ମେଟାର ବଡ ଘୋଷଣା, ଅନଲକ୍ କରାଯିବ ଡୋନାଲ୍ଡ ଟ୍ରମ୍ପଙ୍କ ଫେସବୁକ ଓ ଇନଷ୍ଟାଗ୍ରାମ ଆକାଉଣ୍ଟ
କନକ ବ୍ୟୁରୋ : ଦୁଇବର୍ଷର ପ୍ରତିବନ୍ଧକ ପରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଫେସବୁକ ଓ ଇନଷ୍ଟାଗ୍ରାମ ଆକାଉଣ୍ଟ ଅନଲକ୍ ହେବାକୁ ଯାଉଛି । ଏନେଇ ମେଟା ପକ୍ଷରୁ ଘୋଷଣା କରାଯାଇଛି । ସୂଚନା ଥାଉକି ୨୦୨୧ ଜାନୁଆରୀ ୬ ତାରିଖରେ କ୍ୟାପିଟଲ ଦଙ୍ଗା ପରେ ମେଟା ପକ୍ଷରୁ ଟ୍ରମ୍ପଙ୍କ ଇନଷ୍ଟ୍ରାଗ୍ରାମ ଓ ଫେସବୁକ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଯାଇଥିଲା । ମେଟା ହେଉଛି ଫେସବୁକ ଓ ଇନଷ୍ଟାଗ୍ରାମର ମୂଳ କମ୍ପାନୀ ।
Kanak News is now on WhatsApp
Join and get latest news updates delivered to you via WhatsApp
ମେଟାର ବ୍ୟବସାୟିକ ମାମଲାର ଅଧ୍ୟକ୍ଷ ନିକ କ୍ଲେଗ ବୁଧବାର ଦିନ କହିଛନ୍ତି କି ଟ୍ରମ୍ପଙ୍କ ସୋସିଆଲ ମିଡିଆ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇବା ଏକ ଅସାଧାରଣ ପରିସ୍ଥିିତିର ଏକ ଅସାଧାରଣ ନିଷ୍ପତ୍ତି ଥିଲା । । ସେ ଆହୁରି କହିଛନ୍ତି କି ଜନତା ଜାଣିବା ଦରକାର କି ନେତା କଣ କହୁଛନ୍ତି । ଏହା ଫଳରେ ଜନତାମାନେ ଯୁକ୍ତିଯୁକ୍ତ ନିଷ୍ପତ୍ତି ନେଇପାରିବେ ।
କ୍ଲେଗ କହିଛନ୍ତି କି କମ୍ପାନୀର ନୂଆ ସମାଚାର ଯୋଗ୍ୟ ସାମଗ୍ରୀ ନୀତି ମୁତାବକ ଯଦି କମ୍ପାନୀ ଅନୁଭବ କରିବ କି, ଟ୍ରମ୍ପ ଏଭଳି ବୟାନ ଦେଉଛନ୍ତି ଯାହା ସମ୍ଭାବିତ କ୍ଷତି ବଢାଇପାରେ, ତେବେ ଏଭଳି ପୋଷ୍ଟ ଉପରେ ମେଟା ତରଫରୁ ପ୍ରତିବନ୍ଧକ ଲଗାଯିବ । କ୍ଲେଗଙ୍କ ମତରେ ଫେସବୁକ ଓ ଇନଷ୍ଟାଗ୍ରାମ ଲୋକଙ୍କୁ କହିବାର ସୁଯୋଗ ଦେଉଛି । ହେଲେ ଏହି କହିବା ତଥ୍ୟାତ୍ମକ ହେବା ଆବଶ୍ୟକ ।
ସୂଚନା ଥାଉକି କ୍ୟାପିଟଲ ହିଂସା ପରେ ଟ୍ୱିଟର ତରଫରୁ ବି ଟ୍ରମ୍ପଙ୍କ ଆକାଉଣ୍ଟ ନିଲମ୍ବିତ କରାଯାଇଥିଲା । ହେଲେ ଗତବର୍ଷ ନଭେମ୍ବର ମାସରେ ଏଲନ ମସ୍କ ଟ୍ୱିଟର କିଣିବା ପରେ ଟ୍ରମ୍ପଙ୍କ ଆକାଉଣ୍ଟକୁ ଅନଲକ୍ କରାଯାଇଥିଲା ।