ମଧ୍ୟବିତଙ୍କ ରୋଷେଇ ଘରେ ମହଙ୍ଗା ମାଡ : ଆଜି ୯୦୦ ଟପିଲା ରୋଷେଇ ଗ୍ୟାସର ଦର
ଗତ ୨ମାସ ଭିତରେ ୩ ଥର ଦର ବୃଦ୍ଧି, ୭ ବର୍ଷରେ ଦୁଇ ଗୁଣରୁ ଅଧିକ; ପକେଟ ଉପରେ ବଢୁଛି ଆର୍ଥିକ ବୋଝ
କନକ ବ୍ୟୁରୋ : ପୁଣି ବଢିଲା ଗ୍ୟାସ ଦର । ସାରା ଦେଶରେ ୧୪.୨ କେଜି ଏଲପିଜି ଘରୋଇ ଗ୍ୟାସ ସିଲିଣ୍ଡର ଦର ୨୫ ଟଙ୍କା ବୃଦ୍ଧି ପାଇଛି । ଦୁଇ ମାସ ମଧ୍ୟରେ ତିନି ଥର ବଢିଲା ଦର । ପୂର୍ବରୁ ଅଗଷ୍ଟ ୧୮ ତାରିଖରେ ଘରୋଇ ଗ୍ୟାସ୍ ସିଲିଣ୍ଡର ଦର ୨୫ ବୃଦ୍ଧି ପାଇଥିଲା । ଦେଖିବାକୁ ଗଲେ ୧୫ ଦିନ ମଧ୍ୟରେ ୫୦ ଟଙ୍କା ବୃଦ୍ଧି ପାଇଛି ଘରୋଇ ଗ୍ୟାସ୍ ସିଲିଣ୍ଡର ଦର । ଏହା ପୂର୍ବରୁ ଜୁଲାଇ ମାସରେ ଗ୍ୟାସ ସିଲିଣ୍ଡର ଦର ୨୫ ଟଙ୍କା ବୃଦ୍ଧି ପାଇଥିଲା । ବର୍ଦ୍ଧିିତ ଦର ଅନୁସାରେ ଦିଲ୍ଲୀରେ ଏବେ ଗ୍ୟାସ ସିଲିଣ୍ଡର ପିଛା ୮୮୪ ଟଙ୍କା ହୋଇବେଳେ କୋଲକାତାରେ ସିଲିଣ୍ଡର ପିଛା ଗ୍ୟାସ୍ ଦର ୯୧୧ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ମୁମ୍ବାଇରେ ଗ୍ୟାସ୍ ସିଲିଣ୍ଡର ପିଛା ୮୮୪ ଟଙ୍କା ୫୦ ପଇସା ରହିଥିବା ବେଳେ ଚେନ୍ନାଇରେ ୯୦୦ ଟଙ୍କା ୫୦ ପଇସା ରହିଛି । ତେବେ ବିଗତ ୭ ବର୍ଷ ମଧ୍ୟରେ ଘରୋଇ ଗ୍ୟାସ ସିଲିଣ୍ଡର ଦର ଦୁଇ ଗୁଣାରୁ ଅଧିକ ବୃଦ୍ଧି ପାଇଛି । ୨୦୧୪ ମାର୍ଚ୍ଚ ୧ ତାରିଖରେ ଘରୋଇ ଗ୍ୟାସ ସିଲିଣ୍ଡର ପିଛା ୪୧୦ ଟଙ୍କାରେ ମିଳୁଥିଲା ଯାହା ଏବେ ୯୦୦ ଟଙ୍କାରୁ ଅଧିକ ରହିଛି । ଏହା ମଧ୍ୟରେ ବ୍ୟବସାୟୀକ ଦର ମଧ୍ୟ ୭୫ ଟଙ୍କା ବୃଦ୍ଧି ପାଇଛି । ୧୯ କେଜିର ବ୍ୟବସାୟୀକ ଗ୍ୟାସ ସିଲିଣ୍ଡର ଦର ଏବେ ଦିଲ୍ଲୀରେ ୧୬୯୩ ଟଙ୍କା ରହିଥିବା ବେଳେ କୋଲକତାରେ ୧୭୭୦ ଟଙ୍କା ୫୦ ପଇସା ରହିଛି ।
-୧୫ ଦିନରେ ବଢିଲା ଦୁଇ ଥର ବଢିଥିବା ଦୁଇ ମାସ ମଧ୍ୟରେ ବଢିଛି ତିନି ଥର
– ଦିଲ୍ଲୀରେ ଘରୋଇ ଗ୍ୟାସ ସିଲିଣ୍ଡର ପିଛା ୮୮୪ ଟଙ୍କା ହୋଇବେଳେ କୋଲକାତାରେ ୯୧୧ ଟଙ୍କା ରହିଛି
-୧୫ ଦିନ ମଧ୍ୟରେ ୫୦ ଟଙ୍କା ବୃଦ୍ଧି ପାଇଛି ଘରୋଇ ଗ୍ୟାସ୍
– ଦୁଇ ମାସରେ ୭୫ ଟଙ୍କା ବୃଦ୍ଧି ପାଇଛି ଘରୋଇ ଗ୍ୟାସ୍
– ୭ ବର୍ଷ ମଧ୍ୟରେ ଘରୋଇ ଗ୍ୟାସ ସିଲିଣ୍ଡର ଦର ଦୁଇ ଗୁଣାରୁ ଅଧିକ ବୃଦ୍ଧି
-୨୦୧୪ ମାର୍ଚ୍ଚ ୧ ତାରିଖରେ ଘରୋଇ ଗ୍ୟାସ ସିଲିଣ୍ଡର ପିଛା ୪୧୦ ଟଙ୍କାରେ ମିଳୁଥିଲା
– ଏହା ମଧ୍ୟରେ ବ୍ୟବସାୟୀକ ଦର ମଧ୍ୟ ୭୫ ଟଙ୍କା ବୃଦ୍ଧି ପାଇଛି
– ୧୯ କେଜିର ବ୍ୟବସାୟୀକ ଗ୍ୟାସ ସିଲିଣ୍ଡର ଦର ଏବେ ଦିଲ୍ଲୀରେ ୧୬୯୩ ଟଙ୍କା ରହିଥିବା ବେଳେ କୋଲକତାରେ ୧୭୭୦ ଟଙ୍କା ୫୦ ପଇସା ରହିଛି