ଏମିତି ଦେଶ ଯେଉଁଠି ନାହିଁ ଓମିକ୍ରନ୍ ଭୟ । ପର୍ଯ୍ୟଟକଙ୍କୁ ଜଣାଉଛି ନିମନ୍ତ୍ରଣ ।
କନକ ବ୍ୟୁରୋ: ଚାରିଆଡେ ଏବେ କରୋନାର ତୃତୀୟ ଲହର ତଥା ଓମିକ୍ରନ୍ର ଭୟ ଖେଳିଯାଇଥିବାବେଳେ ବିଶ୍ୱରେ ଏପରି ଏକ ଦେଶ ଅଛି ଯେଉଁଠି ଲୋକଙ୍କକୁ ଓମିକ୍ରନ୍ ଡର ନାହିଁ । କାରଣ ଏହି ଦେଶରେ ସରକାର ଓମିକ୍ରନକୁ ମାତ୍ ଦେବାକୁ ଏମିତି କିଛି ବନ୍ଦୋବସ୍ତ କରିଛନ୍ତି ଯାହାକୁ ନେଇ ସେଠିକାର ଲୋକେ ବେଶ ଆଶ୍ୱସ୍ତ ଥିବା ଗଣମାଧ୍ୟମରେ ପ୍ରକାଶ ପାଇଛି । ଦୁନିଆଁର ଅଧିକାଂଶ ପର୍ଯ୍ୟଟକ ଏଠାକୁ ବୁଲିବାକୁ ଆସିବାକୁ ପସନ୍ଦ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁନିଆଁର ଅଧିକାଂଶ ଦେଶରେ କରୋନା ଭାଇରସର ନୂଆ ଭୂତାଣୁ ହଇଚଇ ସୃଷ୍ଟି କରିଥିବାବେଳେ ଅନେକ ଦେଶରେ ଭାରି କଟକଣା ଲାଗୁ ହୋଇଛି । ଓମିକ୍ରନର ଗତିରୋଧ କରିବାକୁ କଟକଣା ଜାରି କରିଛନ୍ତି ବିଭନ୍ନ ଦେଶ । ହେଲେ ଏଥିରୁ ବ୍ୟତୀକ୍ରମ ଦେଖାଦେଇଛି ସାଉଦ୍ ଆରବ ରାଷ୍ଟ୍ରରେ (ନାଇଟେଡ୍ ଆରବ ଏମିରେଟ୍ସ) ।ଏଠାରେ ଲୋକେ ପୂର୍ବଭଳି ବିନା ଡରରେ ଜୀବନଯାପନ କରୁଛନ୍ତି । ଏଠାକୁ ବୁଲିଯିବାକୁ ପର୍ଯ୍ୟଟକଙ୍କ ପାଇଁ ଏହି ଦେଶରେ କୌଣସି କଟକଣା ନଥିବା ଜଣାପଡିଛି ।
ବିବିସିର ରିପୋର୍ଟ ମୁତାବକ, ଏଠାରେ ଆଧୁନିକ ଢଙ୍ଗରେ ଓମିକ୍ରନକୁ ରୋକିବାକୁ ପଦକ୍ଷେପ ନିଆଯାଉଛି ।ଏଠାରେ ଦ୍ରୁତ ଟିକାକରଣ, ଶସ୍ତାରେ ଟେଷ୍ଟିଂ କରାଯାଉଛି । ବର୍ତ୍ତମାନ ସୁଦ୍ଧା ସାଉଦ ଆରବ ବ୍ଲମବର୍ଗର କୋଭିଡ ରେଜିଲିଏନ୍ସ ର୍ୟାଙ୍କିଙ୍କରେ ସବୁଠୁ ଆଗରେ ରହିଛି । ୫୩ଟି ଦେଶର ସ୍ୱାସ୍ଥ୍ୟ ସୁବିଧାର ମାନଦଣ୍ଡ, କରୋନାରେ ହୋଇଥିବା ମୃତ୍ୟୁ ହାର ଉପରେ ଆଧାର କରି ଏହି ର୍ୟାଙ୍କ ରିପୋର୍ଟ ପ୍ରସ୍ତୁତ କରାଯାଇଛି ।