦେଇଥିଲା । ଆଉ ଆଜି ଇଡି ଅଫିସରେ ହାଜର ହେବା ପାଇଁ ଅକ୍ଷୟଙ୍କୁ ଇଡି ପକ୍ଷରୁ ତାଗିଦ କରାଯାଇଥିବା ଜଣାପଡ଼ିଛି । ଅର୍ଚ୍ଚନା ନାଗ ବ୍ଲାକମେଲ କରୁଥିବା ନେଇ ନୟାପଲ୍ଲୀ ଥାନାରେ ଅଭିଯୋଗ କରିଥିଲେ ଅକ୍ଷୟ । ଏପରିକି ୩ କୋଟି ଟଙ୍କା ମାଗିଥିବା ନେଇ ଅଭିଯୋଗ ପତ୍ରରେ ଉଲ୍ଲେଖ କରିଥିଲେ ଅକ୍ଷୟ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଇଡିର ତଦନ୍ତ ଯେତେ ଆଗକୁ ବଢୁଛି, ଅର୍ଚ୍ଚନା ସହ ସମ୍ପୃକ୍ତ ନେତା, ବ୍ୟବସାୟୀ, ବିଲଡରଙ୍କ ଛାତି ସେତେ ଧଡପଡ ହେଉଛି । ୧୨ ଜଣଙ୍କୁ ସମନ ହୋଇଥିବା ରହିଛି ସୂଚନା । ସେମାନେ ପର୍ଯ୍ୟାୟକ୍ରମେ ଇଡି କାର୍ଯ୍ୟାଳୟରେ ହାଜର ହେବେ । ପ୍ରଶ୍ନ ଉଠୁଛି ଏହି ସବୁ ନେତା କିଏ? ଅର୍ଚ୍ଚନା ମାମଲାରେ କାହା କାହା ପାଖକୁ ନୋଟିସ ପହଞ୍ଚିଛି? ଆଗକୁ ଆଉ କେଉଁମାନଙ୍କ ପାଳି ପଡିବ? ଏସବୁ ପତା ଖୋଲିନାହାନ୍ତି ଇଡି ଅଧିକାରୀ । ଯାହା ମାମଲା ଉପରେ ନଜର ରଖିଥିବା ଲୋକଙ୍କ ଉକ୍ରଣ୍ଠା ବଢାଇ ଦେଉଛି । ଘଟଣାରେ ଜଣେ ଇଂଜିନିୟରକୁ ମଧ୍ୟ ନୋଟିସ ପ୍ରର୍ବତନ ନିର୍ଦ୍ଦେଶାଳୟ ନୋଟିସ କରିଛି । ସମ୍ପୃକ୍ତ ଇଂଜିନିୟଙ୍କ ସହ ଅର୍ଚ୍ଚନାଙ୍କ ଟଙ୍କା କାରବାର ହୋଇଥିବା ନେଇ ସୂଚନା ରହିଛି ।