କନକ ବ୍ୟୁରୋ : ଏବେ ବିଏମସି କୋଭିଡ଼୍ ସେଲରୁ ଫେରିଯିବେ ଅଣ ବିଏମସି ଅଧିକାରୀ ଓ କର୍ମଚାରୀ । କମିଶନର ପ୍ରେମଚନ୍ଦ୍ର ଚୌଧୁରୀଙ୍କ ନିର୍ଦ୍ଦେଶ କ୍ରମେ କୋଭିଡ଼ର ସ୍ଥିତିକୁ ଅନୁଧ୍ୟାନ କରି ଏହି ନିଷ୍ପତ୍ତି ନେଇଛନ୍ତି ସହରାଞ୍ଚଳ କର୍ତ୍ତୃପକ୍ଷ । ଭିନ୍ନ ଭିନ୍ନ ସମୟରେ ଆବଶ୍ୟକ ଅନୁସାରେ ରାଜ୍ୟ ସରକାର ବିଏମସି କୋଭିଡ଼୍ ସେଲକୁ ଆସିଥିଲେ ଅଧିକାରୀ ଓ କର୍ମଚାରୀ ଗଣ । ଏମାନଙ୍କ ମଧ୍ୟରେ ମୁଖ୍ୟତଃ ଡ଼ାକ୍ତର ଏବଂ ଆସିଷ୍ଟାଣ୍ଟସେକ୍ସନ୍ ଅଫିସରଙ୍କ ସଂଖ୍ୟା ଅଧିକ ।
Kanak News is now on WhatsApp
Join and get latest news updates delivered to you via WhatsApp
ବର୍ତମାନ ସ୍ଥିତିରେ ଶେଷ ପର୍ଯ୍ୟାୟରେ ଥିବା ୧୦ ଜଣ ଡ଼ାକ୍ତର ଏବଂ ୧୫ ଜଣ ଏଏସଓ ମାନଙ୍କ ମଧ୍ୟରୁ ସମସ୍ତ ଏଏସଓଙ୍କୁ ରିଲିଭ୍ କରାଯାଇଥିବା ବେଳେ ଆଉ ୬ ଜଣ ଡ଼ାକ୍ତରଙ୍କୁ ଜାନୁୟାରୀ-୨୧ ଶେଷ ସୁଧା ରିଲିଭ୍ କରାଯିବ ଏବଂ କେବଳ ୪ ଜଣ ଡ଼ାକ୍ତର ଜରୁରୀ କଂଟାକ୍ଟ ଟ୍ରେସିଂ ଇତ୍ୟାଦି ପାଇଁ ନିୟୋଜିତ ରହିବେ ବୋଲି କହିଛନ୍ତି ବିଏମସି କୋଭିଡ଼୍ ସେଲ୍ ର ମୁଖ୍ୟ ତଥା ଡ଼େପୁଟି କମିଶନର ହେଲଥ ଏବଂ ସାନିଟେସନ୍ ଶୁଭେନ୍ଦୁ କୁମାର ସାହୁ ।
ସୂଚନାଯୋଗ୍ୟ କି, ଭୁବନେଶ୍ୱର ମହାନଗର ନିଗମାଂଚଳରେ କୋଭିଡ଼୍ ସଂକ୍ରମଣ ସ୍ଥିତି କ୍ରମଶଃ କମିଆସିଛି ଏବଂ ସଂକ୍ରମଣ ଏକକ ସଂଖ୍ୟାରେ ସୀମିତ ରହିଅଛି । ୨୨ ଜାନୁୟାରୀରେ ୫ ଜଣ, ୨୩ ଜାନୁୟାରୀରେ ୫ ଜଣ, ୨୪ ଜାନୁୟାରୀରୁ ୨୭ ଜାନୁୟାରୀ ପର୍ଯ୍ୟନ୍ତ ୪ ଜଣ ଲେଖାଏଁ ଏବଂ ୨୮ ଜାନୁୟାରୀରେ ୮ ଜଣ ରହିଥିବାର ଜଣାପଡ଼ିଛି । ତେବେ ଧିରେ ଧିରେ ସଂକ୍ରମଣ କମିବାରୁ ଅଣ ବିଏମସି କର୍ମଚାରୀଙ୍କୁ ଫେରାଇ ଦିଆଯାଇଛି ।