ହ୍ୱାଇଟ ହାଉସରେ ଦୀପାବଳି : ଆଲୋକର ପର୍ବ ପାଳିଲେ ରାଷ୍ଟ୍ରପତି ବାଇଡେନ ଦମ୍ପତି ଓ ଉପରାଷ୍ଟ୍ରପତି କମଳା ହାରିସ
ଆଲୁଅରେ ଚମକିଲା ୱାର୍ଲଡ ଟ୍ରେଡ ସେଣ୍ଟର
କନକ ବ୍ୟୁରୋ : ହ୍ୱାଇଟ୍ ହାଉସରେ ଦୀପାବଳି ପାଳିଲେ ଆମେରିକା ରାଷ୍ଟ୍ରପତି ଜୋ ବାଇଡେନ, ଉପ-ରାଷ୍ଟ୍ରପତି କମଳା ହାରିସ ଏବଂ ଆମେରିକାର ପ୍ରଥମ ମହିଳା ଜିଲ ବିଡେନ । ଗୁରୁବାର ହାଇଟ୍ ହାଉସରେ ଲାଇଟ୍ ଲଗାଇ ଦୀପାବଳୀ ପାଳନ କରିଛନ୍ତି ବାଇଡେନ । ଯାହାର ଫଟୋ ଉଠାଇ ସେ ସୋସିଆଲ ମିଡିଆରେ ସେୟାର କରିଛନ୍ତି । ତେବେ ସବୁଠୁ ବଡ କଥା ହେଉଛି ଦୀପାବଳୀରେ ସାରା ଦେଶରେ ଛୁଟି ଘୋଷଣା କରିବାକୁ ଆମେରିକା ଯୋଜନା କରୁଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ବାଇଡେନ ଟୁଇଟରରେ ଫଟୋ ପୋଷ୍ଟ କରି ଲେଖିଛନ୍ତି, ଦୀପାବଳୀର ଆଲୋକ ଆମକୁ ସବୁଦିନ ପାଇଁ ଅନ୍ଧକାରରୁ ଜ୍ଞାନ ଏବଂ ସତ୍ୟ, ବିଭାଜନରୁ ଏକତା, ନିରାଶାରୁ ଆଶା କଥା ମନେପକାଇ ଦେବ । ଆମେରିକାରେ ରହୁଥିବା ସମସ୍ତ ହିନ୍ଦୁ, ସିଖ୍, ଜୈନ, ବୁଦ୍ଧିଷ୍ଟ ଏବଂ ବିଶ୍ୱର ମସସ୍ତଙ୍କୁ ଲୋକଙ୍କ ହାଉସରୁ ‘ହାପି ଦିୱାଲି’ । ଉପ-ରାଷ୍ଟ୍ରପତି କମଳା ହାରିସ୍ ଦୀପାବଳୀ ପାଳନ କରିବା ସହ ଏକ ଭିଡ଼ିଓ ବାର୍ତାରେ କହିଛନ୍ତି, ସମସ୍ତଙ୍କୁ ଆଲୋକର ପର୍ବ ଦୀପାବଳିର ସୁଭେଚ୍ଛା ।
ଚଳିତ ବର୍ଷ ଦୀପାବଳୀ ଧ୍ୱଂସକାରୀ ମହାମାରୀ ପରେ ଆସିଛି । ସେହିପରି ପ୍ରଥମ ଥର ପାଇଁ ଆମେରିକାର ବିଶ୍ୱ ବାଣିଜ୍ୟକ କେନ୍ଦ୍ରରେ ଦୀପାବଳୀ ପାଳନ କରାଯାଇଛି । ଟୁଇଟରେ ୱାର୍ଲଡ ଟ୍ରେଡ ସେଂଟର ପକ୍ଷରୁ ଶୁଭଦିୱାଲି ଲେଖି ଏକ ଭିଡ଼ିଓ ପୋଷ୍ଟ କରାଯାଇଛି ।