ସ୍ବାସ୍ଥ୍ୟ ନିର୍ଦ୍ଦେଶକ ଡାକ୍ତର ବିଜୟ ମହାପାତ୍ରଙ୍କ ସୂଚନା : ଟିକା କେତେ ଫଳପ୍ରଦ ହେଉଛି ସେନେଇ ତର୍ଜମା କରାଯିବ; ସବୁ ଟିକାର ପ୍ରୋଟେକ୍ସନ ରହୁଛି ୭୧-୯୧%
କନକ ବ୍ୟୁରୋ : କରୋନାରୁ ରକ୍ଷା ପାଇଁ ଏବେ ସାରା ଦେଶରେ ଟିକାକରଣ ପ୍ରକ୍ରିୟାକୁ ତ୍ୱରାନ୍ୱିତ କରାଯାଉଛି । ତେବେ ଟିକା କେତେ ଫଳପ୍ରଦ ହେଉଛି ସେନେଇ ତର୍ଜମା କରାଯିବ ବୋଲି କହଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ଟିକା ନେବା ପରେ କେତେ ଲୋକ ସଂକ୍ରମିତ ହେଉଛନ୍ତି ଓ କେତେ ଭଲ ହେଉଛନ୍ତି ଓ କେତେ ଗୁରୁତର ହେଉଛନ୍ତି ସେ ନେଇ ସବୁ ସ୍ଥାନରେ ତର୍ଜମା ହେଲାଣି ଆମେ ମଧ୍ୟ ତର୍ଜମା ଆରମ୍ଭ କରିବୁ କିନ୍ତୁ ଏହି ପ୍ରକ୍ରିୟା ସମୟ ସପେକ୍ଷ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଯେଉଁ ଜିଲ୍ଲାରେ ଅଧିକ ସଂକ୍ରମଣ ରହିଛି ଆକ୍ରାନ୍ତଙ୍କୁ ଖୋଜି ବାହାର କରିବା ମୁଖ୍ୟ ଷ୍ଟ୍ରାଟେଜି ବୋଲି କହିଛନ୍ତି ବିଜୟ ମହାପାତ୍ର । ସେହିପରି ଆଇସିୟୁରେ ଏବେ ୫୪ ପ୍ରତିଶତ ଏବଂ ଭେଂଟିଲେଟରରେ ୫୬ ପ୍ରତିଶତ ରୋଗୀ ଅଛନ୍ତି । ଅଧିକ ଦିନର ରୋଗୀ ଥିବାରୁ ମୃତ୍ୟୁ ସଂଖ୍ୟା ଅଧିକ ରହୁଛି । ମେଡ଼ିକାଲ କଲେଜରେ ଇକମୋ ମେସିନ୍ ଲଗାଇବା ନେଇ ପ୍ରକ୍ରିୟା ଚାଲିଛି । ଏମସରେ ଏହି ମାସ ଶେଷ ସୁଦ୍ଧା ଇକମୋ ମେସିନ୍ ଲାଗିପାରେ ବୋଲି କହିଛନ୍ତି ବିଜୟ ମହାପାତ୍ର ।