ସରକାରୀ ଡାକ୍ତରଖାନାରେ ରୋଗୀ ଦେଖିବାକୁ ପସନ୍ଦ କରୁନାହାଁନ୍ତି ଡାକ୍ତର । ଗତ ଦୁଇ ବର୍ଷରେ ୮୦ରୁ ଅଧିକ ଡାକ୍ତର ନେଇଛନ୍ତି ଆଗୁଆ ଅବସର । କାରଣ କ’ଣ?
କନକ ବ୍ୟୁରୋ: ଡାକ୍ତରଙ୍କୁ ପସନ୍ଦ ନୁହେଁ ସରକାରୀ ଚାକିରୀ । ସର୍ଭେ ମୁତାବକ, ଗତ ଦୁଇ ବର୍ଷରେ ୮୦ରୁ ଅଧିକ ଡାକ୍ତର ଆଗୁଆ ଅବସର ନେଇଛନ୍ତି । ଏହାଛଡା ପ୍ରତିମାସରେ ଭିଆରଏସ ବା ସ୍ୱେଚ୍ଛାକୃତ ଅବସର ପାଇଁ ଡାକ୍ତରଙ୍କ ଆବେଦନ ସଂଖ୍ୟା ବଢିବାରେ ଲାଗିଛି । ଏହା ପ୍ରମାଣ କରୁଛି ଯେ, ସରକାର ଚାକିରୀ ପ୍ରତି ଡାକ୍ତରଙ୍କ ଆଗ୍ରହ କମି କମି ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବୃତିଗତ କାରଣ ହେଉ କି ବ୍ୟକ୍ତଗତ କାରଣରୁ ସ୍ୱେଚ୍ଛାକୃତ ଅବସର ପାଇଁ ଡାକ୍ତର ଆବେଦନ କରିବା ସ୍ୱାସ୍ଥ୍ୟ ସେବା କ୍ଷେତ୍ରରେ ବଡ ପ୍ରତିବନ୍ଧକ ସୃଷ୍ଟି କରୁଛି । ବିଶେଷ କରି ରାଜ୍ୟରେ ଡାକ୍ତରଙ୍କ ଉକ୍ରଟ ଅଭାବ ଥିବା ବେଳେ ବରିଷ୍ଠ ଓ ଅଭିଜ୍ଞ ଡାକ୍ତର ଆଗୁଆ ଅବସର ନେବା ଚିନ୍ତା ବଢାଇ ଦେଇଛି । ଗତ ବର୍ଷ ଏପ୍ରିଲ ମାସରେ ରାଜ୍ୟ ସରକାର ୧୦ ଜଣ ଡାକ୍ତରଙ୍କ ଭିଆରଏସ ବା ଆଗୁଆ ଅବସର ଆବେଦନକୁ ଖାରଜ କରିଦେଇଥିଲେ । ରାଜ୍ୟରେ ପ୍ରାୟ ୪୦ ପ୍ରତିଶତ ଡାକ୍ତର ପଦବୀ ଖାଲି ରହିଥିବା ବେଳେ ନିୟମିତ ବ୍ୟବଧାନରେ ଭିଆରଏସ ଆବେଦନ ସରକାରଙ୍କ ଚିନ୍ତା ବଢାଇ ଦେଇଛି । ଏହାଛଡା ଡାକ୍ତରଙ୍କ ଅବସର ବୟସ ସୀମା ୬୫ରୁ ୬୨ ବର୍ଷକୁ ହ୍ରାସ କରିବା ପାଇଁ ଓଡିଶା ମେଡିକାଲ ସର୍ଭିସ ଆସୋସିଏସନ ପକ୍ଷରୁ ଦାବି ହୋଇ ଆସୁଛି ।
– ଡାକ୍ତରଙ୍କୁ ପସନ୍ଦ ନାହିଁ ସରକାରୀ ଚାକିରୀ !
– ଗତ ୧୦ ବର୍ଷରେ ୮୦ରୁ ଅଧିକ ଡାକ୍ତର ଆଗୁଆ ଅବସର ନେଇଛନ୍ତି
– ପ୍ରତିମାସରେ ଆଗୁଆ ଅବସର ପାଇଁ ଡାକ୍ତର ଆବେଦନ କରୁଛନ୍ତି
– କିଛି ଆବେଦନକୁ ମଞ୍ଜୁରି ମିଳୁଛି, କିଛି ଆବେଦନ ଖାରଜ ହେଉଛି
– ୨୦୨୧ ଏପ୍ରିଲରେ ୧୦ ଜଣ ଡାକ୍ତରଙ୍କ ଭିଆରଏସ ଆବେଦନ ଖାରଜ ହୋଇଥିଲା
– ରାଜ୍ୟରେ ପ୍ରାୟ ୪୦% ଡାକ୍ତରୀ ପଦବୀ ଖାଲି ପଡିଛି
– ଡାକ୍ତର ଅଭାବ ଥିବା ବେଳେ ଡାକ୍ତରଙ୍କ ଭିଆରଏସ ଆବେଦନ ସରକାରଙ୍କ ଚିନ୍ତା ବଢାଇଛି
-ବରିଷ୍ଠ ଓ ଅଭିଜ୍ଞ ଡାକ୍ତର ଭିଆରଏସ ନେବା ସ୍ୱାସ୍ଥ୍ୟ ସେବା କ୍ଷେତ୍ର ପାଇଁ ଚିନ୍ତାଜନକ
– ଡାକ୍ତରଙ୍କ ଅବସର ବୟସ ସୀମା ୬୫ରୁ ୬୨ ବର୍ଷକୁ ହ୍ରାସ ପାଇଁ ଓମସାର ଦାବି
– ଡାକ୍ତରଙ୍କୁ ୬୨ ବର୍ଷ ପରେ ଭିଆରଏସ ନେବା ପାଇଁ ଅନୁମତି ଦେବାକୁ ଦାବି
-କୋଭିଡ ସମୟରେ ଡାକ୍ତରଙ୍କ ଅବସର ବୟସ ୬୨ରୁ ୬୫ କୁ ବୃ୍ଦ୍ଧି କରିଥିଲେ ସରକାର
– ସ୍ୱେଚ୍ଛାକୃତ ଅବସର ପଛର ମୁଖ୍ୟ କାରଣ ପଦୋନ୍ନତି ଓ ପାରିଶ୍ରମିକରେ ଅସଙ୍ଗତି
– ରୋଗୀ ସେବା ସହ ପ୍ରଶାସନିକ କାର୍ଯ୍ୟ ଚାପ ବଢିବା ଅନ୍ୟ କାରଣ
– ଅତ୍ୟଧିକ କାର୍ଯ୍ୟ ଭାର ଯୋଗୁଁ ଅସୁସ୍ଥତା ଭିଆରଏସ ନେବାର ଅନ୍ୟ ବଡ କାରଣ