ମାଆ-ଝିଅଙ୍କ ହତ୍ୟା ଘଟଣାରେ ବୋଲେରୋ ସହ ଥିଲା ‘ଇନୋଭା’ କାର । ଡେମୋ କଲା ବେଳେ ନକଲି ମୃତଦେହ ଉପରେ ବୋଲେରୋ ସହ ଚଢାଗଲା ଇନୋଭା
ପ୍ରଶ୍ନ ଉଠୁଛି, ହତ୍ୟାକାଣ୍ଡରେ ଆଉ କିଏ ସାମିଲ
କନକ ବ୍ୟୁରୋ: କଳ୍ପନା ଦାସ ଓ ତାଙ୍କ ଝିଅର ହତ୍ୟାକାଣ୍ଡରେ ବୋଲେରୋ ବ୍ୟତୀତ ଏକ ଇନୋଭା ମଧ୍ୟ ବ୍ୟବହାର କରାଯାଇଥିବା ସନ୍ଦେହ କରାଯାଉଛି । କାରଣ ଆଜି ଡେମୋ ସମୟରେ ନକଲି ମୃତଦେହ ଉପରେ ଏକ ଇନୋଭା ମଧ୍ୟ ଚଢାଯାଇଥିଲା । ଏବେ ପ୍ରଶ୍ନ ଉଠୁଛି ଏହି ଇନୋଭାରେ କିଏ କିଏ ବସିଥିଲେ । ଏନେଇ ପୋଲିସ ନିରବ ରହିଥିବା ବେଳେ ସନ୍ଦେହ କରାଯାଉଛି କଳ୍ପନା ହତ୍ୟାକାଣ୍ଡରେ ଆଉ କିଛି ଲୋକଙ୍କ ସମ୍ପୃକ୍ତି ରହିଛି । ସେମାନଙ୍କ ପାଖରେ ପହଂଚିବା ପାଇଁ ତନାଘନା ତଦନ୍ତ ଚଳାଇଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଏହି ଘଟଣାରେ ଗିରଫ ଅନୁପ ସାଏଙ୍କ ଡ୍ରାଇଭର ବର୍ଦ୍ଧନ ଟପ୍ପୋଙ୍କୁ ସାଥିରେ ନେଇ ପୋଲିସ ହତ୍ୟା ଘଟଣାର ଡେମୋ କରିଛି । କିପରି ପରିସ୍ଥିତିରେ କଳ୍ପନାଙ୍କ ହତ୍ୟା କରାଯାଇଥିଲା ଏବଂ କେମିତି କରାଯାଇଥିଲା ସେସବୁର ଡେମୋ କରିଦେଖାଇଛିି ବର୍ଦ୍ଧନ ଟପ୍ପୋ । ପୁରା ହତ୍ୟା ଘଟଣାର ଏକ ପ୍ରତିକାତ୍ମକ ଚିତ୍ର ସୃଷ୍ଟି କରାଯାଇଥିଲା । ନକଲି ମୃତଦେହ ଉପରେ ଚଢାଯାଇଥିଲା ବୋଲେରୋ ଗାଡି । ଆଜି ଛତିଶଗଡ ପୋଲିସ ଡ୍ରାଇଭର ବର୍ଦ୍ଧନ ଟପ୍ପୋଙ୍କୁ ହତ୍ୟା କରାଯାଇଥିବା ସ୍ଥାନକୁ ନେଇଥିଲା । ଏବଂ ହତ୍ୟାକାଣ୍ଡର ପ୍ରତିଟି ପର୍ଯ୍ୟାୟକୁ ଡେମୋ ମାଧ୍ୟମରେ ବର୍ଣ୍ଣନା କରିଥିଲେ ବର୍ଦ୍ଧନ । ଏଥିସହ ଆଜି ସାମନାକୁ ଆସିଛି ହତ୍ୟାକାଣ୍ଡର ଫଟୋ । କଳ୍ପନା ଏବଂ ତାଙ୍କ ଝିଅଙ୍କ ମୃତଦେହ ରାସ୍ତା ଉପରେ ପଡିଥିବାର ଫଟୋ ।