ଶ୍ରୀମନ୍ଦିରରୁ ପଥର ଖସିବା ଘଟଣା ନୂଆ ନୁହେଁ । ପଢନ୍ତୁ, କେବେ କେବେ ବଡ ଦେଉଳରୁ ଖସିଛି ପଥର?

କନକ ବ୍ୟୁରୋ: ପୁରୀ ଶ୍ରୀମନ୍ଦିର ରତ୍ନବେଦୀ ପଛ ପାଶ୍ୱର୍ରୁ ଚୁନ ଖସିବାର କିଛି ଦିନ ପରେ ପୁଣି ଏକ ବଡ଼ ପଥର ବଡ ଦେଉଳରୁ ଖସିଛି । ଶ୍ରୀମନ୍ଦିର ମୁଦୁଲି ଦ୍ୱାର ପାଶ୍ୱର୍ ନାଟମଣ୍ଡପରୁ ଏହି ପଥର ଖସିଥିବା ସୂଚନା ମିଳିଛି । ପଥରଟି ଦେଢ ଫୁଟ ଆକାର ଏବଂ ପ୍ରାୟ ୩ କିଲୋ ଓଜନର ବୋଲି କୁହାଯାଉଛି । ହେଲେ ଏହି ସମୟରେ ସେ ସ୍ଥାନରେ କେହି ନଥିବାରୁ କିଛି ଅଘଟଣ ହୋଇନାହିଁ । ଏହି ପଥରକୁ ବର୍ତ୍ତମାନ ଶ୍ରୀମନ୍ଦିର ପ୍ରଶାସନ ପତ୍ନତତ୍ତ୍ୱ ବିଭାଗକୁ ହସ୍ତାନ୍ତର କରିଛି । ଏପରି ସ୍ଥିତିରେ ଶ୍ରୀମନ୍ଦିରର ରକ୍ଷାଣାବେକ୍ଷଣକୁ ନେଇ ପ୍ରଶ୍ନ ଉଠିଛି । ତେବେ ସୂଚନା ମୁତାବକ ଦୀପବଳୀ ସମୟରେ ଏହି ପଥରଟି ଖସିଥିଲା । କିନ୍ତୁୁ ଘଟଣାକୁ ୪ ଦିନ ବିତି ଯାଇଥିଲେ ବି ଏଏସଆଇ ପକ୍ଷରୁ କୌଣସି ଅଧିକାରୀ ଘଟଣାସ୍ଥଳ ପରିଦର୍ଶନ କରିନାହାଁନ୍ତି ।

Advertisment

ତେବେ ଶ୍ରୀମନ୍ଦିରରୁ ପଥର ଖସିବା ନୂଆ ଘଟଣା ନୁହେଁ । ଦ୍ୱାଦଶ ଶତାବ୍ଦୀରେ ନିର୍ମିତ ଶ୍ରୀମନ୍ଦିରରେ ପୂର୍ବରୁ ମଧ୍ୟ ପଥର ଓ ପ୍ଲାଷ୍ଟର ଖସିବା ଘଟଣା ନଜରକୁ ଆସିଛି । ୧୪୩ ବର୍ଷ ହେଲା ଶ୍ରୀମନ୍ଦିରରୁ ପଥର ଖସିବା ଭଳି ଅଘଟଣ ନଜରକୁ ଆସିଛି...

୧୮୭୫ ମସିହା ଜୁଲାଇ ୯ ତାରିଖରେ ଶ୍ରୀମନ୍ଦିରରୁ ୩ଟି ପଥର ଖସିଥିଲା
୧୯୩୭ ଓ ୧୯୩୯ ମସିହାରେ ମଧ୍ୟ ପଥର ଖସିଥିଲା
୧୯୬୧ ମସିହା ଜାନୁୟାରୀ ୨୬ରେ ଶ୍ରୀମନ୍ଦିରରୁ ଖସିଥିଲା ୮କିଲୋ ଓଜନର ଚୁନ ପ୍ଲାଷ୍ଟର
୧୯୬୯ ମସିହା ୧୯୭୫, ୧୯୭୯ ମସିହାରେ ସମାନ ଘଟଣା ଘଟିଥିଲା
୧୯୭୪ ମସିହାରେ ଶ୍ରୀମନ୍ଦିରର ରକ୍ଷଣା ବେକ୍ଷଣା ଦାୟିତ୍ୱ ନେଇଥିଲା ଏଏସଆଇ
ଏଏସଆଇ ଦାୟିତ୍ୱ ନେବାର ୧୧ ବର୍ଷ ପରେ ପୁଣି ଅଘଟଣ ଘଟିଥିଲା
୧୯୮୫ ମସିହା ଅଗଷ୍ଟ ୧୬ରେ ଲାଇମ ପ୍ଲାଷ୍ଟ ଖସିଥିଲା
୧୯୮୮ ଜାନୁୟାରୀ ୧୯ ଓ ୧୯୯୦ ଫେବୃୟାରୀ ୬ରେ ସମାନ ଘଟଣା ଘଟିଥିଲା
୧୯୯୦ ଜୁନ ୧୪ରେ ୭ ଟନ ଓଜନର ପଥର ଶ୍ରୀମନ୍ଦିରରୁ ଖସିଥିଲା
୧୯୯୧ ମସିହା ଅକ୍ଟୋବର ୩ରେ ଶ୍ରୀମନ୍ଦିର କାନ୍ଥରୁ ଲାଇମ ପ୍ଲାଷ୍ଟର ଖସିଥିଲା
୧୯୯୨ ମସିହା ଅଗଷ୍ଟ ୧୩ରେ ଶ୍ରୀମନ୍ଦିରରୁ ୪ ଟନ୍ ଲେଖାଏଁ ଓଜନର ୨ଟି ପଥର ଖସିଥିଲା
ସେହି ସମୟରେ ବହୁ ସେବାୟତ ଶ୍ରୀମନ୍ଦିରରେ ଥିଲେ ମଧ୍ୟ କେହି ଆହତ ହୋଇନଥିଲେ
ଏହାପରେ ଏଏସଆଇ ଓ ଶ୍ରୀମନ୍ଦିର ପ୍ରଶାସନ ଶ୍ରୀମନ୍ଦିରର ଜଗମୋହନ ମରାମତି କରିଥିଲେ
୧୨ ବର୍ଷ ପରେ ୨୦୦୪ ଫେବୃୟାରୀ ୯ରେ ନାଟମଣ୍ଡପରୁ ପ୍ଲାଷ୍ଟର ଖସିଥିଲା
୨୦୧୧ ସେପ୍ଟେମ୍ବର ୨୦ରେ ସିଂହଦ୍ୱାରରୁ ପଥର ମୂର୍ତି ଖସିଥିଲା
୨୦୧୧ ନଭେମ୍ବର ୧ରେ ଶ୍ରୀମନ୍ଦିର ଉତ୍ତର ଦ୍ୱାରରେ ପଥର ଖସିଥିଲା
୨୦୧୨ ଅକ୍ଟୋବର ୮ ତାରିଖରେ ଶ୍ରୀମନ୍ଦିରରୁ ପଥର ଖସିଥିବା ସୂଚନା
୨୦୧୩ ମସିହାରେ ମଧ୍ୟ ଶ୍ରୀମନ୍ଦିରର ପ୍ଲାଷ୍ଟର ଖସିଥିଲା
୨୦୨୨ ଅଗଷ୍ଟ ୩ ତାରିଖରେ ଶ୍ରୀମନ୍ଦିରରୁ ଲାଇମ ପ୍ଲାଷ୍ଟର ଖସିଥିଲା