ଶ୍ରୀମନ୍ଦିର ଚାରିପଟେ ଐତିହ୍ୟ କରିଡର ନିର୍ମାଣକୁ ନେଇ ପୁଣି ପ୍ରଶ୍ନ ଉଠାଇଲେ ସାଂସଦ ଅପରାଜିତା ଷଡ଼ଙ୍ଗୀ : କହିଲେ ଆଇନକୁ ଉପେକ୍ଷା କରି ଚାଲିଛି ବିକାଶ କାମ
ଐତିହ୍ୟ କରିଡର ନିର୍ମାଣର ଅଭିଜ୍ଞତା ନଥିବା ଠିକା ସଂସ୍ଥାକୁ ଦିଆଯାଇଛି କାମ
କନକ ବ୍ୟୁରୋ : ପୁରୀକୁ ଗଲେ ପ୍ରଶ୍ନ କଲେ । ଏକ୍ରାମ କ୍ଷେତ୍ର ଐତିହ୍ୟ କରିଡରକୁ ନେଇ ପ୍ରଶ୍ନ ଉଠାଉଥିବା ଭୁବନେଶ୍ୱର ସାଂସଦ ଆଜି ପୁରୀ ଗସ୍ତରେ ଯାଇ ଶ୍ରୀମନ୍ଦିର ଚାରିପଟେ ଐତିହ୍ୟ କରିଡର ନିର୍ମାଣକୁ ନେଇ ପ୍ରଶ୍ନ ଉଠାଇଛନ୍ତି । କହିଛନ୍ତି, ବିକାଶ କାମ ହେଉ, କିନ୍ତୁ ବେଆଇନ ଭାବରେ ନୁହେଁ । ଶ୍ରୀମନ୍ଦିର ଚାରିପଟେ ଚାଲିଥିବା ବିକାଶ କାମ ପାଇଁ ଏନଏମଏ ଓ ଏଏସଆଇର ଅନୁମତି କାହିଁକି ନିଆଗଲା ନାହିଁ ବୋଲି ସେ ପ୍ରଶ୍ନ କରିଛନ୍ତି । ଏପରିକି ଐତିହ୍ୟ କରିଡର ନିର୍ମାଣ ସମ୍ପର୍କରେ ଅଭିଜ୍ଞତା ନଥିବା ଏକ ଠିକା ସଂସ୍ଥାକୁ କାମ ଦିଆଯାଇଥିବା ସେ ଅଭିଯୋଗ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବଡ଼ କଥା ହେଉଛି କିଛି ଦିନ ତଳେ ଜାତୀୟ କିର୍ତିରାଜି କତୃପକ୍ଷଙ୍କ ପ୍ରସ୍ତାବିତ ବାଇ–ଲ କୁ ବିରୋଧ ହେବା ପରେ ଏହାକୁ ହଟାଇ ନିଆଯାଇଛି । ଓଡ଼ିଶା ସରକାର ଶ୍ରୀମନ୍ଦିର ଚାରିପଟେ ଚଳାଇଥିବା ବିକାଶ କାମକୁ ଏହା ପ୍ରଭାବ କରିବ ବୋଲି ତୀବ୍ର ବିରୋଧ କରାଯାଇଥିଲା । କେନ୍ଦ୍ର ସଂସ୍କୃତି ମନ୍ତ୍ରୀ ପ୍ରସ୍ତାବିତ ବାଇ–ଲକୁ ହଟାଇ ନେଇଥିବା ବେଳେ, ରାଜ୍ୟ ସରକାରଙ୍କ ବିକାଶ କାମକୁ ବେଆଇନ ବୋଲି କହିଛନ୍ତି ଭୁବନେଶ୍ୱର ସାଂସଦ ।