ଆଙ୍କର ଠାରୁ ଆରମ୍ଭ କରି ଅତିଥିଙ୍କ ପର୍ଯ୍ୟନ୍ତ ସମସ୍ତେ ଦିବ୍ୟାଙ୍ଗ । ଆରମ୍ଭ ହେଲା ଦେଶର ପ୍ରଥମ ଦିବ୍ୟାଙ୍ଗ ନ୍ୟୁଜ୍ ଚ୍ୟାନେଲ
ସୁରଟରେ ଦିବ୍ୟାଙ୍ଗମାନଙ୍କ ପାଇଁ ଦେଶର ପ୍ରଥମ ଦିବ୍ୟାଙ୍ଗ ନିଉଜ୍ ଚ୍ୟାନେଲ ଆରମ୍ଭ କରାଯାଇଛି, ଯେଉଁଠି ନ୍ୟୁଜ୍ ଆଙ୍କରଠାରୁ ଆରମ୍ଭ କରି ସମସ୍ତ କର୍ମଚାରୀ ଏବଂ ଅତିଥି ଦିବ୍ୟାଙ୍ଗ ରହିବେ ବୋଲି ଜଣା ପଡ଼ିଛି । ଦକ୍ଷିଣ ଗୁଜୁରାଟରୁ ଏହା ପ୍ରସାରଣ ଆରମ୍ଭ କରାଯାଇ ସାରିଛି । ଏହାକୁ କିଛି ଦିନ ମଧ୍ୟରେ ସାରା ଦେଶରେ ପ୍ରସାରଣ କରାଯିବ ବୋଲି ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଚ୍ୟାନେଲକୁ ଡିଜେବଲ େଓ୍ଵଲଫେୟାର ଟ୍ରଷ୍ଟ ଆରମ୍ଭ କରିଛି । ଚ୍ୟାନେଲର ସଞ୍ଚାଳକ କନୁ ଟେଲରଙ୍କ କହିବା ଅନୁଯାୟୀ, ଆଗାମୀ ଦିନରେ ଆଙ୍କରିଂଠାରୁ ଆରମ୍ଭ କରି ସାକ୍ଷାତକାର ପର୍ୟ୍ୟନ୍ତ ସବୁ କାମ ଦିବ୍ୟାଙ୍ଗ କରିବେ । ଖୁବ୍ ଶୀଘ୍ର ସେମାନଙ୍କୁ ଟ୍ରେନିଙ୍ଗ ଦିଆଯିବା କାମ ଆରମ୍ଭ କରାଯିବ । ଏହି କାମ ପୂରା ହେବା ପାଇଁ ୬ ମାସ ସମୟ ଲାଗିପାରେ । ଏହା ପରେ ଏହା ସଂପୂର୍ଣ୍ଣ ଭାବରେ ଦିବ୍ୟାଙ୍ଗଙ୍କ ଦ୍ୱାରା ପରିଚାଳିତ ଚ୍ୟାନେଲ ହୋଇଯିବ ।
ଏହି ଚ୍ୟାନେଲରେ ଇଣ୍ଟରଭିଉ,ଦିବ୍ୟାଙ୍ଗଙ୍କ ପାଇଁ ଥିବା ବିଭିନ୍ନ ସରକାରୀ ଯୋଜନା,ଧାର୍ମିକ ଏବଂ ସାମାଜିକ ଖବର ବ୍ୟତୀତ ଅନ୍ୟ କୌଣସି ଖବର ପ୍ରସାରଣ କରାଯିବ ନାହିଁ । ଅନ୍ୟ ପକ୍ଷରେ ପ୍ରଥମ ଦିବ୍ୟାଙ୍ଗ ଚ୍ୟାନେଲ ଭାବରେ ଗିନିଜ୍ ବୁକ୍ ଅଫ୍ ଓ୍ଵାର୍ଲଡ଼୍ ରେକର୍ଡ଼ରେ ଚ୍ୟାନେଲକୁ ସାମିଲ କରିବା ପାଇଁ ଚ୍ୟାନେଲର ପ୍ରୋଗ୍ରାମ୍ ନିର୍ଦ୍ଦେଶକ ନିତଲ ଶାହା ଆବେଦନ କରିଥିବା ଜଣାପଡ଼ିଛି ।