ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବଡ ଘୋଷଣା, ଜାଣନ୍ତୁ ନୂଆ ଅବକାରୀ ନୀତିକୁ ନେଇ କଣ କହିଲେ
କନକ ବ୍ୟୁରୋ: ଦିଲ୍ଲୀରେ କ୍ଷମତାସୀନ ଆମ୍ ଆଦମୀ ପାର୍ଟିର ନୂଆ ଅବକାରୀ ନୀତିକୁ ନେଇ ମୁଖ୍ୟମନ୍ତ୍ରୀ ଓ ଉପ ରାଜ୍ୟପାଳଙ୍କ ମଧ୍ୟରେ ମତଭେଦ ଦେଖିବାକୁ ମିଳିଛି । ଏନେଇ ରାଜ୍ୟ ବିଜେପି ପକ୍ଷରୁ ରାଜରାସ୍ତାରେ ବିକ୍ଷୋଭ କରାଯିବା ସହ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ବାସଭବନ ଆଗରେ ବି ବିକ୍ଷୋଭ କରାଯାଇଥିଲା । ଏସବୁ ଭିତରେ ନୂଆ ଅବକାରୀ ନୀତିକୁ ନେଇ ସିବିଆଇ ଯାଂଚ କରାଯାଉ ବୋଲି ଦିଲ୍ଲୀ ଉପରାଜ୍ୟପାଳ ପରାମର୍ଶ ଦେଇଥିଲେ । ଏସବୁ ଭିତରେ ରାଜଧାନୀ ଦିଲ୍ଲୀରେ ମଦର ଖୁଚୁରା ବିକ୍ରି ନେଇ ପୁରୁଣା ଅବକାରୀ ନୀତି ଲାଗୁ ହେବ ବୋଲି ଆଜି ଘୋଷଣା କରିଛନ୍ତି ମନୀଷ ସିସୋଦିଆ । ଏହା ଆସନ୍ତା ସୋମବାର ଠାରୁ ଲାଗୁ କରାଯିବ ବୋଲି ଉପ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
We brought a new liquor policy to stop corruption. Before that government used to get around Rs 6,000 Cr revenue from 850 liquor shops. But, after the new policy, our govt would have got more than Rs 9,000 Cr with the same number of shops: Delhi Deputy CM Manish Sisodia pic.twitter.com/idJAwj4PyD
— ANI (@ANI) July 30, 2022
କହିରଖୁ କି ନୂଆ ଅବକାରୀ ନୀତି ୨୦୨୧-୨୨ କୁ ମାର୍ଚ୍ଚ ୩୧ ତାରିଖ ଠାରୁ ଦୁଇଥର ପାଇଁ ଦୁଇ ଦୁଇମାସ ବୃଦ୍ଧି କରାଯାଇଥିଲା । ହେଲେ ଜୁଲାଇ ୩୧ ତାରିଖ ଠାରୁ ନୁଆ ଅବକାରୀ ନୀତି ଉପରେ ବିରାମ ଲାଗିବାକୁ ଯାଉଛି । ଏନେଇ ବିଭାଗୀୟ ଅଧିକାରୀ କହିଛନ୍ତି କି ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଛନ୍ତି କି ନୂଆ ଅବକାରୀ ନୀତି ଆସିବା ପର୍ଯ୍ୟନ୍ତ ଆଗାମୀ ୬ ମାସ ଯାଏ ପୁରୁଣା ନିୟମ ବଳବତ୍ତର ରହିବ ।