ଦିଲ୍ଲୀରେ ପୁଣି ମୃଦୁ ଭୂମିକମ୍ପ ଅନୁଭୂତ : ରିକ୍ଟର ସ୍କେଲରେ ତୀବ୍ରତା ୨.୩ , ସକାଳ ପ୍ରାୟ ୫ ଟା ୨ ମିନିଟରେ ଭୂକମ୍ପ । କ୍ଷୟକ୍ଷତିର କୌଣସି ସୂଚନା ନାହିଁ

55

ଆଜି ଭୋରରୁ ଦିଲ୍ଲୀରେ ମୃଦୁ ଭୂମିକମ୍ପ ଅନୁଭୂତ ହୋଇଛି । ନ୍ୟାସନାଲ ସେଂଟର ଫର ସିସମୋଲଜି ଅନୁସାରେ, ରିକ୍ଟର ସ୍କେଲର ଭୂମିକମ୍ପର ତୀବ୍ରତା ୨.୩ ଥିଲା । ଭୋର ପ୍ରାୟ ୫ଟା ୦୨ ମିନିଟରେ ଏହି ଭୂମିକମ୍ପ ହୋଇଛି । ତେବେ ଏଥିରେ କିଛି କ୍ଷୟକ୍ଷତି ହୋଇଥିବା ସୂଚନା ନାହିଁ । ଗତ ୧୭ ଡିସେମ୍ବରରେ ମଧ୍ୟ ଦିଲ୍ଲୀ-ଏନସିଆରରେ ମୃଦୁ ଭୂମିକମ୍ପ ଅନୁଭୂତ ହୋଇଥିଲା । ସେତେବେଳେ ରିକ୍ଟର ସ୍କେଲରେ ଏହାର ତୀବ୍ରତା ଥିଲା ୪.୨ ।

 

ଦିଲ୍ଲୀ ଓ ଏହାର ଆଖପାଖ ଅଂଚଳରେ ଗତ କିଛି ଦିନ ଧରି ବାରମ୍ବାର ମୃଦୁ ଭୂମିକମ୍ପ ଅନୁଭୂତ ହେଉଛି । ୨ ଡିସେମ୍ବରରେ ମଧ୍ୟ ମୃଦୁ ଭୂମିକମ୍ପ ହୋଇଥିଲା , ଯାହାର ତୀବ୍ରତା ରିକ୍ଟର ସ୍କେଲରେ ଥିଲା ୨.୭ । ସେତେବେଳେ ଭୂମିକମ୍ପର କେନ୍ଦ୍ରସ୍ଥଳ ଗାଜିଆବାଦ ଥିଲା । ଏପ୍ରିଲରୁ ବର୍ତମାନ ସୁଦ୍ଧା ଦିଲ୍ଲୀ ଓ ଏହାର ଆଖପାଖ ଅଂଚଳରେ ୧୫ରୁ ଅଧିକ ଥର ଭୂମିକମ୍ପର ଝଟକା ଦେଖାଦେଲାଣି । ଆଉ ଏହାର କେନ୍ଦ୍ରସ୍ଥଳ ବି ଦିଲ୍ଲୀ କିମ୍ବା ଆଖପାଖ ଅଂଚଳ ରହୁଛି ।

Comments are closed.