କନକ ବ୍ୟୁରୋ: ରୋଗୀଙ୍କ ପାଇଁ ଡାକ୍ତର ହେଉଛନ୍ତି ସାକ୍ଷାତ ଭଗବାନ । ଆଉ ଚଳନ୍ତା ଟ୍ରେନରେ ମହିଳାଙ୍କ ପ୍ରସବ କରାଇ ଚର୍ଚ୍ଚାରେ ଅଛନ୍ତି ଓଡିଆ ଡାକ୍ତର ମେଜର ବିଶ୍ୱକେଶରୀ ମହାନ୍ତି ।ଟ୍ରେନରେ ଭୁବନେଶ୍ୱର ଆସୁଥିଲେ ବିପ୍ଲବ ବିଶ୍ୱକେଶରୀ ମହାନ୍ତି । ହଠାତ ରାତିରେ ଟ୍ରେନ ଭିତରେ ଜଣେ ଗର୍ଭବତୀ ମହିଳା ପ୍ରସବ ଯନ୍ତ୍ରଣା ଭୋଗୁଥିବା ଜାଣିବାକୁ ପାଇଥିଲେ । ଆଉ ସେ ଯନ୍ତ୍ରଣାରେ ଛଟପଟ ହେଉଥିବାବେଳେ ଜଣେ ଟିଟିଇ ସହଯୋଗ ପାଇଁ ଡାକ ପକାଇଥିଲେ । ଏହା ପରେ ବିପ୍ଲବ ବିଶ୍ୱକେଶରୀ ଦେବଦୂତ ସାଜି ଧାଇଁ ଆସିଥିଲେ । ପାଖରେ କୌଣସି ଡାକ୍ତରୀ ସରଞ୍ଜାମ ନଥିଲା । ତଥାପି ଠାକୁରଙ୍କୁ ଡାକି ଜଣେ ମହିଳା ଯାତ୍ରୀଙ୍କ ସହାୟତାରେ ପ୍ରସବ କରାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଏକଘଣ୍ଟାର ପରିଶ୍ରମ ପରେ ବିନା କୌଣସି ଡାକ୍ତରୀ ସରଞ୍ଜାମରେ ପ୍ରସବ କରାଇ ପ୍ରଶଂସା ସାଉଁଟିଛନ୍ତି ବିପ୍ଲବ ବିଶ୍ୱକେଶରୀ ମହାନ୍ତି । ଶିଶୁକନ୍ୟା ପ୍ରସବ କରିଥିବା ମହିଳା ମଧ୍ୟପ୍ରଦେଶର ତାରାବାଈ ବୋଲି ଜଣାପଡିଛି । ସେ ତାଙ୍କ ସ୍ୱାମୀ ବିଜୟଙ୍କ ସହ ମଧ୍ୟପ୍ରଦେଶ ସାଗରରୁ ଭୁବନେଶ୍ୱର ଫେରୁଥିଲେ । ତାରାବାଈ ଓ ଜନ୍ମନେଇଥିବା ଶିଶୁକନ୍ୟା ସୁରକ୍ଷିତ ଅଛନ୍ତି ।